Fréttir

Margt getur gerst í göngum. Nú nýverið gerðist það í göngum á Víðidalstunguheiði að hestur varð viðskila við knapa sinn og fannst ekki fyrr en að tíu dögum liðnum. Feykir frétti að málið væri Guðmundi Þór Elíassyni á Arnarholti í Skagafirði skilt og hafði því samband við hann og bað hann að fræða lesendur Feykis um málið.

Matgæðingur vikunnar í tbl. 21 var Elfa Björk Sigurjónsdóttir frá Geldingaholti í Skagafirði. Elfa Björk flutti burt úr firðinum fagra fyrir hátt í þrjátíu árum síðan og býr núna á Akranesi ásamt Sigra, 14 ára syni sínum.

Núna stendur yfir menntaráðstefna Feif ( Alþjóðasamtök um íslenska hestinn) og LH. (Landssamband hestamanna) í Skagafirði. Ráðstefnan hefur farið fram á Hólum og í reiðhöllinni Svaðastöðum. Rúmlega 140 þátttakendur eru á ráðstefnunni og er u.þ.b. einn þriðji þeirra erlendir.

Feykir hafði samband við Israel Martin þjálfara í morgun og sagði hann sínar stelpur hafa spilað vel í 33 mínútur og náð mest 15 stiga forystu. „Margt gekk vel á vellinum þar til nokkrir af lykilmönnum okkar lentu í villuvandræðum. Við þurftum að spila lengi með unga leikmenn inn á, sem gerði það erfitt að klára leikinn vel. Við munum standa okkur betur þegar allur hópurinn er klár í slaginn.“

Í þessum þætti Feykis höfum við haldið okkur víðsfjarri Íslandsströndum upp á síðkastið. Í lok mars heimsótti Feykir Þórunni Ingu í Dubaí og svo í byrjun júní var bankað upp á hjá Sóleyju Björk í Barselóna. Nú komum við okkur eins langt í burtu og mögulegt er, skjótumst upp í breiðþotu og lendum í Ástralíu þar sem Þórhildur Ingadóttir tekur á móti okkur. Hún býr í Townsville sem er tæplega 200.000 manna bær í Norður-Queensland.

Laxveiðitímabilinu er að ljúka þetta árið í húnvetnsku laxveiðiánum. Í frétt í Húnahorninu segir að heildarfjöldi veiddra laxa í sjö helstu laxveiðiánum hafi náð að skriða yfir fjögur þúsund laxa og kominn langt yfir það sem veiddist allt sumarið í fyrra en þá veiddust aðeins 2.730 laxar. Veiðin hefur því aukist um 47% milli ára þannig að laxveiðimenn hafa ástæðu til að lyfta brúnum.

Þann 31. ágúst sl. skrifaði Magnús Jónsson fv. veðurstofustjóri grein á Feykir.is undir fyrirsögninni „Til hvers var landhelgin færð út?“ Hann byrjar á að fullyrða að í skýrslu frá Hafró frá 1972 hafi verið lagt til að tog- og dragnótaveiðar skyldu út fyrir 12 mílur fyrir Norður- og Austurlandi og 6 mílur fyrir Suður- og Vesturlandi. Hann talar um að skýrslan sé týnd og að Hafró hafi „snúið við skoðanablaðinu“. Hafró er vísindastofnun og er ekki með beinar skoðanir nema að þær séu byggðar á vísindum. Ég vona að veðurspárnar í tíð Magnúsar hjá Veðurstofunni hafi ekki verið byggðar á skoðunum veðurfræðinga.

Arnar Ólafsson skrifaði sig í sögubækur Tindastóls þegar hann skoraði sitt 70. mark fyrir meistaraflokk karla gegn Víði í lokaleik sumarsins og sló þar með markamet félagsins. Gamla metið átti á Guðbrandur Guðbrandsson, 69 mörk.

Í nóvember 2023 efndu velunnarar Hólastaðar til ráðstefnu til heiðurs Jóni Bjarnasyni fyrrverandi skólastjóra og Ingibjörgu Kolka, konu hans. Ráðstefnan var vel sótt og öllum opin. Um sjötíu manns áttu fræðandi og skemmtilegan dag á Hólum. Fyrrverandi samstarfsmenn og nemendur Jóns og Ingibjargar á Hólum fluttu erindi og kennarar og vísindamenn skólans sögðu frá störfum sínum. Kjarninn í máli ræðumanna var að í tíð þeirra hjóna á Hólum, hefði tekist sérlega vel til við endurreisn skólans og að hann og Hólastaður hafi notið sannrar velvildar jafnt í heimahéraði sem og hjá stjórnvöldum. Á ýmsum sviðum hafi skólinn rutt brautina, einkum er varðar nám og rannsóknir í hestamennsku, ferðamálum og fiskeldi.

Feykir mælir með að kíkja í anddyri Skagfirðingabúðar í dag, fimmtudaginn 24. sept., milli kl. 15-19 því þar verða drengirnir í 3. fl. að selja girnilegar kökur.