Skagafjörður

Úrtaka fyrir eitt laust sæti í KS-Deildinni verður haldin 25. janúar í Reiðhöllinni Svaðastöðum. Sagt er frá þessu í tilkynningu hjá Meistaradeild Norðurlands. Keppt verður í fjórgangi og fimmgangi og skulu tveir liðsmenn keppa í hvorri grein. Liðið skal síðan skipað a.m.k. fjórum knöpum en heimilt er að skrá fimm og verður það nánar auglýst síðar.

Jólatónleikar Tónlistarskóla Skagafjarðar hafa farið fram víðs vegar um héraðið nú í desember. Fyrstu leikar hófust fimmtudaginn 8. desember í Félagsheimilinu Höfðaborg Hofsósi, á Hólum12. desember, í Miðgarði 13. desember og þeir síðustu í matsal í Árskóla í gær.

Líkt og undanfarin ár auglýsir Feykir eftir tilnefningum um mann ársins á Norðurlandi vestra. Feykir hefur staðið fyrir slíkum tilnefningum í nokkur ár og var Anna Pálína Þórðardóttir á Sauðárkróki kosin Maður ársins 2015.

Nú er búið að velja sigurlagið í Jólalagakeppni Rásar 2 árið 2016 og heitir það „Jólanna hátíð er“. Lag þeirra Kristjáns Bjarna Halldórssonar og Reynis Snæs Magnússonar „Jólin koma“ endaði í því öðru. Á Rúv.is segir að rúmlega sextíu lög hafi borist í

Á bænum Ríp í Hegranesi fæddist, öllum að óvörum, hestfolald fyrir tveimur vikum. Móður og folaldi var komið á hús og mikil vinátta hefur tekist milli folaldsins og Þórðar Braga fjögurra ára gutta á bænum. Óhætt er að segja að myndbandið sé það krúttlegasta sem sést hefur lengi.

Kaffiklúbburinn Skín við sólu, sem samanstendur af Skagfirðingum á höfuðborgarsvæðinu, hefur í mörg ár hist á hverjum laugardagsmorgni kl. 10 á kaffihúsum sunnan heiða. Þar eru heimsmálin leyst hverju sinni og rifjaðar upp gamlar sögur. Á heimasíðu Skagfirðingafélagsins hefur verið sett inn dagskrá fram á vor og eru Skagfirðingar hvattir til að fjölmenn á þessa skemmtilegu fundi. Tíðindamaður félagsins kíkti í kaffi á Silfrinu í verslanamiðstöðinni Firðinum í Hafnarfirði laugardaginn 10. desember sl. og var þar hin fínasta mæting og rífandi stemning, kominn jólaandi yfir mannskapinn.

Sagt er frá því á vef Knattspyrnusambands Íslands að Króksarinn Eyjólfur Sverrisson hefur verið endurráðinn landsliðsþjálfari U21 karla og er nýr samningur hans til tveggja ára eða til loka árs 2018. Eyjólfur tók við liðinu árið 2008 en hann hafði einnig þjálfað liðið á árunum 2003 - 2005.

Dagur Þór Baldvinsson hefur verið ráðinn í stöðu yfirhafnarvarðar hjá Svf, Skagafirði en hann var valinn úr hópi sjö manna. Dagur Þór er menntaður sjávarútvegsfræðingur frá Háskólanum á Akureyri. Dagur starfar hjá Háskólanum á Hólum og er umsjónarmaður fiskeldistilrauna í Verinu á Sauðárkróki, ásamt því að vera með yfirumsjón með verknámi í diplómanámi fiskeldisdeildar skólans.

Samfylkingin er leið yfir því að slitnað hafi upp úr viðræðum fimm flokka um myndun ríkisstjórnar, samkvæmt yfirlýsingu sem flokkurinn sendi frá sér í dag vegna slita á fimm flokka viðræðum. „Við töldum góðan möguleika á að þessir flokkar gætu myndað umbótastjórn þar sem í senn yrði unnið að endurreisn heilbrigðis- og menntakerfis og nauðsynlegra fjárfestinga í innviðum ásamt því að koma á kerfisbreytingum í landbúnaði og sjávarútvegi. Við myndum líka vinna að umbóta- og framfaramálum s.s. loftslagsstefnu, atvinnumálum, auknu jafnrétti og nýrri stjórnarskrá, svo fátt eitt sé nefnt,“ segir í yfirlýsingunni.

Söngkeppni félagsmiðstöðvarinnar Friðar í Skagafirði var haldin föstudagskvöldið 9. desember sl. í menningarhúsinu Miðgarði. Á heimasíðu Svf. Skagafjarðar segir að í keppninni hafi verið sex frábær atriði og fór Rannveig Sigrún Stefánsdóttir í 9. bekk Árskóla með sigur af hólmi með flutningi sínum á laginu „Someone like you“ með tónlistarkonunni Adele.