Fréttir

Fyrir stundu eða kl. 10:05 varð jarðskjálfti af stærð 5.7 um 3,3 km SSV af Keili á Reykjanesskaga. Fannst hann víða á Suðvesturhorni landsins, m.a. í Vestmannaeyjum, eins og fram kemur á vef Veðurstofunnar. Fjöldi eftirskjálfta hefur fylgt og búast má við frekari eftirskjálfum. Á vedur.is segir að verið sé að vinna nánar úr skjálftagögnum og verður fréttin uppfærð í samræmi við það.

Þessa dagana sýnir Nemendafélag Fjölbrautarskólans á Norðurlandi vestra dans- og söngleikinn Lausir fætur, eða Footloose, eftir Herbert Ross í leikstjórn Kolbrúnar Lilju Guðnadóttur. Með aðalhlutverk fara þau Ingi Sigþór Gunnarsson og Guðný Rúna Vésteinsdóttir sem leika unglingana Aron og Evu.

Nafn: Brynhildur Þöll Steinarsdóttir. Fjölskylduhagir: Er í sambúð með Jakobi Loga Gunnarssyni og saman eigum við tvær dásamlegar dætur. Hana Sólveigu Diljá sem er 4 ára og Dagnýju Silfá sem er 1 árs. Hverra manna ertu og hvar upp alin: Ég er dóttir Steinars frá Hólakoti á Reykjarströnd og Efemíu sem er frá Fjósum í Svartárdal. Búseta: Við erum nýflutt frá Danmörku þar sem við bjuggum í átta ár en núna búum við á Efri-Vindheimum í Hörgársveit. Besti ilmurinn? Kaffiilmurinn og jú líka ilmurinn þegar ég geng inn heima hjá mömmu og pabba og það er lambalæri í ofninum. Lærið er bara alltaf best hjá mömmu.

Hvaða menningarefni er best fyrir börn að upplifa í Covid útgöngubanni? Þessu veltu helstu menningarvitar breska stórblaðsins Observer fyrir sér á vef The Guardian fyrir skömmu og einn af þeim taldi efni frá Handbendi á Hvammstanga eiga fullt erindi til breskra barna.

Samfylkingin í Norðvesturkjördæmi auglýsir eftir frambjóðendum til alþingiskosninga sem fram fara í haust. Kosið verður um fjögur efstu sætin á framboðslistanum á auknu kjördæmisþingi skv. lið 3.3. b. lið í reglum flokksins um val á framboðslista. Stuðst verður við reglur um paralista skv. skilgreiningu úr reglum flokksins.

„Við verðum mjög vör við ákveðinn áhuga erlendra fjárfesta,“ segir Sigfús Ingi Sigfússon sveitarstjóri Sveitarfélagsins Skagafjarðar um byggingu koltrefjaverksmiðju í Skagafirði í viðtali við Karl Eskil Pálsson á sjónvarpsstöðinni N4. Verði slík verksmiðja að veruleika er líklegt að nokkrir tugir nýrra starfa skapist í Skagafirði.

Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi á morgun 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Á vef stjórnarráðsins kemur fram að sama máli gegni um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými. Á íþróttakeppnum verður nú heimilt að hafa áhorfendur.

Skagfirðingurinn og ljóðskáldið úr Blönduhlíðinni Eyþór Árnason hefur glatt ljóðaunnendur með upplestri á ljóðabókum sínum á Facebook-síðu sinni og hefur lesið eina bók frá upphafi til enda í hvert sinn. Í kvöld er komið að þriðja lestri er hann fer í gengum bókina Norður sem út kom árið 2015. „Þetta var nú bara hugdetta sem vaknaði núna fyrir síðustu jól og svo var maður að bræða þetta með sér og ákvað síðan að nota Covid-ástandið og kýla á það,“ segir Eyþór aðspurður um atburðinn.

Núna klukkan kl. 9 hefst í streymi fundur Vegagerðarinnar sem ber yfirskriftina Hvernig þjónum við vegfarendum á veturna? Umfjöllunarefnið er vetrarþjónustan á þjóðvegum landsins frá ýmsum hliðum og verða haldin áhugaverð erindi sem koma víða að. „Stöðugt er kallað eftir aukinni þjónustu við vegakerfið að vetri. Atvinnusókn á landsbyggðinni hefur breyst og fólk sækir í meiri mæli vinnu milli bæjarfélaga. Þessi samfélagsbreyting kallar á aukna þjónustu við vegakerfið. Miklu skiptir einnig að afurðir og vörur komist klakklaust milli landshluta, þrátt fyrir hálku og fannfergi.

Nú nýverið skrifuðu fimm heimastúlkur undir samning við Tindastól um að leika með liðinu í sumar. Að sögn Rúnars Rúnarssonar, fráfarandi formanns knattspyrnudeildar, er um árssamninga að ræða og hafa nú allar þær heimastúlkur sem verið hafa viðloðandi meistaraflokk félagsins síðasta árið skrifað undir samning.