Skagafjörður

Borverktakinn VKC lauk nýverið borun á holu LH-04 við Langhús í Fljótum. Hafði holan verið boruð niður í um 100 metra dýpi síðastliðið haust. Fyrir á svæðinu eru þrjár borholur, ein þeirra var boruð af landeiganda árið 1997 og hinar tvær af Skagafjarðarveitum, 2014 og 2015. Heildarrennsli úr þessum holum var um 5 til 6 lítrar á sekúndu af um 100°C heitu vatni. Nýlega hljóp svo á snærið.

Kjördæmisráð Samfylkingarinnar í Norðvesturkjördæmi boðar til kjördæmisþings fimmtudaginn 14. júlí kl. 20 til að ákveða aðferð við val á framboðslista. Fundað verður á þremur stöðum, þ.e. í Menntaskólanum í Borgarbyggð, Fræðslumiðstöð Vestfjarða á Ísafirði og Samstöðusalnum á Blönduósi í gegnum skype til að gera fólki kleift að sækja þingið í sínu nærumhverfi.

Nýir aðilar taka við rekstri félagsheimilisins Ljósheima í Skagafirði en Atvinnu-, menningar- og kynningarnefnd Svf. Skagafjarðar samþykkti á fundi í morgun samning við Þ. Jónsson slf., fyrir hönd Þrastar Jónssonar og Kolbrúnar Jónsdóttur.

Gerð hefur verið skipulagslýsing vegna fyrirhugaðs deiliskipulags fyrir Flæðar og íþróttasvæðið við Skagfirðingabraut á Sauðárkróki. Á vef Sveitarfélagsins Skagafjarðar kemur fram að skipulagslýsingin gerir ráð fyrir nýju deiliskipulagi á skipulagssvæðinu, nýjum byggingarreitum, stækkun og breytingum á núverandi byggingarreitum. Feykir hefir áður greint frá að umrædd skipulagslýsing var samþykkt á fundi Skipulags- og byggingarnefndar þann 23. júní og á fundi sveitarstjórnar þann 29. júní 2016.

Sjávarleður, eða Atlantic Leather, á Sauðárkróki fór í greiðsluþrot í síðustu viku. Að sögn Gunnsteins Björnssonar framkvæmdastjóra er verið að vinna í að endurreisa starfsemi fyrirtækisins. Aðalkröfuhafarnir hafa veitt leyfi til þess að halda úti lágmarksstarfsemi á meðan vinna við endurreisnina fer fram.

Tindastóll leikur á Sauðárkróksvelli um helgina, nánar tiltekið á sunnudaginn. Hefst leikurinn kl. 12:00.

Það var í nógu að snúast hjá Björgunarsveitum úr Húnavatnssýslum, Skagafirði, Ólafsfirði og Eyjafirði á meðan á Landsmóti hestamanna stóð á Hólum í Hjaltadal um síðastliðna helgi. Samkvæmt vef Landsbjargar störfuðu sveitirnar við gæslu á Landsmótinu, sáu um öryggis- og sjúkragæslu og eftirliti við hlið inn á mótssvæði.

Hinn árlegi styrkur Hrossaræktar ehf. til góðgerðarmála var afhentur formlega á landsmóti hestamanna á Hólum sl. laugardag. Söfnunin hófst að venju á Stóðhestaveislunni í apríl sl. þar sem miðasala í árlegu stóðhestahappdrætti fór af stað. Þar barst að auki góður liðsstyrkur frá velgjörðarsjóðnum Aurora sem lagði til rausnarlegt framlag í minningu Einars Öders Magnússonar hestamanns.

Skagfirðingurinn Rún­ar Már Sig­ur­jóns­son, landsliðsmaður í knatt­spyrnu, hef­ur skrifað und­ir samn­ing við sviss­neska fé­lagið Grass­hopp­er til þriggja ára. Rún­ar hefur leikið með sænska liðinu Sundsvall eft­ir að hafa verið í ís­lenska landsliðshópn­um á EM í Frakklandi. Mbl.is greinir frá.

Pálmi Ragnarsson frá Garðakoti í Skagafirði greindist fyrir nokkrum árum með krabbamein og hefur hann barist af krafti við það síðan með hjálp eiginkonu sinnar, Ásu Sigurrósu Jakobsdóttur. Hann hefur einnig þurft að berjast við kerfið því læknar vildu ekki senda Pálma í meðferð í Þýskalandi er kallast Proton geislameðferð. Blaðamaður Feykis sótti hjónin heim í Garðakot, í þann mund sem þau afhentu Krabbameinsfélagi Skagafjarðar peningagjöf í nýstofnaðan utanfararsjóð félagsins, og tók þau tali.