Skagafjörður

“Hvar ætlið þið að láta þennan feita vera?” Þannig hljóðaði ein spurning ársins, sem nú er að líða. Og síðan var spurningin endurtekin og sagt: “Hvar eigum við að koma honum fyrir þessum feita?” - Og smá hlátur fylgdi með. Einhver sem heyrir þetta kann að halda að það hafi verið börn eða unglingar sem báru fram þessar spurningar. Kannski í hugsunarleysi. Eða til að stríða einhverjum, eða særa. Í skólanum væri talað um einelti – fordóma.

Fjöldi fólks safnaðist saman við áramótabrennu á Sauðárkróki í kvöld enda var veðrið hið besta. Það logaði glatt í bálkestinum og hitinn mikill sem frá honum barst. Björgunarsveitin Skagfirðingasveit endaði svo góða kvöldstund með flugeldasýningu. Með meðfylgjandi myndum frá kvöldinu óskar Feykir öllum landsmönnum gleðilegs nýs árs með þökk fyrir samfylgdina á liðnum árum.

„Síðasta ár var svo óútreiknanlegt að ekki einu sinni Nostradamus heitinn hefði séð fyrir þau ósköp. En það verður að segjast að margt að því sem við spáðum í fyrra var nokkuð rétt annað greinilega misskilið eða rangtúlkað hjá okkur. Ekki látum við samt deigan síga og kíktum í spil af mörgum gerðum, litum í spákúluna okkar og erum hér komin enn einu sinn með spá fyrir komandi ár,“ segja spákonurnar hjá Spákonuarfi á Skagaströnd en þær brugðust vel við áskorun Feykis um að spá í komandi ár. Þar sem nú eru óvissutímar í pólitíkinni, og fólk forvitið um það hvað er að gerast í stjórnarmyndun og hvað mun ganga á hjá helstu stjórnmálaleiðtogum landsins á komandi ári, er upplagt að byrja þar. Það er kannski óþarfi að taka það fram að þegar þetta er ritað hefur ekki tekist að mynda stjórn og ekkert sem bendir til að það sé að takast.

Á morgun klukkan 15 verður heimildamyndin Dóra – Ein af strákunum frumsýnd í Króksbíó. Myndin segir frá liðlega fertugri húsmóður í Reykjavík sem gerist kokkur á grænlenskum verksmiðjutogara. Sýningartími er 53 mínútur og kostar miðinn 1.000 krónur en aðgangseyrir rennur óskiptur til Krabbameinsfélags Skagafjarðar. Framleiðandi myndarinnar er kvikmyndagerðarfyrirtækið Skottafilm á Sauðárkróki.

Vegna viðgerðar á stofnlögn er kaldavatnslaust í hluta Varmahlíðar eitthvað fram eftir degi en viðgerð stendur yfir. Beðist er velvirðingar á óþægindum sem truflunin kann að valda.

Eins og fram hefur komið hér á vefnum og í síðasta tölublaði ársins af Feyki stendur yfir kjör á manni ársins á Norðurlandi vestra. Gefst íbúum svæðisins sem fyrr kostur á að velja úr hópi þeirra sem tilnefndir voru af lesendum. Kosningin stendur til hádegis á nýársdag.

Fjórar brennur eru fyrirhugaðar í Skagafirði um áramótin, á Hofsósi, Hólum, Sauðárkróki og Varmahlíð. Það eru björgunarsveitirnar sem hafa veg og vanda af brennunum og flugeldasýningunum eins og áður. Kveikt verður í öllum áramótabrennunum á sama tíma kl. 20:30 og flugeldasýningarnar hefjast kl 21. Á Hofsósi er brennan við Móhól og á Hólum sunnan við Víðines. Á Sauðárkróki er brennan norðan við hús Vegagerðarinnar og í Varmahlíð við afleggjarann upp í Efri-byggð.

Pétur Rúnar Birgisson íþróttamaður Skagafjarðar og Israel Martin besti þjálfarinn að mati dómnefndar voru færðir bikarar og viðurkenningaskjöl á æfingu. Þá fékk meistaraflokkur karla tilnefningu sem lið ársins. Þar sem engin miskunn er gefinn í íþróttunum þegar ná á árangri komust þeir Pétur Rúnar og Israel Martin hvorugur á afhendingu viðurkenninga hjá UMSS í kvöld en athöfnin fór fram í Húsi frítímans á Sauðárkróki. Eftir að formaður körfuboltadeildarinnar hafði tekið við viðurkenningunum var brugðið á það ráð að fara með góssið á æfingu eins og sést á meðfylgjandi myndbandi.

Í kvöld fór fram val á íþróttamanni Skagafjarðar í Húsi frítímans á Sauðárkróki að viðstöddu fjölmenni. Fjöldi ungra íþróttakappa fékk viðurkenningar fyrir góðan árangur í sínum greinum og besti þjálfarinn verðlaunaður sem og besta liðið. Besta liðið að mati valnefndar að þessu sinni var lið meistaraflokks karla í knattspyrnu en það þótti afreka vel í sumar er það færði sig upp um deild og ekki síst fyrir það að liðið sigraði andstæðinga sína 17 leiki í röð á Íslandsmótinu.

Síðast liðið vor fékk Feykir styrk úr Uppbyggingarsjóði til framleiðslu á dægurmálaþáttum. Ákveðið var að verja honum til að gera annars vegar þátt sem sýndi svipmyndir úr Sæluviku Skagfirðinga annars vegar og hins vegar til að framleiða jólaþátt í samstarfi við nemendur í kvikmyndagerð við FNV.