Fréttir

Seinni partinn í júlí auglýsti Húnaþing vestra að sveitarfélagið hefði pláss fyrir fjóra öfluga starfsmenn og þá væntanlega til viðbótar við þá sem fyrir eru. Nú er vakin athygli á því að umsóknarfrestur um þessi störf hjá hefur verið framlengdur til og með 31. ágúst nk.

Tindastólsmenn héldu á Ólafsfj0rð í gær þar sem lið Knattspyrnufélags Fjallabyggðar beið þeirra. Lið KF fór illa með Stólana á Króknum fyrr í sumar og vann þó óvæntan en sanngjarnan sigur og Stólarnir þurftu að svara fyrir sig í gær og að sjálfsögðu að halda í við liðin í toppbaráttunni. Það fór svo eftir talsverða dramatík á lokamínútunum að liðin deildu stigunum og lokatölur 1-1.

Reykvíska gæðahljómsveitin Moses Hightower startar tónleikaferð um landið annað kvöld en þá verða tónleikar í Edinborgarhúsinu á Ísafirði. Frá Ísafirði heldur bandið í Eyjafjörðinn og spilar í LYST á laugardegi og á heimleiðinni rigga þeir upp tónleikum í Krúttinu á Blönduósi og hefjast þeir klukkan 16 á sunnudeginum 23. ágúst.

Verið er að byggja nýtt veiðihús í Steinkoti við Flóðið í Vatnsdal á silungsveiðisvæðinu. Fyrir er á staðnum eldra veiðihús, talsvert minna. Nýja húsið er rúmlega 600 fermetrar. Nýja húsið er fimmfalt stærra en það gamla og á það að vera tilbúið fyrir næsta vor.

Topplið Hauka úr Hafnarfirði mætti í Húnabyggð í gærkvöldi og atti kappi við lið Kormáks/Hvatar á Blönduósvelli. Það hefur verið hálfgert skrölt á heimamönnum upp á síðkastið og það mátti því reikna með erfiðum leik gegn langefsta liði deildarinnar. Það fór svo að Haukarnir höfðu stigin þrjú með sér heim eftir 1-2 sigur.

Slagarasveitin húnvetnska kemur fram á bæjarhátíðinni Í túninu heima, sem haldin verður í Mosfellsbæ dagana 27.–30. ágúst næstkomandi. Tónleikar sveitarinnar fara fram laugardaginn 29. ágúst klukkan 17:00 og standa yfir í um eina klukkustund. Viðburðurinn verður haldinn að Vogatungu 13 í Mosfellsbæ.

Landsbankinn fagnar 140 ára afmæli og TM 70 ára afmæli um þessar mundir. Af því tilefni bjóðum við landsmönnum að fagna með okkur í útibúum Landsbankans um allt land fimmtudaginn 20. ágúst kl. 14.00–16.00.

Kvennalið Tindastóls mætti liði Hauka í Lengjudeildinni í gærkvöldi og var spilað á Króknum. Líkt og í öllum öðrum leikjum sumarsins – nema einum – urðu stelpurnar okkar að sætta sig við tap. Úrslitin í gær þýða það að Stólastúlkur eru endanlega fallnar í 2. deild og því klárlega kominn tími á uppbyggingu. Lokatölur gærkvöldsins voru 0-3 fyrir Hauka.

í tilefni af sérstakri afmælismessu 23. ágúst hafði Feykir samband við Helgu Rós Indriðadóttur formann sóknarnefndar til að forvitnast um þennan viðburð.

Við hefðbundið umferðareftirlit sl. fimmtudagskvöld stöðvaði lögreglan á Norðurlandi vestra bifreið á suðurleið vegna gruns um of hraðan akstur. Í bifreiðinni voru þrír erlendir ríkisborgarar. Ökumaður bifreiðarinnar framvísaði ökuskírteini en ekki var unnt að bera kennsl á aðra í bifreiðinni á vettvangi þar sem þeir kváðust ekki vera með skilríki meðferðis. Við nánari athugun kom í ljós að aðilarnir höfðu ítrekað komið við sögu lögreglunnar undanfarnar vikur m.a. vegna dvalarleyfa og gruns um þjófnaði.