Fréttir

Gleðihátíðin Eldur í Hún hófst í gær, mánudag og rann ljúflega af stað að sögn Patreks Óla viðburðarstjóra. „Allt gekk eins og í sögu og fór vel af stað, yfir 30 manns á folf námskeiði og um 25 á folf móti seinna um kvöldið.” Segir Patrekur. Hátíðin heldur að sjálfsögðu áfram í dag og er hún efirfarandi með yfirskriftinni: Hver sagði að sund, rave og pílukast færu ekki saman?

Skagafjörður hefur lokið ráðningum í tvær mikilvægar leiðtogastöður á fjölskyldusviði sveitarfélagsins. Álfhildur Leifsdóttir hefur verið ráðin leiðtogi fræðslumála og Auður Inga Ingimarsdóttir hefur verið ráðin leiðtogi málefna fatlaðs fólks og eldra fólks.

Opna Fisk mótið fór fram í rjómablíðu á Hlíðarendavelli á föstudag og laugardag. Kept var í betri bolta á föstudaginn og Greensome á laugardeginum. Uppselt var í mótið og voru 56 keppendur, eða 28 lið mætt til leiks.

Ein af mörgum bæjarhátíðum landsins er sú rótgróna Húnavaka sem haldin er í Húnabyggð í Austur-Húnavatnssýslu. Hátíðinni þetta árið er nýlokið en hún stóð yfir dagana 15 – 19, júlí. Metþátttaka var þetta árið og er ekki ólíklegt að íbúafjöldi Húnabyggðar hafi rúmlega tvöfaldast hátíðardagana. Húnavaka var fyrst haldin 1948 og hefur verið haldin árlega síðan með örfáum undantekningum.

Sveitavegir er tónlistarhátíð sem fer fram á Hofsósi laugardaginn 25. júlí næstkomandi en þar mun tónlistarfólk héðan og þaðan koma saman og flytja sveitatónlist. Héðan og þaðan stendur þá fyrir tónlistarfólk úr Skagafirði og að sunnan. Fyrirmyndir í tónlistinni eru sóttar vestur um haf en með flæðir einnig þjóðlagapopp og auðvitað íslensk sveitatónlist í bland.

Það hefur vonandi ekki farið fram hjá neinum að næsta Unglingalandsmót UMFÍ verður haldið á Sauðárkróki um verslunarmannahelgina 2026. Mótið hefst fimmtudaginn 30. júlí og lýkur sunnudaginn 2. ágúst.

Hinir árlegu tónleikar í Bifröst sem ganga undir nafninu Græni salurinn fóru fram síðasta laugardaginn í júní. Það voru tólf atriði sem stigu á svið og venju samkvæmt var góð stemning og gestir og flytjendur skemmtu sér hið besta. Meðal þeirra hljómsveita sem létu ljós sitt skína var Vænott sem er skipuð brottfluttum Skagfirðingum en þar er Baldvin Ingi Símonarson innsti koppur í búri. Feykir spurði hann út í tónleikana og hljómsveitina.

Það er nú ekki á hverjum degi sem Feykir segir frá trúlofun en það er varla annað hægt þar sem turtildúfurnar Sveinbjörn Óli Svavarsson og Murielle Tiernan trúlofuðust úti á miðjum fótboltavelli í Garðabæ að loknum leik Stjörnunnar og Þórs/KA í síðustu viku.

Lið Kormáks/Hvatar fékk lið Dalvíkur/Reynis í heimsókn á Húnavöku í gær en flautað var til leiks kl. 17. Liðin voru á svipuðum slóðum í efri hluta 2. deildar fyrir leik; gestirnir í þriðja sæti með 20 stig en heimamenn í sjötta sæti með 17. Að leik loknum í gær höfðu Húnvetningar komist upp fyrir Eyfirðingana á markatölu og sitja nú í fjórða sæti eftir sterkan 3-1 sigur.

Bókmenntaþátturinn Kiljan er ekki allra. En þeir sem á annað borð hafa áhuga á bókum og flestu þeim tengdum geta vart hugsað sér köld miðvikudagskvöldin yfir vetrarmánuðina án Egils Helga og vina – gagnrýnendanna geðþekku sem eru svo fallega miður sín ef bók reynist léleg. Kolla, Toggi, Sunna og Ingibjörg hafa þegar svarað Bók-haldinu í Feyki og nú er röðin loks komin að Agli sjálfum.