Íþróttir

Hin fjölhæfa Ana Clara Paz frá Argentínu er gengin í raðir Tindastóls og mun leika með kvennaliði félagsins á komandi tímabil. En þetta kom fram á Facebook síðu Körfuknattleiksdeildarinnar fyrr í dag. Paz þekkir íslenska körfuboltann vel og kemur með mikilvæga reynslu inn í ungt og metnaðarfullt lið Stólanna.

Kormákur/Hvöt heldur áfram að spila heimaleiki í Gatorade bikarnum. Í kvöld, þriðjudaginn 2. ágúst, taka þeir á móti liði KFA. Liðin mættust síðast á Neskaupstað þann 20. júní síðastliðinn þar sem leikurinn endaði í 2-2 jafntefli, svo búast má við hörkuleik.

Kynslóðirnar kepptu saman að því að ná besta tímanum í tröppuspretti á Unglingalandsmótinu síðastliðinn laugardag en þátttakendur voru frá fimm ára aldri og upp í 64. Brattar tröppurnar upp á Nafirnar ofan við íþróttasvæðið eru 163 talsins eða næstum jafnmargar þátttakendunum, sem voru 143. Sigurvegarinn reyndist Haukur Skúli Óttarsson, ungur og sprækur keppandi úr Eyjafjarðarsveit, en hann fór Klaufaganginn á 21,73 sekúndu sem er nú eiginlega fáránlega góður tími.

Það er runninn upp lokadagur Unglingalandsmótsins á Sauðárkróki og ekki væsir um keppendur og gesti veðrið hefur heldur betur verið með þeim í liði, aðeins á föstudaginn sem dimmt var yfir og þokuloft en annars bara glampandi sól og nauðsynlegur norðanandvari til kælingur. Að sögn Pálínu Óskar í móttstjórn hefur mótshaldið gengið ljómandi vel og skráningar í allar greinar skilað sér vel. Hún segir gleðilegt að þátttaka sé góð í öllum greinum og sömuleiðis í þeirri afþreyingu sem boðið er upp á.

Mikið líf og fjör hefur verið á Sauðárkróki undanfarna daga og gleðin heldur áfram í dag, en nú er komið að lokadegi Unglingalandsmótsins. Helgin hefur heppnast með glæsibrag og eru bæði gestir og heimafólk í skýjunum með mótið. Nú er bara að halda jákvæðninni og stuðinu áfram fram á síðustu stundu.

Stefán Þór Kemp, körfubolta kappi er sonur þeirra Rakelar Kemp Guðnadóttur og Maríu Önnu Kemp Guðmundsdóttur. Hann er elstur af sínum bræðrum, yngri bræður hans heita Daníel Örn og Guðni Freyr. Stefán ólst upp á Reyðafirði áður en hann flutti á Krókinn þar sem hann býr í dag. Lífsmottóið hans er, að verða betri en ég var í gær.

Unglingalandsmótið var sett af glæsileik í gærkvöldi og er stemningin í bænum í hámarki. Rúmlega 1.000 keppendur eru mættir til leiks og er áætlað að um 5.000 til 6.000 manns séu nú saman komnir í Skagafirði. Setningarathöfnin heppnaðist vel. Hefð er fyrir því að keppendur gangi hring á frjálsíþróttabrautinni undir merkjum sinna íþróttahéraða. Þau Ernir Daði Arnbergz og Emilíana Lillý Guðbrandsdóttir stýrðu athöfninni.

Nóg verður um að vera á Norðurlandi vestra næstu vikurnar og ættu allir að geta fundið eitthvað við sitt hæfi. Núna er Unglingalandsmót UMFÍ á Sauðárkróki og Norðanpaunk á Laugarbakka um helgina, en vikuna eftir taka við Króksmótið, Molduxi Trail og Hinsegin dagar í Skagafirði.

Í dag mun dagskrá Unglingalandsmótsins vera alveg frá kl. 08:00 til kl. 23:00 og nóg verður um að vera á Króknum. Á keppnisdagskránni er badminton, grashandbolti, fótbolti, pílukast, stafsetning og glíma. Í boði fyrir alla fjölskylduna er t.d. fyrirlestur Margrétar Viðarsdóttur næringarfræðings, fjöruhlaup þar sem boðið verður upp á 5 km og 7 km, Latibær mætir á svæðið, fjölskyldufjör í íþróttahúsinu og síðan mun DJ Ragga Hólm enda kvöldið í partítjaldinu. Fólk er hvatt til þess að kíkja á dagskrána, en fyrst fékk Feykir Blönduósinginn Birgi Stein til þess að segja frá því hverju hann er spenntastur fyrir á mótinu. Birgir er á ellefta ári, sem þýðir að hann er að keppa á sínu fyrsta Unglingalandsmóti.

Þá er komið að stórmótinu sem Unglingalandsmótið er, tjaldsvæðið á Nöfunum er að fyllast og setmningin er mikil. Í dag er keppt í alls kyns greinum eins og golfi, krakkahreysti og júdó. Mótið mun þó fara á fullt á morgun þar sem dagskráin verður stút full frá átta um morguninn til ellefu um kvöldið. Kvölddagskráin í partítjaldinu er heldur betur spennandi einnig en hægt er að taka þátt í danskeppni þar sem gleðin ræður ríkjum. Baldvin Orri Dagsson frá Víðiholti í Skagafirði ætlar að keppa í þremur greinum með liðinu Mjólkurbottarnir. Baldvin sem er alveg að verða tólf ára er að taka þátt á fyrsta Unglingalandsmótinu sínu.