Skagafjörður

Loki frá Selfossi og Árni Björn Pálsson eru enn í efsta sæti eftir milliriðlar í B-flokki á Landsmóti hestamanna á Hólum, með 8,85 í einkunn. Í öðru sæti eru Nökkvi frá Syðra-Skörðugili og Jakob Svavar Sigurðsson, en aðeins komma aðskilur Loka og Nökkva. Það má því búast við afar spennandi úrslitum.

Guðný Rúna Vésteinsdóttir og Þruma frá Hofsstaðaseli eru í öðru sæti eftir forkeppni í unglingaflokki á Landsmóti hestamanna á Hólum. Guðný Rúna keppir fyrir hestamannafélagið Skagfirðing. Það eru Hafþór Hreiðar Birgisson og Villimey frá Hafnarfirði leiða keppnina með 8,62. Guðný Rúna og Þruma hlutu 8,60 í heildareinkunn og í þriðja sæti eru Ylfa Guðrún Svafarsdóttir og Héla frá Grímsstöðum, með 8,59.

Ísólfur Líndal sýndi 5 vetra hryssuna Nútíð frá Leysingjastöðum í gær. Hlutu þau fyrstu tíuna á kynbótabrautinni á þessu Landsmóti, fyrir hægt stökk.

Í gær lauk dómum í flokki sex vetra hryssna á Landsmóti hestamanna 2016 sem fram fer á Hólum í Hjaltadal. Yfirlitssýningar verða svo á fimmtudag. Efst í þessum flokki er Óðinsdóttirin Jörð frá Koltursey með 8.67 í aðaleinkunn. Sýnandi er Daníel Jónsson en ræktendur Pétur Jónsson og Þórhallur Dagur Pétursson.

Forkeppni í ungmennaflokki lauk í gærkvöldi og er mjótt á munum á toppnum. Gústaf Ásgeir og Póstur frá Litla - Dal leiða en strax á hæla þeim koma Dagmar Öder og Glóey frá Halakoti. Aðeins munar 0,05 í einkunn á efsta sæti og fimmta sæti. Því stefnir í spennandi keppni í þessum flokki eins og oft áður á Landsmóti.

Íslenska karlalandsliðið í fótbolta er ekki eina landslið Íslands sem er að standa sig vel þessa dagana en U18 ára landslið stúlkna í körfubolta vann stórsigra á frænkum sínum frá Danmörku og Noregi á Norðurlandamóti yngri landsliða í körfuknattleik sem haldið er í Finnlandi. Í liðinu er að finna tvo Skagfirðinga og eina frá Reykjum í Hrútafirði. Næst mæta þær Svíum.

Forkeppni í barnaflokki á Landsmóti hestamanna á Hólum er nýlega lokið. Í efsta sæti eru Kristján Árni Birgisson og Sjéns frá Bringu, í öðru sæti Júlía Kristín Pálsdóttir og Kjarval frá Blönduósi og í þriðja sæti Glódís Líf Gunnarsdóttir og Magni frá Spágilsstöðum.

Skagfirðingar og Húnvetningar verða með sínar eigin EM stofur á ýmsum stöðum á svæðinu í kvöld þegar leikur Íslands og Englands í 16 liða úrslitum á EM verður sýndur í beinni útsendingu á RÚV.

Dómum í elsta flokki hryssna hér á LM2016 er lokið, en á vef Eiðfaxa kemur fram að sýningar hafi gengið hægt þar sem margir knapar voru samhliða að taka þátt í B-flokki gæðinga.

Forkeppni í B-flokki á Landsmóti hestamanna sem fram fer á Hólum í Hjaltadal er nú lokið. Efstur með 9,04 í heildareinkunn er Loki frá Selfossi, knapi Árni Björn Pálsson. Í öðru sæti eru Katla frá Ketilsstöðum og Bergur Jónsson með 8,93 og í þriðja sæti Nökkvi frá Syðra-Skörðugili og Jakob Svavar Sigurðsson með 8,90.