Fréttir

Barna- og unglingamót UMSS verður haldið í Reiðhöllinni Svaðastöðum við Sauðárkróki á morgun, laugardaginn 7. ,maí. Áður auglýstu punktamóti hefur hins vegar verið frestað um viku vegna veðurs og verður það haldið föstudaginn 13. maí.

Framkvæmdir standa nú yfir við Vínbúðina á Sauðárkróki þar sem verið er að færa innganginn sunnan við húsið, nær bílastæðinu sem er staðsett vestan við búðina. Búðin verður um leið stækkuð og gerð bjartari. „Verið er að taka allt í gegn bæði lager og búð,“ sagði Jóna Björk Sigurðardóttir, verslunarstjóri Vínbúðarinnar, í samtali við Feyki.

Bylgja Finnsdóttir er búsett í Laufkoti í Hjaltadal í Skagafirði. Hún var innan við þrettán ára þegar fyrstu einkenni sjúkdómsins endómetríósu gerðu vart við sig og síðar bættust við sjálfsofnæmissjúkdómarnir blettaskalli og vanvirkur skjaldkirtill.

Í gær var blásið til geitafjörs á Grænumýri í Blönduhlíð, sem var hluti af Barnamenningardögum í Skagafirði. Boðið var upp á fjölskyldustund í fjárhúsunum á Grænumýri þar sem skoða mátti geitur og kiðlinga og hlusta á tónlist úr smiðju Disney og Abba.

Miðvikudaginn 20.apríl héldu nemendur 10.bekkjar á Skagaströnd matarkvöld á veitingastaðnum Borgin mín. Matseðill kvöldsins hljómaði á þann veg að í forrétt voru sítrónumarineraðir sjávarréttir með grænmeti, aðalrétturinn var lambalæri með fjölbreyttu rótargrænmeti og sósu og í eftirrétt var ostakaka.

Á fimmtudag í síðustu viku fór fram formleg opnun Iðju við Sæmundarhlíð. Fjölmargir komu til að skoða nýuppgert húsnæðið, sem áður hýsti Leikskólann Furukot, og samglöddust með starfsfólki og skjólstæðingum Iðju.

Sönghópur Félags eldri borgara í Skagafirði heldur söngskemmtun í Frímúrarasalnum á uppstigningardag, 5. Maí klukkan 15. Söngstjóri er Rögnvaldur Valbergsson og einsöngvari Þorbergur Skagfjörð Jósefsson.

Nafn: Einar Kolbeinsson. Árgangur: 1973. Fjölskylduhagir: Sam- og fjarbúð með Emblu Eir Oddsdóttur, forstöðumanni Norðurslóðanets Íslands á Akureyri. Við eigum samtals fjögur börn, tvo uppkomna og tvær á hraðri uppleið. Búseta: Bólstaðarhlíð. Hvaða fræga manneskja mundir þú helst vilja vera? Þó af aurum ætti gnægð, / af íhaldssömum vana, / síst ég myndi fagna frægð, / fjandinn má eiga hana.

Þriðjudaginn 3. maí 2016 komu félagar í Veðurklúbbnum á Dalbæ saman til fundar. „Fundarmenn voru sautján talsins, sem er óvenju fjölmennt og því meira lýðræði í veðurvæntingum eins og nú er haft í hámælum í þjóðmálaumræðunni,“ segir í fréttatilkynningu frá veðurklúbbnum.

Í gær afhentu nemendur í 7. og 8. bekk Varmahlíðarskóla Ívari Elí Sigurjónssyni og föður hans, Sigurjóni Leifssyni afrakstur áheitasöfnunar sinnar. Síðustu vikur hafa þessir 32 krakkar safnað 1.113.829 krónum með áheitahlaupi sem þau hlupu síðasta vetrardag.