Skagafjörður

Rótarýklúbbur Sauðárkróks hefur ákveðið að árlegt jólahlaðborð klúbbsins, sem verið hefur í íþróttahúsinu á Sauðárkróki og notið mikilla vinsælda, verði ekki haldið á þessu ári. Ástæðan kemur fáum á óvart þar sem kórónuveiran hefur verið að gera usla í samfélaginu og staðan grafalvarleg.

Fátt hefur breyst í samantekt aðgerðastjórn almannavarnadeildar Norðurlands vestra frá því fyrir helgi þar sem sami fjöldi er nú í einangrun á svæðinu eða átta alls en í sóttkví fjölgaði um einn og eru því alls 39 einstaklingar sem sæta henni og í fyrsta sinn í þessari bylgju faraldursins í öllum póstnúmerum á Norðurlandi vestra.

Hekla Katharína Kristinsdóttir landsliðsþjálfari hefur valið knapa í U21-landsliðshópi Landsambands hestamanna fyrir árið 2021, en framundan er Heimsmeistaramót íslenska hestsins í Herning í Danmörku í byrjun ágúst. Knapar í landsliðshópum LH eru í forvali þegar kemur að landliðsverkefnum en einnig er landsliðsþjálfara heimilt að velja knapa utan hópsins þegar þurfa þykir.

Ný reglugerð heilbrigðisráðherra um takmörkun á skólastarfi vegna hertra sóttvarnaaðgerða tekur gildi á morgun 3. nóvember. Sett er þau markmið að sem minnst röskun verði á skólastarfi og að starf á leikskólastigi og á fyrsta stigi grunnskóla verði óskert. Að ráði sóttvarnalæknis verður reglu um grímuskyldu breytt þannig að hún eigi ekki við um börn fædd 2011 og síðar.

Fótboltakempur máttu loks lúta í gras fyrir kórónuveirufaraldrinum en Knattspyrnusamband Íslands ákvað á föstudaginn, í kjölfar hertra aðgerða í baráttunni við COVID-19, að nú væri nóg komið og augljóst að ekki væri raunhæfur möguleiki lengur á að klára knattspyrnutímabilið.

Heilbrigðisráðherra hefur fallist á tillögur sóttvarnalæknis um hertar sóttvarnaráðstafanir sem tóku gildi í gær, laugardaginn 31. október. Sömu reglur munu gilda um allt land. Meginbreytingin felst í 10 manna fjöldatakmörkum í stað 20 áður. Allt íþróttastarf verður óheimilt og sviðslistir sömuleiðis. Gert er ráð fyrir að reglur um hertar aðgerðir gildi til og með 17. nóvember. Þær verða endurmetnar eftir aðstæðum með hliðsjón af því hvort hægt verði að aflétta þeim fyrr, eða hvort framlenging sé nauðsynleg.

Menntasjóður námsmanna kemur til móts við stúdenta með margvíslegum hætti og hefur nú framlengt umsóknarfrest um námslán fyrir haustönn 2020 til 1. desember nk. Þá hefur verið ákveðið að námsmenn geti óskað eftir því að tekjur sem þeir afla sér með vegna vinnu í bakvarðarsveitum heilbrigðis- og velferðarþjónustunnar og bakvarðarsveit lögreglunnar komi ekki til frádráttar við útreikning á framfærslu námsmanna skólaárið 2020-2021.

Félagarnir í Two Spirits Music, Ólafur Heiðar Harðarson (Bassa og Möggu) og Héðinn Svavarsson, gefa út fjórða lagið sitt í dag en þar er um ræða jólalag sem þeir kalla Nú mega jólin. Þeir fengu söngkonuna Rakel Björk Björnsdóttir til að syngja lagið.

Síðustu ár hafa verið fjölskyldu Lilju Gunnlaugsdóttur og Vals Valssonar, í Áshildarholti í Skagafirði, viðburðarík eftir fráfall Völu Mistar, ungrar dóttur þeirra, og ýmislegt sem lagt hefur verið inn í reynslubankann. Lilja segist hafa tekið meðvitaða ákvörðun um að ætla sér að verða þakklát fyrir það sem lífið gefur í stað þess að horfa á það sem miður fer. Segir hún það bestu ákvörðun sem hún hafi tekið í lífinu og hefur það hjálpað henni í gegnum sorgina. Nú vill hún miðla af reynslu sinni og gefur út þakklætisdagbók ætluð börnum.

Á síðustu misserum hafa birst reglulega hér í Feyki greinar frá Sögusetri íslenska hestsins um hvaðeina sögulegt sem snertir hesta og hestamennsku. Greinar þessar eru jafnframt birtar í vefútgáfu Feykis og eru aðgengilegar á heimasíðu SÍH, undir linknum: http://www.sogusetur.is/is/fraedsla/greinar-forstodumanns-i-feyki Sérstök áhersla hefur verið lögð á að varpa ljósi á ýmislegt sem snertir þróun hestamennskunnar og þá hvað helst sýninga og keppna á hestum.