Skagafjörður

Nagli frá Flagbjarnarholti, setinn af Sigurbirni Bárðarsyni, sigraði í B-úrslitum í A-flokki gæðinga á LM2016 á Hólum. Hann hlaut einkunnina 8,77 og tekur því þátt í A-úrslitum á morgun.

Árni Björn á Stormi frá Herríðarhóli sigrarði Landsmótstöltið á LM2016 á Hólum í kvöld. Sigur þeirra var nokkuð öruggur og hlutu þeir 9,22 í aðaleinkunn. Annar varð Jakob Svavar á Gloríu með 8,89 og þriðji Bergur á Kötlu með 8,78.

Á vef Landsmóts hestamanna segir að Bjarni Bjarnason hafi sett nýtt heimsmet í 250m skeiði LM 2016 á Hólum. Hann fór sprettinn á 21,41 sekúndum á Heru frá Þóroddsstöðum, en fyrra heimsmet var 21,49 sekúndur.

Talsverðar breytingar urðu á dómum efstu stóðhesta á LM2016 á yfirliti sem lauk á Hólum í dag. Í flokki 7 vetra og eldri hækkaði Ölnir frá Akranesi, sýndur af Daníel Jónssyni, fyrir tölt og fet um hálfan og náði þar með efsta sætinu. Í öðru sæti með 8,79 í aðaleinkunn var Kolskeggur frá Kjarnholtum, sýnandi Gísli Gíslason og í þriðja sæti Jarl frá Árbæjarhjáleigu II með 8,76, sýnandi Árni Björn Pálsson.

Anna Þóra Jónsdóttir frá Vatnsleysu í Viðvíkursveit hefur sett upp skemmtilega sögusýningu um hrossarækt í Viðvíkursveit. Sýningin er til húsa í Grunnskólanum á Hólum og inniheldur söguspjöld og fjölda ljósmynda af fólki og hestum á svæðinu. Feykir leit við á sýningunni í vikunni og spjallaði við Önnu Þóru um þetta framtak.

Ævar Örn Guðjónsson og Vökull frá Efri-Brú mæta í A úrslit í B flokki en þeir sigruðu b úrslitin. Það leit allt út fyrir að Sigurður Sigurðarson og Blæja frá Lýtingsstöðum væru að leið í A úrslitin en þeim var vísað úr keppni eftir að kom í ljós að hún hafði hlotið áverka á fæti.

Landsmót hestamanna var sett á Hólum í gærkvöldi og var gerður góður rómur að þó aðeins hafi dropað á mótsgesti en fjölmennt var við setninguna. Margir tóku til máls við athöfnina, m.a. Sigurður Ingi Jóhannsson forsætisráðherra, Gunnar Bragi Sveinsson Sjávarútvegs- og landbúnaðarráðherra, Lárus Ástmar Hannesson formaður Landssambands hestamannafélaga, og ræddu um hve ánægjulegt væri að halda landsmótið þar sem æðsta menntastofnun íslenska hestsins er í heiminum.

Þóra Birna Ingvarsdóttir úr Létti á Þóri frá Hólum sigraði B-úrslit í unglingaflokki. Hlutu þau 8,68 í einkunn. Í öðru sæti var Kári Kristinsson á Kolfinni frá Efri-Gegnishólum með 8,66 í einkunn. Þá var það Benjamín Sandur Ingólfsson á Stígi frá Halldórsstöðum en hlutu þeir 8,60 í einkunn.

Næstkomandi miðvikudag, þann 6. júlí, mun þeir Martin Hermanns, Haukur Helgi Pálsson og Hörður Axel Vilhjálmsson, standa fyrir körfuknattleiksæfingu fyrir krakka og unglinga á vegum KKÍ. Kallast verkefnið Körfuboltasumarið 2016 og er það styrkt af Þróunarsjóði FIBA Europe.