Skagafjörður

Samfylkingin er leið yfir því að slitnað hafi upp úr viðræðum fimm flokka um myndun ríkisstjórnar, samkvæmt yfirlýsingu sem flokkurinn sendi frá sér í dag vegna slita á fimm flokka viðræðum. „Við töldum góðan möguleika á að þessir flokkar gætu myndað umbótastjórn þar sem í senn yrði unnið að endurreisn heilbrigðis- og menntakerfis og nauðsynlegra fjárfestinga í innviðum ásamt því að koma á kerfisbreytingum í landbúnaði og sjávarútvegi. Við myndum líka vinna að umbóta- og framfaramálum s.s. loftslagsstefnu, atvinnumálum, auknu jafnrétti og nýrri stjórnarskrá, svo fátt eitt sé nefnt,“ segir í yfirlýsingunni.

Söngkeppni félagsmiðstöðvarinnar Friðar í Skagafirði var haldin föstudagskvöldið 9. desember sl. í menningarhúsinu Miðgarði. Á heimasíðu Svf. Skagafjarðar segir að í keppninni hafi verið sex frábær atriði og fór Rannveig Sigrún Stefánsdóttir í 9. bekk Árskóla með sigur af hólmi með flutningi sínum á laginu „Someone like you“ með tónlistarkonunni Adele.

Markaðsstofa Norðurlands gagnrýnir harðlega frumvarp til fjárlaga sem nú liggur fyrir Alþingi. Í því frumvarpi er ekki gert ráð fyrir að fjármagna nýsamþykkta samgönguáætlun og vantar þar mikið uppá.

Þýska sjónvarpsstöðin Bayerischer Rundfunk kom til Íslands um miðjan nóvember og eyddi nokkrum dögum í Skagafirði og Austur-Húavatnssýslu. Villt náttúran og sagan er það sem heillar, hross, kindur, hundar og álfar. Meðal þeirra sem koma fram í þættinum er Hlín C. Mainka í Ásgarði í Skagafirði og Karólína í Hvammshlíð en einnig er komið við á Hegrabjargi í Hegranesi sem og á Stafni í Svartárdal.

Um helgina fóru fram tveir leikir hjá yngri flokkum körfuknattleiksdeildar Tindastóls. Unglingaflokkur karla átti heimaleik á laugardaginn gegn Val Reykjavík og 10. flokkur drengja léku gegn FSu á Selfossi á sunnudaginn. Það fór svo að Tindastóll hafði sigur í báðum leikjunum.

Í Sauðárkróksbakaríi er norsk jólakaka meðal kræsinga sem mörgum finnst ómissandi fyrir jólin. Kakan sú er líka ekta, en það er norski bakarinn Trond Olsen sem bakar hana eftir gamalli fjölskylduuppskrift. Hann bakar hvorki meira né minna en 500-600 slíkar kökur fyrir hver jól og seljast þær flestar í héraðinu.

Foreldrar ungra barna á Sauðárkróki eru uggandi vegna skorts á dagvistunarúrræðum eftir að fæðingarorlofi lýkur. Elín Árdís Björnsdóttir, hjúkrunarfræðingur og móðir þrettán mánaða drengs, segist sjá fram á að þurfa að segja upp draumastarfinu þar sem hún komið barni sínu ekki inn á leikskóla fyrr en næsta haust.

Grindavík og Tindastóll mættust í kaflaskiptum en spennandi leik í Mustad-höllinni suður með sjó í gærkvöld. Grindvíkingar voru betra liðið í fyrri hálfleik en í þeim síðari náðu Stólarnir upp ágætri vörn og náðu að virkja Hester í sókninni. Að þessu sinni var það Chris Caird sem átti stórleik en kappinn skilaði 36 stigum í hús. Eftir sterkan lokakafla stungu Stólarnir af úr Grindavík með stigin þrjú en lokastaðan var 80-87.

Á þriðjudaginn, þann 6. desember útskrifaðist annar árgangur Marel vinnslutækna frá Fisktækniskóla Íslands. Þetta nám er tilsniðið að þörfum fiskvinnslunnar sem sífellt verður tæknivæddari með áherslu á framleiðslugæði og hámarksnýtingu hráefnis. Mikill skortur er á fólki með ákveðna tækni-, hugbúnaðar- og vinnsluþekkingu í fiskiðnaði og svarar þetta nám kalli iðnaðarins.

Skákfélag Sauðárkróks hyggst, eftir áramót, byrja með skákæfingar fyrir börn og unglinga. Æfingarnar verða á mánudögum frá kl. 17.00 til 18.30 í Húsi Frítímans og verður fyrsta æfingin þann 9. janúar. Gert er ráð fyrir að þátttakendur kunni mannganginn, en reynt verður að kenna þeim ýmis mikilvæg atriði, með það að markmiði að auka færni þeirra í skák. Á vef Skákfélagsins segir að fyrirkomulag æfinganna muni þróast eftir aðstæðum.