Íþróttir

Stólastúlkur fengu Gróttu í heimsókn á Sauðárkróksvöll síðast liðinn laugardag. Leikurinn endaði með 0-5 sigri Gróttu og Tindastóll leitar því en að fyrsta sigrinum í Lengjudeildinni.

Leikur Tindastóls og Reynis Sandgerðis átti sér stað á Sauðárkróksvelli í gær þar sem heimamenn unnu 2-1. Stólarnir eru því einir á toppnum og með fjögurra stiga forskot á annað sætið.

Í vetur hefur nýr golfskáli risið á Hlíðarendavelli á Sauðárkróki. Nú þegar styttist í opnun nýs og glæsilegs skála er fólk orðið enn spenntara og nú er mikil tilhlökkun meðal meðlima golfklúbbsins. Feykir hafði samband við Aldísi Hilmarsdóttur formann Golfklúbbs Skagafjarðar, sem sagði nánar frá verkefninu.

Í gær fóru fram 32-liða úrslit Gatorade bikarsins, þar sem Kormákur/Hvöt fékk ríkjandi bikarmeistara Víkings Ólafsvíkur í heimsókn. Heimamenn höfðu betur, leikurinn endaði 3-2 og því halda Húnvetningar áfram í 16-liða úrslit.

Spánverjinn Carlos Dominguez Requena, eða Domi, er þjálfari kvennaliðs Tindastóls í fótbolta. Hann kom fyrst til landsins sem leikmaður árið 2018 og lék alls tvö tímabil með Kormáki/Hvöt og fjögur tímabil með Tindastól. Eftir að hafa spilað með Húnvetningum í fyrra lagði hann skóna á hilluna til að snúa sér alfarið að þjálfun. Þetta er hans fyrsta tímabil með meistaraflokk og fékk Feykir hann í spjall um sumarið fram undan.

Í 32-liða úrslitum Gatorade bikarsins fá Kormákur/Hvöt lið Víkings Ólafsvíkur í heimsókn. Víkingur Ólafsvík er ríkjandi bikarmeistari en á síðustu leiktíð hét þessi bikarkeppni Fótbolti.net bikarinn. Leikurinn fer fram á Blönduósvelli klukkan 18:00 í kvöld, 27. maí.

Gatorade bikarinn hefst í dag. Tindastólsmenn halda suður og spila þar við lið Hvíta Riddarans klukkan 19:15. Frítt er inn á leikinn og því eru allir stuðningsmenn Tindastóls fyrir sunnan hvattir til þess að skella sér á leik í Malbiksstöðinni að Varmá.

Tindastólsstúlkur héldu á Akranes í gær, mánudaginn 25. maí. Fyrir leik deildu heimakonur ÍA fimmta og sjötta sæti Lengjudeildarinnar með liði Völsungs. Heimakonur skoruðu sitt fyrsta mark þegar fimm mínútur voru eftir af fyrri hálfleik. Í lok leiks var staðan orðin 5-0 og Stólastúlkur héldu heim stigalausar.

Lið Kormáks/Hvatar og Tindastóls spiluðu bæði gær í fótboltanum. Húnvetningar gátu loks spilað á Blönduósi og þar lögðu þeir lið Kára frá Akranesi 4-1 eftir að hafa lent undir um miðjan fyrri hálfleik. Stólarnir töpuðu sínum fyrstu stigum á Egilsstöðum þar sem þeir gerðu markalaust jafntefli við lið Hattar.

Í kvöld fóru fram grjóthörð úrslit í Skólahreysti og var keppnin sýnd í beinni útsendingu í Ríkissjónvarpinu. Það voru tólf skólar sem kepptu til úrslita og þar af einn skóli af Norðurlandi vestra en það var lið Grunnskóla Húnaþings vestra. Að sjálfsögðu gerðu þau sér lítið fyrir og unnu keppnina með stæl, fengu 60 stig eftir að hafa staðið sig frábærlega í öllum greinum og en skólarnir tveir sem deild 2. og 3. sæti fengu 54 stig. Til hamingju Húnvetningar!