Fréttir

Í nýjasta Feyki er viðtal við Þuríði Hörpu Sigurðardóttur, framkvæmdastjóra Nýprents á Sauðárkróki, en þar kemur fram að hún hyggi á framboð til formanns Öryrkjabandalag Íslands en kosning um það embætti fer fram í haust. Eins og staðan er nú er hún sú eina sem boðað hefur framboð til embættisins.

Helgina 12.- 13. ágúst var Akureyrarmót UFA í frjálsum íþróttum haldið á Þórsvelli. Rúmlega eitt hundrað keppendur mættu lit leiks, þar af voru 12 Skagfirðingar á ýmsum aldri og er óhætt að segja að þeir hafi staðið sig mjög vel. Af árangri þeirra var þetta helst að frétta:

Matvælastofnun hefur tekið í notkun nýja Fésbókarsíðu undir yfirskriftinni Dýravakt Matvælastofnunar en tilgangur síðunnar er að skapa gagnvirkan vettvang til að miðla upplýsingum um heilbrigði og velferð dýra milli Matvælastofnunar, dýraeigenda og almennings. Um er að ræða upplýsingagjöf frá stofnuninni til dýraeigenda um dýravelferðarmál og hins vegar með upplýsingagjöf frá almenningi til Matvælastofnunar þegar grunur leikur á illri meðferð á dýrum.

Helgina 15.-17. september næstkomandi verður hin árlega stóðsmölun á Laxárdal og stóðréttir í Skrapatungurétt og hefst dagskráin á föstudagskvöldið með handverksmarkaði og súpukvöldi í Félagsheimilinu á Blönduósi.

Ég skil ekki alveg af hverju brauðtertur eru orðnar sjaldséðar í kökuveislum í dag því mín reynsla er sú að þetta er það fyrsta sem klárast. Ég hvet því alla sem ekki hafa prófað að gera eina slíka að prófa það um helgina. Þið verðið ekki fyrir vonbrigðum.

Það er alltaf gefandi að halda tombólur og ekki skemmir fyrir ef afraksturinn fer til góðra málefna. Þessar duglegu stelpur héldu tómbólu til styrktar Dvalarheimili aldraða á Sauðárkróki og söfnuðust 7020 krónur sem þær afhentu í gær.

Ég er ein af þeim sem er svo heppin að hafa fengið NPA samning (Notendastýrð persónuleg aðstoð), ég segi heppin af því að fáir hafa notið þeirra sjálfsögðu mannréttinda. Í dag er staðan sú að verið er að vinna að innleiðingu og lögfestingu NPA og var tími til kominn. Mér þykir þó furðu sæta hve langan tíma stjórnvöld ætla sér til að fjölga NPA samningum. Hægt, mjög hægt verður samningum fjölgað þannig að þörfinni sem fyrir liggur í dag, eða um 170 samningar, verður ekki svarað fyrr en árið 2022.

Eitthvað er um breytta opnunartíma og lokanir hjá íþróttamannvirkjum á svæðinu þessa dagana. Sundlaugin í Varmahlíð verður lokuð dagana 23.-27. ágúst þar sem verið er að hreinsa laugina. Aftur verður opnað mánudaginn 28. ágúst en þá hefst vetraropnun sem er svohljóðandi:

Staða og framtíð sauðfjárbúskapar í landinu er í uppnámi vegna boðaðrar 35% lækkunar afurðarverðs til bænda nú til viðbótar við 10 % lækkunar sauðfjárafurða síðastliðið haust. Gífurlegt tekjutap blasir við sauðfjárbændum sem erfitt verður að mæta, sérstaklega fyrir þá sem eru skuldsettir og hafa ekki möguleika á annarri vinnu meðfram sauðfjárbúskap. Þeim virðast engar útgönguleiðir færar aðrar en að hrekjast frá búskap. Sauðfjárrækt er grundvöllur byggðar í ákveðnum landshlutum sem mun bresta ef ekkert er að gert í þeim bráðavanda sem greinin stendur nú frammi fyrir.

Íbúahátíð Húnavatnshrepps verður haldin næsta föstudagskvöld, þann 25. ágúst. Hátíðin verður haldin í Húnavallaskóla og hefst hún kl. 20:30.