Fréttir

Fyrr í dag rituðu Jón Helgi Björnsson forstjóri Heilbrigðisstofnunar Norðurlands og Sigfús Ingi Sigfússon sveitarstjóri Skagafjarðar undir nýjan samning um þjónustu sjúkraflutninga. Samningurinn sem gildir til næstu 5 ára, nær til sjúkraflutninga í Skagafirði, utan Fljóta sem njóta þjónustu frá Fjallabyggð. Brunavarnir Skagafjarðar munu sjá um framkvæmd samningsins líkt og undanfarin ár.

Hann var kærkominn sigur Tindastólsmanna í gærkvöldi en eftir þrjá tapleiki í röð leit lengi út fyrir að sá fjórði bættist við því vinir okkar í liði KF úr Fjallabyggð leiddu nánast allan leikinn. Stólarnir jöfnuðu skömmu fyrir lok venjulegs leiktíma og það var síðan fyrirliðinn og markamaskínan Sverrir Hrafn sem gerði sigurmarkið á níundu mínútu uppbótartíma. Lokatölur því 2-1 og þrjú stig í baukinn.

Nú á dögunum úthlutaði stjórn Fiskeldissjóðs rúmlega 465 milljónum króna til 15 verkefna í sjö fiskeldissveitarfélögum. Sjóðnum er ætlað að veita sveitarfélögum styrki til uppbyggingar innviða þar sem fiskeldi í sjókvíum er stundað, og styrkja þar með samfélög og stoðir atvinnulífs á þeim svæðum.

Veiðigjöldin hafa verið í umræðunni frá því að ný ríkisstjórn tók við völdum fyrir áramót og nú er ætlunin að koma málinu í gegnum Alþingi áður en þingheimur heldur í sumarleyfi. Komið hefur fram að flestir eru samþykkir því að veiðigjöld hækki en tekist er á um hvernig, í hve stórum stökkum og útgerðin sem og þau sveitarfélög sem hafa hag af útgerð vilja meira samráð. Eitt stærsta útgerðarfyrirtæki landsins, FISK Seafood, gerir út frá Sauðárkróki og þar er Friðbjörn Ásbjörnsson framkvæmdastjóri. Feykir fékk Friðbjörn til að svara nokkrum spurningum varðandi veiðigjöldin og var byrjað á að spyrja hver hans skoðun væri á þeim.

Nú hefur skólum fjórðungsins verið slitið einum af öðrum og þeir útskrifað nemendur sem hafa nú lokið sínum bekk og sumir jafnvel að ljúka grunnskólagöngunni og við taka ævintýri sumarsins með tilheyrandi skort á rútínu og vonandi góðu veðri.

Fimm leikir voru spilaðir í 2. deild karla í knattspyrnu í gærkvöldi. Á Blönduósvelli tóku leikmenn Kormáks/Hvatar á móti grönnum sínum í Dalvík/Reyni sem löngum hafa reynst ansi seigir. Gestirnir komust yfir snemma leiks og heimamenn, sem með sigri hefðu komið sér laglega fyrir í toppbaráttu deildarinnar, náðu ekki að koma boltanum í mark Eyfirðinga og máttu því þola súrt tap á heimavelli. Lokatölur 0-1.

Sveitarfélagið Húnaþing vestra óskar eftir að ráða öflugan leiðtoga í stöðu leikskólastjóra við Leikskólann Ásgarð. Í tilkynningu á heimasíðu sveitarfélagsins segir að ráðið sé í stöðuna frá 1. ágúst 2025 eða fyrr, eftir samkomulagi. Leikskólastjóri ber ábyrgð á rekstri og starfsemi leikskólans. Leitað er eftir drífandi, umbótadrifnum og skipulögðum einstaklingi sem hefur góða hæfni í mannlegum samskiptum og metnað fyrir að ná árangri í starfi.

Heldur hefur lengst í gulu veðurviðvöruninn sem Veðurstofan skellti á Norðurland vestra í byrjun vikunnar. Fyrst átti hún að standa í um sólarhring, frá mánudegi til þriðjudags en nú þegar fimmtudagurinn rennur upp rennblautur og norðanbarinn þá er enn gul viðvörun og ekki útlit fyrir að henni verði aflétt fyrr en aðfaranótt föstudags.

Bændurnir á Lýtingsstöðum í Skagafirði hafa síðustu tuttugu og fimm árin rekið ferðaþjónustufyrirtæki þar sem áhersla hefur verið lögð á reynslu þeirra og þekkingu í hestamennsku í bland við þjónustu við ferðamenn þar sem þau hafa verið með einstaka upplifun á náttúru Íslands og miðlað sögu og menningu.

Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.