Skagafjörður

Körfuknattleiksdeild Tindastóls hefur landað einum besta manni í sínar raðir í áratugi þegar skrifað var undir samning við Mamadou Samb frá Senegal. Samb, sem hefur spænskan ríkisborhgararétt mun koma í stað Antonio Hester sem áður var kynntur til sögunnar. Samb er 26 ára miðherji, 2,08 metrar hár.

Lið Tindastóls gulltryggði efsta sætið í 3. deildinni í dag þegar strákarnir unnu öruggan sigur á liði Einherja frá Vopnafirði. Stólarnir byrjuðu leikinn af krafti og voru komnir yfir eftir rétt rúma mínútu. Eftir það var aldrei spurning hvorum megin sigurinn lenti og staðan í hálfleik 3-0, sem urðu reyndar lokatölur leiksins. Að leik loknum var Tindastólsliðinu afhentur bikar.

Myndarlegur haförn kom Magnúsi Hinrikssyni á óvart er hann var í göngutúr í fjörunni neðan Sauðárkróks í morgun. Hafði hann stoppað við Ernuna og var að mynda skarfa sem höfðu stillt sér upp þegar sonur hans benti honum á örninn. Myndavélinni var snarlega snúið að konungi fuglanna sem sveif vængjum þöndum og hvarf loks sýnum yfir Hegranesið. Ernir eru ekki algengir í Skagafirði en láta þó sjá sig reglulega. Líklega er um geldfugla að ræða

Norðurlands Jakinn sem er ný aflraunakeppni í anda Vestfjarðarvíkingsins fór fram á Norðurlandi dagana 25. til 27. ágúst sl. Keppni hófst um hádegið sl. fimmtudag með Öxullyftum við Selasetrið á Hvammstanga en seinna um daginn tóku kapparnir réttstöðulyftu við Blönduskóla. Daginn eftir var haldið á Dalvík þar sem kútum var kastað yfir vegg fyrir ofan menningarhúsið Berg og endað á Húsavík með Uxagöngu við Hafnarsvæði.

Starfsstöð Tónlistarskóla Skagafjarðar á Sauðárkróki mun á næstunni flytja úr Borgarflöt 1 og í húsakynni Árskóla á Sauðárkróki, eins og sagt er frá í fréttatilkynningu frá sveitarfélaginu Skagafirði.

Tindastóll spilar síðasta heimaleik sinn í 3. deild karla laugardaginn 3. september og hefst leikurinn kl. 14:00. Með sigri tryggja Stólarnir sér toppsætið í deildinni og því mikið í húfi. Það er Vopnfirðingarnir í Einherja sem mæta á Krókinn og eru örugglega til í að spilla sigurgöngu Stólanna.

Uppstillingarnefnd Viðreisnar í Norðvesturkjördæmi hefur ákveðið hverjir skipa þrjú efstu sæti flokksins í kjördæminu fyrir komandi alþingiskosningar. Gylfi Ólafsson, hagfræðingur frá Ísafirði leiðir listann og í öðru sæti verður Lee Ann Maginnis, verkefnastjóri Upplýsingamiðstöðvar ferðamála í Austur-Húnavatnssýslu. Þriðja sætið skipar Sturla Rafn Guðmundsson, svæðisstjóri Rarik á Vesturlandi.

Skagfirðingurinn Axel Kárason er einn af þeim fjórtán sem freista þess að koma Íslenska landsliðinu í körfubolta inn á EuroBasket 2017 en liðið gerði vel sl. miðvikudag er það lagði lið Sviss að velli 88-72 . Þetta var fyrsti leikur Íslands í undankeppninni en ljóst er að erfiir leikir eru framundan.

Nú standa yfir framkvæmdir við Mjólkursamlag KS á Sauðárkróki þar sem verið er að byggja nýja mjólkurmóttöku og innvigtunarhús. Fljótlega verður farið í að byggja 1700 fm hús með tengibyggingu. Þar verður framleitt próteinduft sem líklega endar í orkudrykkjum fólks víða um heim. Feykir forvitnaðist um framkvæmdirnar hjá Magnúsi Frey Jónssyni forstöðumanni samlagsins.

Vakin er athygli á því, á vef Sveitarfélagsins Skagafjarðar, að í dag 1. september breytist útivistartími barna. Þá mega börn,12 ára og yngri, mega ekki vera á almannafæri eftir klukkan 20:00 nema í fylgd með fullorðnum.