Íþróttir

Undirbúningstímabil knattspyrnufólks hefst fyrir alvöru um helgina þegar Lengjubikarinn fer í gang. Þrjú lið af Norðurlandi vestra taka þátt í keppninni þennan veturinn; Bestu deildar lið Tindastólskvenna spilar í riðli 1 í A deild, Kormákur/Hvöt tekur aldrei þessu vant þátt í Lengjubikarnum en Dominic Furness þjálfari mætir til leiks með sína kappa í 1. riðli B deildar og þá mætir Konni með Tindastólspiltana í riðil 4 í B deild.

Þau tíðindi eru í körfunni á Sauðárkróki að tvær nýjar hafa komið til liðs við kvennalið Tindastóls í Bónus deildinni en á móti hafa tvær yfirgefið liðið.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að sporna við kyrrsetu og hvetja landsmenn til þess að hreyfa sig meira í sínu daglega lífi. Stuðst er við ráðleggingar embættis landlæknis um hreyfingu sem segir að börn og unglingar þurfi að hreyfa sig minnst 60 mínútur daglega og fullorðnir þurfi að stunda miðlungserfiða hreyfingu í minnst 21,4 mínútur daglega. Í Lífshlaupinu er miðað við 30 mín á dag fyrir 16 ára og eldri.

Það var toppslagur í Garðabænum í kvöld þar sem topplið Stjörnunnar tók á móti liði Tindastóls sem var í öðru sæti Bónus-deildarinnar. Stólarnir spiluðu vel bæði í sókn og vörn og tóku völdin í öðrum leikhluta. Þeir voru níu stigum yfir í hálfleik og náðu góðu forskoti í síðari hálfleik. Stjörnumenn áttu gott áhlaup í kjölfar þess að Drungilas fékk sína fimmtu villu en Arnar slökkti í þeim og Stólarnir smelltu sér á topp deildarinnar. Lokatölur 82-90.

„Þau gleðitíðindi bárust að norðan með seinni rútunni að fyrirliði Kormáks Hvatar, Acai Nauset Elvira Rodriguez, hefði framlengt samning sinn og myndi leika með liðinu í sumar!.“ Þannig hófst tilkynning á Aðdáendasíðu Kormáks á Facebook í gærkvöldi en Acai hefur leikið 70 leiki með liði Kormáks/Hvatar á fjórum tímabilum.

Loks berast nú fréttir frá knattspyrnudeild Tindastóls en á heimasíðu UMFT var sagt frá því í dag að bræðurnir Halldór Jón (Donni) og Konráð Freyr (Konni) Sigurðssynir hafa verið ráðnir þjálfarar meistaraflokksliða Tindastóls til næstu þriggja ára.

Vísir.is sagði frá því í morgun að liði Tindastóls hefði bæst liðsstyrkur fyrir lokaátökin í Bónus deild karla. Um er að ræða Dimitris Agravanis, eldri bróðir Giannis sem spilar með liði Tindastóls, þaulreyndan þrítugan landsliðsmann Grikkja en hann hefur allan sinn feril spilað með stórliðum í Evrópu þrátt fyrir að hafa á sínum tíma verið valinn af Atlanta Hawks í NBA-deildinni.

Það voru sex einstaklingar frá UMSS sem fengu þátttökurétt á Reykjavík International í frjálsum sem haldið var í 18. sinn í Laugardalshöllinni þann 27. janúar síðastliðinn. Þau höfðu með frábærum árangri á tímabilinu 1. okt. 2024 – 20. jan. 2025 öðlast rétt til að taka þátt í þessu alþjóðlega móti og fóru fyrir hönd UMSS þau; Emilía Rós Ólafardóttir, Friðrik Logi Haukstein Knútsson, Halldór Stefánsson, Ísak Óli Traustason, Súsanna Guðlaug Halldórsdóttir og Sveinbjörn Óli Svavarsson

Axel Arnarsson var Íþróttagarpur Feykis í tbl. 15 í fyrra en hann verður 18 ára í lok maí og býr á Grundarstígnum á Króknum. Axel og fjölskylda hans fluttu á Krókinn þegar hann var níu ára gamall en foreldrar hans eru Arnar Már Elíasson og Aldís Hilmarsdóttir. Axel á svo einn lítinn bróðir, eins og hann orðaði sjálfur, sem heitir Kjartan Arnarsson.

Tindastólsmenn sóttu lið Hattar heim á Egilsstaði í gær í 16. umferð Bónus deildar karla í körfubolta. Hattarmenn eru í einu af botnsætum deildarinnar en eru sýnd veiði en ekki gefin. Þeir fóru betur af stað í gærkvöldi en Tindastólsliðið náði yfirhöndinni fyrir hálfleik og sigldi síðan næsta öruggum sigri heim í síðari hálfleik. Lokatölur voru 85-97 og Stólarnir áfram í öðru sæti deildarinnar.