Skagafjörður

Ísbjörn sem gekk á land við bæinn Hvalnes á Skaga var felldur seint í gærkvöldi, um leið og leyfi barst frá lögreglu, að sögn ábúenda á bænum. Um 500 metra frá Höfðanum þar sem hans varð fyrst vart voru heimalningar í girðingu og börn að leik. Haft var samband við vana skyttu, Jón Sigurjónsson í Garði í Hegranesi og kom hann þegar á vettvang og felldi dýrið í einu skoti úr um 130 metra færi.

Það var leikið í rjómablíðu á Sauðárkróksvelli í dag en þá fengu Tindastólsmenn liðsmenn Kára af Akranesi í heimsókn. Lið Tindastóls var sterkari aðilinn í leiknum og uppskar sanngjarnan 1-0 sigur þrátt fyrir nokkra pressu gestanna undir lok leiks.

Hin árlega sumarmessa í Knappstaðakirkju í Stíflu í Fljótum var síðasta sunnudag. Fljótamenn, brottfluttir sem heimamenn, sumarbústaðareigendur og fleiri góðir gestir fjölmenntu til messu, þrátt fyrir slæma veðurspá. Rættist enda úr veðrinu og gátu þeir sem ekki komust inn í kirkjuna því setið í kirkjugarðinum á meðan messað var.

Á nýliðnu Landsmóti hestamanna á Hólum var haldin sýning ræktunarbúa en alls tóku tíu bú þátt. Áhorfendur völdu sitt uppáhaldsbú í símakosningu eftir sýningu og urðu Hafsteinsstaðir fyrir valinu þetta árið.

Í júní opnaði Sauðárkróksbakarí útibú í húsnæði Arionbanka í Varmahlíð. Að sögn Róberts Óttarssonar, eiganda Sauðárkróksbakarís, hafa viðtökur verið frábærar, ekki síst hjá íbúum í Varmahlíð og nærsveitum. Hann segir aðdragandann hafa verið stuttan en helsti þröskuldurinn í veginum fyrir því að opna ennþá fyrr hafi verið að finna fólk til starfa.

Rúmlega hundrað laxar hafa veiðst í Húseyjarkvísl í Skagafirði það sem af er árinu, sem er mun meira en á sama tíma í fyrra, að sögn Þorsteins Guðmundssonar.

Byggðarráð Skagafjarðar hefur óskað formlega eftir samstarfi við stjórnvöld og Landsambandi hestamannafélaga um að Hólar í Hjaltadal verði gerður að þjóðarleikvangi íslenska hestsins.

Kristín Ragnars opnar myndlistasýninguna „Fyrstu sporin mín“ næstkomandi laugardag, þann 16. júlí, í Kakalaskála í Blönduhlíð, Skagafirði. Um er að ræða einkasýningu Kristínar og er opnun hennar klukkan 14:00. Þá mun Sigurður Hansen flytja ljóð og María Guðmundsdóttir vera með opna vinnustofu þar sem hún sýnir handverk sitt.

Eins og greint var frá í fjölmiðlum um síðustu helgi hafa boranir eftir köldu vatni gengið illa á bænum Ríp í Hegranesi í Skagafirði. Veltu menn fyrir svo hvort vandræðin mætti rekja til þess að ekki hafi verið fengið leyfi fyrir framkvæmdum hjá huldufólkinu, sem margir trúa að búi í Hegranesi. Nú eru boranir hins vegar komnar á fullt skrið og búið að finna kalt vatn, eins og til stóð.

Í dag var tilkynnt hverjir hefðu sigrað í ljósmyndakeppni Sjávarsælunnar og Tengils sem fram fór á Sjómannadaginn síðastliðinn. Dómnefnd skipuðu Erla Björk Helgadóttir, Davíð Þór Helgason, Rögnvaldur Ingi Ólafsson, Atli Freyr Kolbeinsson, Birgir Smári Sigurðsson hjá Tengli ehf og Berglind Þorsteinsdóttir ritstjóri Feykis.