Fréttir

Samkvæmt frétt í Irish Times í dag er Evrópusambandið nú að beita þrýstingi um að herða refsiaðgerðir gegn útflutningi á súráli til Rússlands, þar sem ál þaðan endar meðal annars hjá fyrirtækjum sem tengjast rússneskum hergagnaframleiðendum.

Nokkuð var um útstrikanir á kjörseðlum í Skagafirði í sveitarstjórnarkosningunum sem fram fóru sl. laugardag. Frambjóðendur Framsóknarflokksins fengu þær flestar en alls voru útsrikanirnar 62 en Miðflokkurinn fékk fæstar eða einungis tvær.

Það fór ekki framhjá neinum, ekki einu sinni þeim sem ekki kærðu sig um að vita það, að Grindvíkingar urðu Íslandsmeistarar í körfubolta í gærkvöldi eftir sigur í Síkinu. Þetta var annað árið í röð sem Tindastólsmenn mega bíta í það súra epli að horfa á andstæðinga sína lyfta meistaratitlnum á heimavelli sínum. Feykir sendi nokkrar ágætar spurningar á Arnar Guðjónsson þjálfara nú í morgun og spurði hann út í leikinn.

Öflugur 31 manna hópur hélt fána Íslands á lofti í heimi skemmtiferðaskipa á kaupstefnunni SeaTrade Global sem fram fór í Miami í Bandaríkjunum dagana 13.–16. apríl sl. Þar voru saman komnir meðlimir Cruise Iceland frá Faxaflóahöfnum, Hafnarsamlagi Norðurlands og höfnunum á Grundarfirði, Ísafirði, Skagafirði og í Vesturbyggð, Múlaþingi og Vestmannaeyjum. Þessir aðilar dekkuðu vel íslenska ferðaþjónustu hringinn í kringum landið. Þá sóttu kaupstefnuna einnig þjónustuaðilar skemmtiferðaskipa frá Gáru, IcelandTravel, Atlantik, Skeljungi og Bustravel. Allir fulltrúarnir komu saman á sérlega glæsilegum bás Cruise Iceland og Íslandsstofu.

Sennilega er staðan sú í dag að frægasti Króksari landsins er Auddi Blö eða Auðunn Blöndal. Um þessar mundir eru liðin 25 ár síðan Auddi tróð sér inn í þættina 70 mínútur og þótti nú ekki öllum mikið til kappans koma, enda fæst gáfulegt sem tekið var upp á í þeim þáttum. En mjór er mikils vísir og í dag á Auddi að baki einstakan feril í útvarpi og sjónvarpi. Það mætti jafnvel halda því fram að Skagfirðingar séu bara býsna stoltir af kappanum enda er hann stoltur af því að vera Króksari og er ekkert að fela það.

Fjórði leikurinn í úrslitaeinvígi Grindavíkur og Tindastóls fór fram í Síkinu í kvöld og hátt í 1700 manns troðfylltu kofann. Fyrir leik kom í ljós að tvo höfðingja vantaði í lið gestanna en bæði Kane og fyrirliðinn Óli Olá voru meiddir og mátti því ætla að Stólarnir væru í dauðafæri með að tryggja sér oddaleik í Grindavík. Gestirnir voru hins vegar hvergi bangnir og dregnir áfram af NBA-kappanum Jeremy Pargo þá mættu þeir æðrulausir til leiks, sýndu sínar bestu hliðar og höfðu sigur eftir ævintýralegar lokamínútur. Lokatölur 102-109 og lið Grindavíkur þar með Íslandsmeistari – til hamingju gulir.

Umhverfisdagurinn var haldinn þann 9. maí og tókst með ágætum. Þátttakendur voru 972 sem er talsverð fjölgun frá í fyrra.

Þrír listar voru í boði fyrir kjósendur á Skagaströnd í nýafstöðnum sveitarstjórnarkosningum. Mest fylgi fékk listi Samfylkingar og óháðra (S) eða 43,3%, Fyrir Skagaströnd (K) kom í humátt á eftir með 40% atkvæða en restina ráku Framsókn og óháðir (B) með 16,7%. Fyrrnefndu flokkarnir tveir fengu tvo menn kjörna en Framsókn og óháðir einn. Samkvæmt upplýsingum Feykis hafa S-listi og B-listi ákveðið að mynda meirihluta.

Rafmagnsleikar rafvirkjanema FNV voru haldnir í lok annar en þá reyndu nemarnir með sér í nokkrum þrautum sem samanstóðu af mælingum, tengingum, ídrætti, stýringum og að endingu pílukasti. Í frétt á vef FNV segir að að endingu hafi grillið verið dregið fram og dýrindis lambakjöt, í boði Kjötafurðastöðvar KS, grillað af mikilli fagmennsku tveggja keppenda.

Eins og í fyrra, þá er streymt beint úr æðarvarpinu á Hrauni. Í ár eru notaðar tvær myndavélar og er því aðeins meira um að vera. Ef til vill hefðu einhverjir lesendur Feykis áhuga á þessu. Hlekkurinn er: https://live.hraunaskaga.com/ /hmj