Íþróttir

„Ég er stödd í Sarajevo, höfuðborg Bosníu og Hersegóvínu. Það er mjög heitt og búið að vera sól og 30+ gráður alla dagana hingað til,“ segir Skagstrendingurinn Elísa Bríet Björnsdóttir sem er að spila með íslenska U19 landsliðinu í knattspyrnu en liðið spilar undir stjórn Donna þjálfara.

Pílukastfélag Skagafjarðar hélt á dögunum annað mótið í sumarmótaröð sinni. Í mótaröðinni eru sjö mót þar sem spilaðir eru 501 SIDO, 301 DIDO, 1001 SISO, Cricket eða Chicago-leikir. Einnig eru veitt alls kyns verðlaun og gefin stig fyrir árangur. Í júlí verða tvö mót, nánar til tekið dagana 21. og 28. júlí.

Landsmót Ungmennafélags Íslands fyrir 50 ára og eldri fór fram á Hrafnagili um helgina. Á vefsíðu Húna‏ings vestra kemur fram að keppnislið USVH hafi gert góða ferð á mótið en þau komu heim með fjölmörg verðlaun.

Það var leikið á Blönduósvelli á sama tíma og rabarbaranum var gert hátt undir höfði í Gamla bænum. Gestir Kormáks/Hvatar að þessu sinni var lið Hvíta riddarans úr Mosfellsbænum og þeir voru sendir rakleiðis heim að leik loknum með 4-0 tap á bakinu.

Stólastúlkur fengu skell í Vesturbænum á laugardag þar sem lið KR beið þeirra. Það boðar nú sjaldnast nokkuð gott að fá á sig fimm mörk í fyrri hálfleik og það var hola sem gestirnir gátu ekki grafið sig upp úr. Með sigrinum skelltu Vesturbæingar sér á topp deildarinnar. Lokatölur 6-0 og lið Tindastóls á botni Lengjudeiildar.

Undanfarnar vikur hafa hestamannafélög um land allt verið að halda úrtökumót til að velja fulltrúa sína á Landsmótið að Hólum sem hefst 5. júlí næstkomandi. Félögin á Norðurlandi vestra hafa gengið frá sínum keppendalistum ogná sjá þá hér í fréttinni.

Í rigningunni í gær, fimmtudaginn 25. júní mættust Tindastóls og Sindra úr Höfn í Hornafirði í tíundu umferð 3. deildar karla. Leikurinn endaði 4-2 fyrir heimamenn og Matheus Bettio Gotler með tvennu.

Talsverð umræða hefur skapast í kjölfar Króksmóts stúlkna sem fram fór á Sauðárkróki um liðna helgi. Þátttaka á mótinu var dræm svo ekki sé meira sagt en aðeins 27 lið frá sex félögum mættu til leiks að þessu sinni en liðin hafa jafnan verið í kringum 100 og mest 118. Fækkun varð í fyrra en þá tóku 68 lið þátt. Þessi knattspyrnumót eru jafnan mikilvæg tekjulind fyrir félögin og skipta oft höfuðmáli í starfseminni fyrir utan hvað þau eru skemmtileg og gefandi. Nú virðist sem stóru klúbbarnir sæki í sífellt stærri bita af kökunni. Feykir heyrði hljóðið í Guðbjörgu Óskarsdóttur mótsstjóra Króksmótsins sem og Eysteini Pétur Lárussyni framkvæmdastjóra KSÍ.

Körfuknattleiksdeild Tindastóls hefur náð samkomulagi við hinn gríðarlega reynslumikla leikstjórnanda, Dee Bost, um að ganga til liðs við félagið. Í fréttatilkynningu frá deildinni segir að Bost komi til Tindastóls með feril sem talar sínu máli. Hann hefur leikið í sterkustu deildum Evrópu, þar á meðal EuroLeague, EuroCup og Basketball Champions League, auk þess að spila með búlgarska landsliðinu.

Þann 18. júni fór fram aðalfundur körfuknattleiksdeildar Tindastóls og þar kom í ljós ángæjuleg niðurstaða en hagnaður var á rekstri deildarinnar tímabilið 2025-2026. Það sem kom kannski skemmtilega á óvart var að tæplega 2,5 milljón króna hagnaður varð á þátttöku mfl. karla í ENBL-deildinni. Feykir lagði nokkrar spurningar fyrir Dag Þór Baldvinsson sem stýrt hefur Stólaskútunni um árabil með áræðni og á mesta velgengnistímabili í sögu félagsins.