Skagafjörður

Gunnar Bragi Sveinsson, utanríkisráðherra Íslands og Króksari, brá undir sig betri fætinum í heimsókn um Miðausturlönd í gær þegar hann skellti sér fótbolta við börn í flótta­manna­búðum fyr­ir Palestínu­menn í Bet­lehem. Gunnar Bragi hefur bæði heim­sótt Ísra­el og Palestínu. Í dag er ráðgert að hann fari til Jórdan­íu.

Vaxandi suðaustan átt var á Ströndum og Norðurlandi vestra í nótt, þykknaði upp, 8-15 með snjókomu. Lægir og styttir að mestu upp í dag, en snýst í vaxandi norðaustan átt með snjókomu seint í kvöld. Frost 0 til 6 stig, en sums staðar frostlaust við sjóinn á morgun. Flestir vegir eru færir á Norðurlandi, ýmist er hálka eða snjóþekja en á Þverárfjalli er þæfingur og skafrenningur. Éljagangur er nokkuð víða.

Tindastóll og Snæfell mættust í Síkinu í kvöld í 18. umferð Dominos-deildarinnar í körfubolta. Hólmarar urðu að láta það duga að mæta til leiks með sjö menn og þar af var einn þeirra aðstoðarþjálfari liðsins. Það varð því snemma ljóst að það yrði brekka í þessu fyrir gestina og ekki var það til að hjálpa þeim að Lewis og Dempsey voru óstöðvandi í liði Stólanna. Lokatölur eftir ansi skemmtilegan leik voru 114-85 fyrir Tindastól.

Þann 15. febrúar sl. rann út umsóknarfrestur um styrki frá Uppbyggingarsjóði Norðurlands vestra árið 2016 en styrkir sjóðsins eru veittir til atvinnuþróunar og nýsköpunar og til menningarverkefna á Norðurlandi vestra.

Athygli vekur hve fjölmörg störf eru auglýst laus til umsóknar á Norðurlandi vestra um þessar mundir, um er að ræða bæði framtíðarstörf og í sumarafleysingar. Í Feyki í dag er auglýst eftir rannsóknarmanni við sjávarlíftæknisetrið Biopol á Skagaströnd. Þá eru auglýst nokkur laus störf við lúxushótelið að Deplum í Fljótum, eins og greint var frá í morgun.

Eleven Experience, rekstaraðili ferðaþjónustunnar sem verið er að koma á laggirnar á Deplum í Fljótum, auglýsir eftir starfsfólki. Mikið hefur verið fjallað um framkvæmdir við lúxushótelið sem þar hefur verið reist í fjölmiðlum undanfarið ár en til stendur að opna hótelið í apríl næstkomandi. Í auglýsingu í Sjónhorninu í dag kemur fram að Eleven Experience er alþjóðlegt ferðaþjónustufyrirtæki sem leitast við að bjóða upp á einstaka þjónustu.

Fyrsta kvöld KS-Deildarinnar í hestaíþróttum fór fram í Svaðastaðahöllinni í gærkvöldi. Keppt var í fjórgangi. Sigurvegarar kvöldsins voru Artemisia Bertus og Korgur frá Ingólfshvoli með einkunnina 8,07. Það var lið Hrímnis sem vann liðsskjöldinn með tvo knapa í A-úrslitum og einn í B-úrslitum.

Minjastofnun Íslands auglýsti tvær stöður lausar í starfstöð sinni á Sauðárkróki á dögunum, annars vegar starf arkiteksts og hins vegar fornleifafræðings. Þá var staða fornleifafræðings við Minjastofnun í Reykjavík jafnframt auglýst laus til umsóknar. Á vef Minjastofnunar Íslands segir að gengið hefur verið frá ráðningum stöðurnar þrjár.

Stofnfundur fyrir Skagfirðing, nýtt hestamannafélag í Skagafirði, fór fram í Tjarnabæ í gærkvöldi. Að sögn Guðmundar Sveinssonar, hins nýkjörna formanns, var þetta fjölmennur og góður fundur og voru viðstaddir einu máli um að þetta væri framfaraskref fyrir hestamenn í firðinum.

Já, þið sjáið rétt. Þetta eru litirnir sem litasérfræðingarnir hafa valið sem liti ársins 2016. Þetta er reyndar í fyrsta skipti sem valdnir eru tveir litir saman. En sérfræðingarnir telja þessa tvo verða áberandi bæði í tískufatnaði og heimilisskreytingum þetta árið. Í fyrra völdu þeir vínrauðan en núna eru það Rose quarts og Serenety sem ég kalla með öðrum orðum barnableikt og barnablátt.