Fréttir

Meistaraflokkur karla hjá Tindastóli lék annan leik sinn í Lengjubikarnum í gær en þá heimsóttu strákarnir lið Augnblika í Fífuna í Kópavogi en bæði liðin eru í 3. deild Íslandsmótsins. Liðin leika í 3. riðli B-deildar og samkvæmt leikskýrslu voru 30 áhorfendur á leiknum. Eftir markalausan fyrri hálfleik gaf vörn Stólanna sig í síðari hálfleik og gerðu Kópboys þá fjögur mörk. Lokatölur 4-0.

Pepsi Max-deildar lið Tindastóls lék í Lengjubikarnum í gær en þá heimsóttur stelpurnar lið Stjörnunnar á Samsung-völlinn í Garðabæ. Bæði lið höfðu tapað í fyrstu umferð og því reiknað með spennandi leik. Stjörnustúlkur komu hins vegar ákveðnar til leiks eftir að hafa verið undir í hálfleik og unnu sanngjarnan 3-1 sigur.

Það var leikið í 1. deild kvenna í gær en þá mætti b-lið Fjölnis í Síkið og mættu liði Tindastóls sem hefur átt undir högg að sækja upp á síðkastið. Lið gestanna var yfir í hálfleik en eftir sérkennilegan þriðja leikhluta náðu Stólastúlkur yfirhöndinni og náðu með mikilli baráttu að passa upp á forystuna allt til loka og náðu því loks í sigur eftir erfiða eyðimerkurgöngu síðustu vikurnar. Lokatölur 48-40.

Áfram er haldið við að kynna keppnislið í Meistaradeild KS í hestaíþróttum. Fimmta liðið er Leiknir – Hestakerrur en þar er Konráð Valur Sveinsson liðsstjóri, reiðkennari við Háskólann á Hólum og margfaldur heimsmeistari í skeiðgreinum.

Nú þegar tvítugsafmælið mitt nálgast óðum, ásamt fleiri tímamótum, þá hef ég mikið verið að hugsa til baka. Það er eflaust undarlegt fyrir mörgum að velta sér upp úr slíku um tvítugt þegar maður er rétt að komast á fullorðinsárin, en ég held það sé mikilvægt upp á hvað maður velur að taka með sér áfram út í lífið.

Lee Ann Maginnis er nýr formaður Heilbrigðisnefndar Norðurlands vestra en í það embætti var hún kosin á fundi nefndarinnar í gær. Lee Ann er búsett á Blönduósi, fædd árið 1985 og menntuð sem lögfræðingur og kennari. Hún starfar í dag sem umsjónarmaður dreifnáms Fjölbrautarskóla Norðurlands vestra.

Í síðustu grein vorum við stödd á landsmótinu 1978 að Skógarhólum í Þingvallasveit, því síðasta sem fram fór á þeim sögufrægu slóðum en á því móti var m.a. í fyrsta sinn að finna hestaíþróttir á dagskrá landsmóts. Á fleiri leiðarstef, varðandi þróun hestaíþróttanna á þeim um margt tíðindamikla áttunda áratug síðustu aldar, hefur verið minnst.

Nú hefur KKÍ staðfest félagsskipti Flenard Whitfield í Tindastól og mun hann því leika með liðinu í Dominos deild karla í körfubolta það sem eftir lifir tímabil. Flenard lék á síðasta tímabili með Haukum var í liði Skallagríms veturinn 2016-2017. Að sögn Baldurs Þórs Ragnarssonar, þjálfara Tindastóls, var ekki annað í stöðunni en semja við annan Bandaríkjamann þar sem óvíst væri með vilja Shawn Glover að klára tímabilið á Króknum.

Upplýsingatæknifélögin Fjölnet og PREMIS hafa sameinast. Sérsvið félagana er rekstur tölvukerfa (e. Managed Service Provider), alrekstursþjónusta og hýsing. Auk þess sinna félögin fjölbreyttri þjónustu á sviði upplýsingatækni. Áætluð velta sameiginlegs félags á árinu 2021 er á annan milljarð. Við viðskiptin verða Sigurður Pálsson og Pétur Ingi Björnsson eigendur Fjölnets starfandi hluthafar PREMIS. Félögin munu starfa undir nafni PREMIS með starfsstöðvar á Sauðárkróki og í Reykjavík.

Karfan.is greinir frá því að Flenard Whitfield hafi samið við Tindastóls um að leika með liðinu í Dominos deild karla í körfubolta. Flenard er framherji og hefur áður leikið á Íslandi en hann var í liði Skallagríms veturinn 2016-2017.