Fréttir

Lið Tindastóls féll úr leik í úrsitakeppnin Bónus deildar kvenna í körfubolta í gærkvöld eftir að lið Njarðvíkur stal sigrinum á lokasekúndunni. Víti sem fór óvart niður hjá liði Tindastóls skipti sköpum og Njarðvíkingar nýttu sér færið sem það, að leikurinn stöðvaðist þegar 1,2 sekúnda var eftir. gaf þeim. Úrslitin voru mikil vonbrigði fyrir Stólastúlkur, þjálfarateymið og stuðningsmenn liðsins. Feykir heyrði í Israel Martin þjálfara nú fyrir hádegi og byrjaði á að spyrja hvað sé hægt að segja eftir svona leik.

Hin skagfirsk ættaða Hulda Jónasdóttir hefur á síðustu árum staðið fyrir ýmsum tónlistar viðburðum sem notið hafa vinsælda. Fyrir síðustu jól stóð hún fyrir tónleikum í Norðurljósasal Hörpu þar sem flutt voru jólalög Geirmundar Valtýssonar við góðan orðstír. Nýjasta verkefnið er dagskrá þar sem flutt eru lög og textar Jóns Múla og Jónasar Árnasona.

Eins og margir vita hefur Silfrastaðakirkja dvalið á Sauðárkróki síðan haustið 2021 og er orðin eitt af kennileitum bæjarins þar sem hún stendur norðan við trésmiðjuna Ýr. En það góða fyrirtæki hefur haft veg og vanda af viðgerðum á kirkjunni. Núna hillir undir að þetta guðshús geti lagt af stað heim til sín aftur.

Dagana 16.–18. apríl 2026 heimsækir Háskólalestin Sauðárkrók og býður nemendum, kennurum og íbúum Skagafjarðar upp á fjölbreytta og lifandi dagskrá og kynnir undur vísindanna á lifandi og skemmtilegan hátt. Háskólalestin ferðast árlega um landið með það að markmiði að gera vísindi og nám aðgengileg og spennandi fyrir fólk á öllum aldri, um leið og tengsl Háskóla Íslands við landsbyggðina eru efld.

Nú styttist í sveitastjórnarkosningar mörgum til mikillar gleði en öðrum ekki. Tilvonandi sveitastjórnarfulltrúar fara sjálfsagt að hugsa sér til meiri hreyfings með kynningu á stefnu og málefnum. Ekki þarf að efast um að loforðaflaumurinn verður mikill eins og endranær.

Körfuboltaguðirnir voru grimmir við Stólastúlkur í gærkvöldi þegar þeir aðstoðuðu lið Njarðvíkur við að stela sigrinum út greipum stúlknanna hans Israel Martín sem áttu sannarlega ekki skilið að tapa. Frammistaða liðsins var nefnilega frábær þrátt fyrir að okkar besta Marta hafi sennilega hitt á sinn versta leik í vetur. Fáránleg flautukarfa Brittany Dinkins á lokasekúndubrotinu batt enda á ævintýri Stólastúlkna í vetur. Lokatölur 88-87.

Karlakór Bólstaðarhlíðarhrepps efnir til tónleika í Blönduóskirkju fimmtudaginn 9. apríl nk. kl. 20:00. Gestakór kvöldsins er Karlakórinn Lóuþrælar frá Hvammstanga. Á tónleikunum munu kórarnir flytja fjölbreytt kórverk, bæði hvor í sínu lagi og í sameiginlegum flutningi.

Matgæðingar vikunnar í tbl. 40, 2025,  voru Helga Sól Árnadóttir og Jóhannes Friðrik Ingimundarson. Helga Sól og Friðrik eru bæði uppalin á Sauðárkróki, Helga Sól er ættuð frá Flatatungu í Akrahrepp og Friðrik kemur úr Hansen-ættinni og er ættaður frá Sólheimum í Svínavatnshreppi. Í dag eru þau búsett í Hlíðunum í Reykjavík en Friðrik starfar sem rafvirki og Helga sem hagfræðingur.

U19 landslið Íslands er í Serbíu þar sem fram fer keppni í einum af sjö riðlum i 2. umferð undankeppni A-deildar fyrir EM. Mótherjar Íslands eru Serbía, Danmörk og Finnland. Þór/KA á einn fulltrúa i þessum hópi en það er Skagstrendingurinn Elísa Bríet Björnsdóttir.

Það er líf og fjör í framboðsmálum á Skagaströnd. Feykir hefur þegar sagt frá tveimur framboðum; Samfylking og óháðir og Fyrir Skagaströnd, og nú bætist við framboðslisti Framsóknar og óháðra. Það er Eydís Inga Sigurjónsdóttir hjúkrunardeildarstjóri sem fer fyrir listanum en í öðru sæti er Guðlaugur Siggi Hannesson viðskiptalögfræðingur.