Skagafjörður

Sigurvegari KS Deildarinnar 2016 er Þórarinn Eymundsson. Í öðru sæti varð Mette Mannseth og Ísólfur Líndal í því þriðja. Lið Hrímnis sigraði liðakeppnina 2016, eftir frábæra frammistöðu í vetur, eins og segir á fésbókarsíðu deildarinnar.

Annar leikurinn í einvígi Tindastóls og Hauka í Dominos-deildin karla í körfu fer fram í Íþróttahúsinu á Sauðárkróki í kvöld. Fyrsti leikurinn fór fram sl. sunnudag og voru úrslit Haukum í vil. Í kvöld munu Stólarnir verja Síkið með kjafti og klóm og koma sér almennilega inn í einvígið með sterkum sigri.

Í lok síðustu viku var haldin önnur ráðstefnan í röð fjögurra ráðstefna undir yfirskriftinni Hvernig metum við hið ómetanlega? Að ráðstefnunni stóð Guðbrandsstofnun í samstarfið við Bandalag íslenskra listamanna, Listaháskóla Íslands, Þjóðminjasafnið og Íslensku- og menningardeild Háskóla Íslands.

Raki í húsnæði yngra stigs leikskólans Ársala á Sauðárkróki hafði valdið áhyggjum nokkurra foreldra sem óttuðust að þar kynni að vera myglusveppur. Þær áhyggjur reyndust á rökum reistar samkvæmt niðurstöðum rannsókna á sýni sem skoðað var af Guðríði Gyðu Eyjólfsdóttur sveppafræðingi Náttúrustofnunar Íslands, og gerð voru kunn á upplýsingafundi með foreldrum í gær.

Kynningarfundur með fjárfestingafélaginu Tækifæri hf. verður haldinn fimmtudaginn 7. apríl næstkomandi klukkan 12 á Kaffi Krók. Boðið verður upp á súpu og brauð.

Áhugasamar konur í Skagafirði ætla að stofna kvennaklúbb Kiwanis á svæðinu og hafa boðað til stofnfundar á Gott í Gogginn næstkomandi miðvikudag, 13. apríl kl. 17.

Ungur drengur á Sauðárkróki, Ívar Elí Sigurjónsson, hefur í nærri tvö ár barist við flogaveiki. Köst hans hafa náð tveimur tugum á dag þegar verst lætur. Nú er svo komið að íslenskir læknar eru ráðalausir og ákveðið hefur verið að senda hann til Boston í maí til rannsóknar og síðar aðgerðar.

Fyrirtækið Urðaköttur á Skörðugili í Skagafirði vann til sjö fyrstu verðlauna á íslensku skinnasýningunni sem haldin var innan Alþjóðlegu skinna- og tækjasýningarinnar í Herning i Danmörku á dögunum.

Úthlutað hefur verið úr húsafriðunarsjóði og fornminjasjóði fyrir árið 2016. Alls fengu 158 verkefni styrk úr húsafriðunarsjóði og 26 verkefni styrk úr fornminjasjóði. Samkvæmt vef Minjastofnunar eru þau verkefni sem fengu styrk einungis hluti þeirra verkefna sem sóttu um en alls bárust 282 umsóknir í húsafriðunarsjóð og 75 umsóknir um styrki í fornminjasjóð.

Lokakvöld KS-Deildarinnar verður haldið næstkomandi miðvikudagskvöld kl. 19:00 í Svaðastaðahöllinni á Sauðárkróki. Keppt verður í tveimur greinum, slaktaumatölti og skeiði. Þórarinn Eymundsson leiðir einstaklingskeppnina fyrir lokakvöldið og lið Draupnis/Þúfur leiðir liðakeppnina.