Skagafjörður

Aðalfundur Flugu verður haldinn í anddyri Reiðhallarinnar Svaðastaða miðvikudaginn 22. júní kl. 18:00. Á dagskrá eru venjuleg aðalfundarstörf. Áhugasamir um málefni Reiðhallarinnar hvattir til að mæta.

Íbúi á Sauðárkróki hafði samband við Feyki og vildi koma því á framfæri að umgengni á svæði sunnan við Flokku, sem ætlað er til að losa garðúrgang, væri verulega ábótavant.

Flutningafyrirtækið Vörumiðlun, sem hefur höfuðstöðvar á Sauðárkróki, en teygir anga sína víða um land, fagnaði á dögunum 20 ára afmæli sínu. Magnús Svavarsson, sem stýrt hefur fyrirtækinu frá upphafi, stofnaði árið 1979 Vöruflutninga Magnúsar Svavarssonar sem samanstóðu í upphafi af honum sjálfum og einum flutningabíl.

Á kjördæmisþingi VG sem fram fór um liðna helgi var kjörin ný stjórn kjördæmisráðsins. Steinunn Rósa Guðmundsdóttir á Sauðárkróki var kjörin formaður en aðrir í stjórn eru Rún Halldórsdóttir á Akranesi og Bjarki Þór Grönfeldt í Borgarnesi.

Kvenna- og karlalið Tindastóls gerðu góð ferð austur á Vopnafjörð á laugardaginn þar sem liðinn spiluðu við heimamenn- og konur í liði Einherja og höfðu sigur í báðum viðureignum. Strákarnir unnu gríðarlega mikilvægan sigur en lið Tindastóls og Einherja voru með jafn mörg stig í 2.-3. sæti fyrir leikinn.

Á vef Skagfirðingafélagsins er sagt frá því að Skagfirðingar eigi sína fulltrúa í leikmannahópnum á EM í Frakklandi. Fyrsti leikur íslenska liðsins fer fram í kvöld og því ekki úr vegi að fara yfir hverjir þessir Skagfirðingar eru.

Olíuflutningabíll fór útaf veginum í Blönduhlíð í gærkvöldi, eins og greint hefur verið frá á feyki.is. Samkvæmt upplýsingum frá Skeljungi slapp ökumaðurinn með skrámur þegar bíllinn hafnaði á hvolfi utan vegar við Höskuldsstaði. Aðgerðir á slysstað gengu vel og búið að koma bílnum af vettvangi. Öll hreinsun var kláruð um kl. 02 í nótt.

Aðalfundur kjördæmisráðs VG í Norðvesturkjördæmi fór fram á Hvanneyri síðastliðinn laugardag, þann 11. júní. Á fundinum var samþykkt að fram fær forval vegna komandi alþingiskosninga, miðað er við að forvalið fari fram seinnipartinn í ágúst næstkomandi og kosið verði um röðun í sex efstu sæti listans.

Sameiginlegt úrtökumót Þyts, Neista, Glæsi og Skagfirðingi fyrir komandi Landsmót hestamanna var haldið á Hólum um helgina. „Feikna sterk úrtaka í öllum flokkum og spennandi að vita hvort ekki einhverjir sem eru þarna og komast ekki sem fulltrúar síns félags verði í þeim aukasætum sem eru í A-flokk og B-flokk. Þetta kemur allt í ljós á næstu dögum. En Skagfirðingar og Húnvetningar mæta sterkir á Hóla,“ segir í fréttatilkynningu frá Skagfirðingi.

Mikil mildi þykir að ekki fór verr er olíuflutningabíl valt skammt frá bænum Höskuldsstöðum í Blönduhlíð í Skagafirði á sjöunda tímanum í kvöld. Ökumaður olíubílsins slapp án teljandi meiðsla en eins og sjá má á meðfylgjandi myndskeiði er bíllinn gjörónýtur. Lögregla og slökkviliðsmenn hjá Brunavörnum Skagafjarðar voru að störfum þegar blaðamanni Feykis bar að í kvöld.