Íþróttir

Báðir meistaraflokkar Tindastóls í knattspyrnu eiga leiki um helgina. Strákarnir mæta Skallagrím í kvöld klukkan 19:15 og stelpurnar mæta liði Selfoss á morgun klukkan 16:00.

Stelpurnar í Tindastól sýndu það í gær að ekkert aðkomulið getur bókað stig á Króknum í Bestu deildinni í fótbolta þegar þær gerður sér lítið fyrir og sigruðu Stjörnuna sem íþróttadeild Vísis og Stöðvar 2 Sports spáði að myndi enda í 1. sæti deildarinnar. Með sigrinum lyftu Stólar sér af botninum og komu sér fram fyrir FH og Selfoss á stigatöflunni með 5 stig eftir einn sigur og tvö jafntefli.

Ingvi Rafn Ingvarsson hefur verið ráðinn þjálfari Kormáks/Hvatar og mun stýra liðinu út leiktímabilið. Hann tekur við af Aco Pandurevic sem lét af störfum síðastliðna helgi.

Það er ekki bara Kjartan Henry Finnbogason, sóknarmaður FH, sem þarf að þola það að vera settur í bann fyrir fólskubrot í fótboltanum því Shaina Faiena Ashouri, leikmaður FH í Bestu deild kvenna, hefur einnig verið úrskurður í eins leiks bann eftir atvik sem varð í leik Tindastóls og FH þann 7. maí síðastliðinn er hún gaf Hugrúnu olnbogaskot í andlitið.

WR Hólamót UMSS og Skagfirðings fór fram síðastliðna helgi á Hólum í Hjaltadal. Mótið var vel sótt og sáust flottar sýningar og einkunnir. Öðrum framar í meistaraflokki stóð Mette Mannseth en hún sigraði í öllum hringvallagreinum og 100 metra flugskeið þar að auki.

Lokahóf Körfuknattleiksdeildar Tindastóls var haldið í Miðgarði föstudaginn 19. maí að viðstöddu fjölmenni. Mikil gleði var við völd hjá þeim 330 manns sem sóttu hófið enda Tindastólsfólk í sæluvímu eftir að hafa hampað Íslandsmeistaratitlinum kvöldinu áður.

Þriðja árs nemendur við Hestafræðideild Háskólans á Hólum héldu reiðsýningu síðastliðinn laugardag í tengslum við útskrift þeirra frá skólanum. Við tilefnið voru veitt tvenn verðlaun fyrir góðan árangur í náminu. Að þessu voru það tveir Skagfirðingar sem hlutu þau.

Úrslitin í Skólahreysti fóru fram á laugardaginn en einn skóli af Norðurlandi vestra náði inn í úrslit. Þarna var um að ræða Varmahlíðarskóla í Skagafirði sem hafði áður sigrað annan undanriðilinn sem fór fram á Akureyri í lok apríl. Að sjálfsögðu stóðu hreystimenni skólans sig með mikilli prýði en eftir hörkuskemmtilega og spennandi keppni endaði Varmahlíðarskóli í fimmta sæti en tólf skólar kepptu í úrslitum.

Blekið er vart þornað úr penna formanns körfuknattleiksdeildar Tindastóls því skömmu eftir að skrifað var undir samning við Drungilast mætti Sigtryggur Arnar Björnsson að samningaborðinu með Degi Þór Baldvinssyni til að rita nafn sitt undir framlengdan samning um að hann leiki með liðinu næstu tvö árin.

„Það var einstaklega ljúft, gæti alveg vanist því. Eftir góðan svefn var hugurinn samt strax kominn í loka augnablik leiksins og að endurupplifa það þegar leiktíminn rann út og stíflan brast með öllu tilfinningaflóðinu sem því fylgdi,“ sagði Helgi Margeirs, annar aðstoðarþjálfari Tindastóls, þegar Feykir innti hann eftir því hvernig hefði verið að vakna sem Íslandsmeistari sl. föstudagsmorgun.