Skagafjörður

Landbúnaðarnefnd Sveitarfélagsins Skagafjarðar lýsir yfir áhyggjum af þeirri stöðu sem komin er upp í Skagafirði í ljósi nýlegra riðutilfella í Tröllaskagahólfi. Á fundi nefndarinnar í morgun kom fram að hún taki undir með landbúnaðarráðherra að tímabært sé að endurskoða allt starf hér á landi er varðar riðuvarnir.

Nú á dögunum samdi Knattspyrnudeild Tindastóls við bandarísku leikmennina, Murielle Tiernan, Jackie Altschuld og Amber Michel um að spila áfram með liði Tindastóls næsta sumar. Þá mun lið Tindastóls taka þátt í Pepsi Max deild kvenna og ljóst að það er mikið ánægjuefni að þessar frábæru stúlkur munu verða áfram á Króknum og taka þátt í ævintýrinu.

Nýlega fóru fram þrjár doktorsvarnir við Háskóla Íslands sem áttu það sammerkt að doktorsefnin tengdust Háskólanum á Hólum. Þetta voru þær Ragnhildur Guðmundsdóttir, Hildur Magnúsdóttir og Agnes-Katharina Kreiling en þær eiga þaðsameiginlegt að rannsóknir þeirra snúa að mikilvægum áður ókönnuðum þáttum í lífríki og vistkerfi Íslands og niðurstöður þeirra leggja grunn að áframhaldandi rannsóknum til upplýstrar ákvarðanatöku.

Nýliðar voru áberandi í starfi GSS í sumar en metþátttaka var á árlegu nýliðanámskeiði í júní. Formaður klúbbsins brá sér í hlutverk blaðamanns og tók nokkra þeirra tali og hefur Feykir birt viðtöl í nokkrum blöðum. Hér er komið að síðasta þætti, í bili að minnsta kosti.

Til hamingju með daginn kæru félagsmenn Golfklúbbs Skagafjarðar. En það var á þessum degi, 9. nóvember árið 1970, að þeir félagar Friðrik. J. Friðriksson og Reynir Þorgrímsson, félagar í Rotaryklúbbi Sauðárkróks, boðuðu til fundar til að kanna áhuga á golfíþróttinni á Króknum. Á fundinn mættu ríflega 20 manns og töldust því til stofnfélaga Golfklúbbs Sauðárkróks.

Sagt er frá því á heimasíðu Svf. Skagafjarðar að ýmsar framkvæmdir hafa verið í gangi í Skagafirði á haustmánuðum. Má þar til dæmis nefna malbikunarframkvæmdir bæði á Króknum og í Varmahlíð, vinnu við sjóvarnir og lengingu sandfangara við Sauðárkrókshöfn og margt fleira. Feykir gerði sér lítið fyrir og fékk lánaðar nokkrar fínar myndir af heimasíðunni.

28. ársþing og fjórða haustþing Samtaka sveitarfélaga á Norðurlandi vestra var haldið föstudaginn 23. október með fjarfundi en þetta var í fyrsta skiptið sem þing samtakanna er haldið með þessum hætti og tókst framkvæmdin vel. Daginn áður stóð SSNV fyrir vefráðstefnu sem bar yfirskriftina Framtíð atvinnulífs á Norðurlandi vestra. Fyrirlesarar komu úr ýmsum áttum en allir áttu það sameiginlegt að ræða um þau tækifæri sem felast í landshlutanum, í landbúnaði, sjávarútvegi, ferðaþjónustu, nýsköpun og menningu svo fátt eitt sé talið. Feykir hafði samband við Unni Valborgu Hilmarsdóttur, framkvæmdastjóra SSNV, og lagði fyrir hana nokkrar spurningar.

Eysteinn Ívar Guðbrandsson er mörgum kunnur þrátt fyrir ungan aldur en hann hefur margoft stigið á svið með Leikfélagi Sauðárkróks og Leikhópi NFNV. Þá hefur hann getið sér góðs orðs í lýsingum leikja Tindastóls TV, bæði í fót- og körfubolta. Eysteinn er ekki alveg ókunnur Feyki því hann vann sem afleysingablaðamaður sumarið 2019 en í sumar vann hann í Sumartím en sem stendur er hann nemi við FNV ásamt því að starfa í Húsi frítímans.

Að gefnu tilefni vill starfsfólk Safnahússins á Sauðárkróki vekja athygli á því að Safnahúsið er opið, þrátt fyrir veiruna sem enn hrellir heimsbyggðina. Samkvæmt tilkynningu er bókasafnið opið frá kl. 11-18 alla virka daga og skjalasafnið frá kl. 9-12 og 13-16 alla virka daga.

Þetta nafn finst í stofnskrá Reynistaðarklausturs, sem talin er frá árinu 1295. Er skráin sögð að vera næstelzt af íslenzkum frumbrjefum (Reykholtsmáldagi elzt). Er þetta þá líklega elzta heimildin um Páfastaðanafnið. Meðal þeirra jarða, sem Jörundur biskup Þorsteinsson leggur til klaustursins „á Stað í Reynisnesi“ standa Pauastaðir. Telja má víst, að nafnið sje misritað í skránni, sem ýms önnur bæjanöfn, því aðeins 20 árum síðar, eða árið 1315, er afnið ritað Pafastaðir í staðfestingarbrjefi Auðuns biskups um stofnun klaustursins (Dipl. Ísl. II. b., bls. 301 og 398). Rúmri öld síðar, eða 1446, í „Reikningi Reynistaðarklausturs“, eru klausturjarðirnar taldar, þar á meðal Pafvestaðir.