Skagafjörður

Kvennatölt Norðurlands fer fram 24. mars, skírdag, og hefst klukkan 18:00 í Reiðhöllinni Svaðastöðum við Sauðárkrók.

Sauðárkrókskirkja býður til árlegra tónleika að kvöldi skírsdags, kl. 20. Þar mun Hrafnhildur Ýr Víglundsdóttir syngja ljúf lög úr ýmsum áttum.

Skíðagöngumót í Fljótum, sem haldið var í fyrsta sinn á skírdag 2014, undir yfirskriftinni Fljótamót, er nú orðið að árvissum viðburði. Er það þegar orðið næststærsta skíðagöngumót landsins, og aðeins hin rótgróna Fossavatnsganga á Ísafirði sem dregur til sín fleiri keppendur, að því er haft var eftir Birni Z. Ásgrímssyni, einum af forsvarsmönnum mótsins, í Morgunblaðinu í gær.

Ferðamáladeild Háskólans á Hólum hefur gefið út nýja bók um stjórnun og rekstur í ferðaþjónustu, sem ber heitið Stjórnun og rekstur í ferðaþjónustu-afþreying á sjó og vatni. Bókin er rituð fyrir stjórnendur, starfsmenn og nemendur í greininni.

Seinnipartinn á laugardaginn var Björgunarsveitin Húnar kölluð út vegna manns sem hafði slasast í fjörunni við Skarð á Vatnsnesi. Var hann á göngu þegar hann féll um 3-4 metra niður í fjöruna.

Matvælastofnun hefur sent frá sér fréttatilkynningu vegna frétta í fjölmiðlum um dráp á kú á Norðvesturlandi um mitt síðastliðið ár. Í Fréttatímanum var greint frá því að bóndi á Norðurlandi hafi verið ákærður fyrir dýraníð í fyrrasumar eftir að hann „brá reipi um hálsinn á ungri kvígu og festi það aftan í jeppabifreið og dró hana liggjandi á eftir bílnum, þannig að hún drapst,“ eins og segir í frétt Fréttatímans.

Loka þarf fyrir heita vatnið í Hlíða- og Túnahverfi í dag vegna viðgerðar. Í tilkynningu frá Skagafjarðarveitum kemur fram að byrjað verður kl. 14:00 og mun viðgerðin standa eitthvað fram eftir degi.

Á vef Heilbrigðiseftirlits Norðurlands vestra er fjallað um könnun, framkvæmd í samstarfi við Heilbrigðiseftirlitið á Norðurlandi eystra, þar sem athugað var hvað verði um matvæli sem seljast ekki í verslunum á Norðurlandi, áður en geymsluþolstími rennur út. Til þess að fá greinagóðar upplýsingar um afdrif matvælanna voru matvöruverslanir á Akureyri, Sauðárkróki og Siglufirði voru heimsóttar, auk þess sem rætt var við nokkra birgja verslana á svæðinu.

Hæg suðlæg átt er á Ströndum og Norðurlandi vestra, en austan 5-13 á annesjum síðdegis. Dálítil rigning eða slydda fram á kvöld, síðan úrkomulítið. Suðaustan 5-13 og rigning seinni partinn á morgun. Hiti 1 til 7 stig.

Fyrir Alþingi liggur frumvarp um að lögleiða spilavíti eða spilahallir, sem er fínna orð yfir sama hlut. Við í Vinstri hreyfingunni grænu framboði leggjumst alfarið gegn lögleiðingu spilavíta og teljum það auka þann gífurlega vanda sem spilafíkn er og vinna gegn lýðheilsusjónarmiðum. Flutningsmenn frumvarpsins eru þingmenn úr röðum Framsóknarflokks, Sjálfstæðisflokks og úr Bjartri framtíð.