Mannlíf

Systurnar frá Grænumýri í Blönduhlíð, Ragnhildur Sigurlaug og Sigurbjörg Svandís Guttormsdætur, 9 og 6 ára, bræddu hjörtu landsmótsgesta á Hólum í Hjaltadal. Þetta var ekki í fyrsta sinn sem þær koma fram á hátíðinni en þær unnu Söngkeppni barnanna með laginu „Líttu sérhvert sólarlag“ fyrir tveimur árum síðan.

Líkt og undanfarna Lummudaga var markaður í Aðalgötunni og nágrenni á laugardeginum. Þar var að sjálfsögðu margt um manninn og margt í boði í sölutjöldum. Veðrið var skínandi gott, hlýtt og stillt og sólarglennur af og til. Að sjálfsögðu var víða hægt að ná sér í lummur og Bakarastéttin var að venju þétt setin.

Á fréttavef Austur Húnavatnssýslu kemur fram að á fimmtudaginn 23. júní, hafi Heimilisiðnaðarsafnið á Blönduósi fengið til eignar glæsilegur skautbúningur/kyrtill.

Fljótaá í Skagafirði var opnuð í gærmorgun og á vef Morgunblaðsins segir frá því að þar hafi veiði byrjað vel því stórlaxi var landað strax í gærmorgun.

Tónlistarveislan VSOT fór fram síðastliðinn föstudag í Félagsheimilinu Bifröst og vakti rífandi lukku. Þar stigu á stokk nokkrar rótgrónar hljómsveitir, flestar úr Skagafirðinum, í bland við ungt og efnilegt tónlistarfólk. Þá stigu ljóðskáld einnig á svið og lásu upp úr bókum sínum. Kynnir kvöldsins var Guðbrandur Ægir Ásbjörnsson.

Drangey Music Festival fer fram annað kvöld á Reykjum á Reykjaströnd. Samkvæmt Viggó Jónssyni, einum af skipuleggendum hátíðarinnar, hefur undirbúningurinn gengið stórvel, það sé allt að verða komið.

Sviðsframkoma var endurvakin í Gúttó í gærkvöldi en tilefnið var útkoma ljóðbókarinnar „Rökkur“ eftir Skarphéðinn Ásbjörnsson.

Fyrr í vikunni var greint frá því á feyki.is að Fræðslunefnd Sveitarfélagsins Skagafjarðar hefði lagt til að færa tónlistarnám á Sauðárkróki inn í Árskóla frá og með skólaárinu 2016-2017. Byggðarráð samþykkti tillögu Fræðslunefndar á fundi sínum í gær.

Lummudagar verða settir með athöfn í á lóð Árskóla á Sauðárkróki kl. 18 í dag, nánar tiltekið í „U-inu“ eins og segir í auglýsingu í Sjónhorninu. Boðið verður upp á fiskisúpu, tónlist, hundasýningu og parkoursýningu.

Í gær, 22. júní, var úthlutað styrkjum úr Menningarsjóði KS. Að þessu sinni hlutu 28 aðilar styrki til ýmissa menningartengdra verkefna, sem flest tengjast Skagafirði eða nærsveitum. Það voru Þórólfur Gíslason kaupfélagsstjóri og Bjarni Maronsson stjórnarformaður KS sem önnuðust úthlutunina en þeir eru í stjórn Menningarsjóðsins, ásamt Ingu Valdísi Tómasdóttur, Efemíu Björnsdóttur og Einari Gíslasyni.