Skagafjörður

Fimmtán stóðhestar voru skráðir til leiks í fimmgangskeppni KS-Deildarinnar sem fram fór í reiðhöllinni á Sauðárkróki gærkvöldi. Stefndi því í mikla stóðhestaveislu en einnig voru spennandi hryssur skráðar. Þórarinn Eymundsson og Narri frá Vestri Leirárgörðum voru efstir eftir forkeppni með einkunnina 7,03.

Sveitarfélagið Skagafjörður minnir á það á heimasíðu sinni að umsóknarfrestur vegna flestra sumarstarfa rennur út í dag, fimmtudaginn 9. mars. Í boði er fjöldinn allur af spennandi og krefjandi sumarstörfum m.a. á Sauðárkróki, Varmahlíð, Hofsós, Blönduósi og Hvammstanga.

Í byrjun þessa árs var stofnaður hópur á Facebook undir nafninu Saumum innkaupapoka til láns en nafninu hefur nú verið breytt í Pokastöðin í Skagafirði. Sú sem á heiðurinn af stofnun hans er Þuríður Helga Jónasdóttir, kennari við Grunnskólann austan Vatna á Hólum og Hofsósi, og fljótlega gekk Svanhildur Pálsdóttir, hótelstjóri í Varmahlíð, í hópinn. Hleyptu þær af stokkunum saumahópum sem hafa hist öðru hvoru í þeim tilgangi að sauma innkaupapoka sem hægt verður að fá að láni í verslunum. Enn sem komið er hafa engir karlar sinnt kallinu en þó nokkur hópur kvenna hefur lagt sitt af mörkum og hafa þær tekið sér vinnuheitið Skreppur en orðið getur þýtt skjóða eða malur og nota þær heitið jafnt á konurnar sjálfar og pokana.

Eftir þrotlausar æfingar í vetur er komið að tónleikunum Bó og meira til sem Karlakór Bólstaðarhlíðarhrepps stendur að ásamt hljómsveit Skarphéðins Einarssonar á Blönduósi.

Lilja Gunnlaugsdóttir og Valur Valsson, búsett í Áshildarholti við Sauðárkrók, eignuðust fallega stúlku þann 12. janúar sl. Stúlkan var búin að eiga erfiðar síðustu vikur í móðurkviði og höfðu mæðgurnar verið í ströngu eftirliti frá því að hraðtaktur kom í ljós í mæðraskoðun á 34. viku. Stúlkan fór ásamt foreldrum sínum til Svíþjóðar þar sem gera þurfti "opna hjartaaðgerð" á henni. Dvölin hefur verið lengri en áætlað var í fyrstu og ennþá er óvíst hvenær þau komast heim með dömuna. Lilja og Valur eiga fyrir aðra dóttur, Ásrúnu. Hún er 5 ára og er mjög dugleg stelpa sem bíður spennt eftir að fá mömmu og pabba heim með litlu systur. Búið er að stofna styrktarsíðu á Facebook sem heitir Styrktarsíða Stúlku Valsdóttur þar sem hægt er að styrkja þau á einn eða annan hátt og kaupa vörur á sanngjörnu verði og rennur hluti andvirðis til Lilju og fjölskyldu.

Hið árlega Molduxamót í hinni fallegu íþrótt körfubolta, verður haldið laugardaginn 22. apríl 2017 í íþróttahúsinu á Sauðárkróki (Síkinu). Mótið verður með sama sniði og á síðasta ári og verður boðið uppá þrjá keppnisflokka:

Dagana 5.-7. apríl mun UMFÍ standa fyrir ráðstefnunni Ungt fólk og lýðræði og er þetta í níunda sinn sem UMFÍ stefnur fyrir slíkri ráðstefnu. Að þessu sinni verður hún haldin á Hótel Laugarbakka í Miðfirði. Yfirskrift ráðstefnunnar í ár er EKKI BARA FRAMTÍÐIN – UNGT FÓLK, LEIÐTOGAR NÚTÍMANS.

Heiðrún Erla Stefánsdóttir á Sauðárkróki fékk óvænta heimsókn á Barnaspítala Hringsins á dögunum þegar uppáhalds söngkonan hennar birtist óvænt og gaf sér tíma með henni þrátt fyrir annasama daga. Hólmfríður Sveinsdóttur, móðir Heiðrúnar, segir að hún sé mjög hrifin af Svölu og lék hana m.a. á Öskudaginn.

Það má segja að um sannkallaða stóðhestaveislu verði að ræða í KS-Deildinni á morgun miðvikudag, en fimmtán stóðhestar eru þá skráðir til leiks í fimmgangi. Keppnin fer fram sem fyrr í Svaðastaðahöllinni á Sauðárkróki og hefst kl 19:00.

Vel hefur viðrað til skíðaiðkunar á landinu undanfarið og þá sérstaklega á skíðasvæðinu í Tindastóli. Færið er gott og veðurguðirnir glaðir. Í tilkynningu segir að skíðasvæðið verði opið í dag til klukkan 19:00 en þar er nú hægviðri, -2c og léttskýjað.