Fréttir

Ég fékk svolítið skemmtilegt komment um mig frá vini mínum hér á Sauðárkróki. „Bíddu, er Sigga farin að skrifa um tísku? Sé ég hana ekki yfirleitt ómálaða í íþróttafötum?“ Sem er alveg rétt. Ég hef síðan ég flutti norður dottið í þæginlega fatnaðinn en hef reyndar aldrei verið mikið fyrir það að hafa mig til í framan þó svo að ég þurfi að fara út á meðal fólks. Ég verð samt að viðurkenna að ég passaði ekki lengur í fötin mín eftir að hafa eignast barn og það að vera í fæðingarorlofi neyddi mig aðeins niður á jörðina í þessum málum, sem var í góðu lagi, sérstaklega hvað fötin varðar. Því að eyða hátt í 50-70 þúsund krónum í hverjum mánuði er bilun. En þegar freistingarnar eru til staðar þá er það mjög auðvelt.

Arnar Freyr Arnarsson, sonur Arnars Þórs Sævarssonar sveitarstjóra Blönduósbæjar, hefur verið valinn í karlalandslið Íslands í handknattleik sem tekur þátt í mjög sterku alþjóðlegu móti í Noregi sem hefst á morgun.

Skagfirðingurinn Karl Jónsson og Eyfirðingurinn Guðný Jóhannesdóttir ákváðu að söðla um fyrir rúmum tveimur árum síðan og fluttu frá Sauðárkróki aftur á heimaslóðir Guðnýjar, að Öngulsstöðum í Eyjafjarðarsveit. Þar búa þau ásamt börnum sínum og reka ferðaþjónustufyrirtækið Lamb Inn í samstarfi við Jóhannes Geir Sigurgeirsson, föður Guðnýjar, auk þess sem Guðný er að ljúka mastersnámi í kennslufræðum. Blaðamaður Feykis rak nefið inn til þeirra hjóna í síðustu viku og fékk að heyra um líf þeirra og störf í sveitinni, yfir kaffi og kleinum.

Síðasta laugardag var allsherjar hrekkjavökupartý í félagsmiðstöðinni Órion á Hvammstanga þar sem fagurlega skreyttar verur mættu til að skemmta sér og gæða sér á fingramat, í bókstaflegri merkingu, og öðru góðgæti. Frá þessu er sagt á vefnum Norðanátt.

Lokaþáttur Toppstöðvarinnar, raunveruleikaþáttar RÚV þar sem fylgst er með hvernig frumkvöðlum tekst að fullvinna vöru sína og koma á markað, var sýndur í beinni útsendingu á RÚV í gærkvöldi. Það var frumkvöðlaverkefnið Fíbra, með Reginni Grímssyni, í fararbroddi sem bar sigur úr býtum eftir símakosningu. Reginn hefur starfað á Sauðárkróki um árabil en verkefni hans sigraði jafnframt Ræsingu í Skagafirði, samstarfsverkefni Nýsköpunarmiðstöðvar Íslands, Svf. Skagafjarðar og Kaupfélags Skagfirðinga, í febrúar sl.

Tindastóll fór aftur í Ljónagryfjuna í gærkvöldi eftir að hafa mátt lúta í parket þar í bikarnum í byrjun vikunnar. Rétt eins og þá var það varnarleikur liðanna sem var í fyrirrúmi að þessu sinni, leikurinn æsispennandi og að loknum venjulegum leiktíma var jafnt, 64-64. Njarðvíkingar reykspóluðu yfir Stólana í framlengingunni og sendu strákana stigalausa heim á Krók.

Að þessu sinni er það Guðmundur Jónsson, búsettur í Reykjavík, sem svarar Tón-lystinni. Guðmundur er fæddur 1962, alinn „...upp á Skagaströnd ásamt tveimur systkinum á ástríku heimili foreldra minna, Aðalheiðar Guðmundsdóttir og Jóns Helgasonar.“ Hann spilar á gítar og píanó og aðspurður um helstu afrek á tónlistarsviðinu svarar hann af töluverðri hógværð: „Að hafa samið nokkur lög sem hafa hreyft við fólki í gegnum tíðina, sér í lagi með félögum mínum í Sálinni hans Jóns mín.“ Jú, þetta er sá Guðmundur...

Eins og greint var frá í síðasta tölublaði Feykis var á dögunum haldið útgáfuhóf í Nes Listamiðstöð á Skagaströnd í tilefni af útgáfu bókarinnar Jardarteikn eftir sænska listamanninn Karl Chilcott. Bókina prýða ljósmyndir eftir dóttur hans, Christine, af innsetningum Karls. Verkin vann Karl þegar hann dvaldi í Nes Listamiðstöð á Skagaströnd árið 2013.

Í dag hefst sala á Neyðarkallinum svokallaða, sem er ein af mikilvægustu fjáröflunum björgunarsveita landsins. Félagar í Skagfirðingasveit verða á ferð um Sauðárkrók um helgina, og svo er einnig með aðrar björgunarsveitir á Norðurlandi vestra.

Í fjórða þætti Fyrirmyndarfrumkvöðla heimsækjum við fyrirtækið Iceprotein í Verinu á Sauðárkróki. Rætt er við Hólmfríði Sveinsdóttur framkvæmdastjóra og fylgst með vinnsluferlinu þegar þorskprótein eru unnin úr afskurði frá Fisk Seafood.