Íþróttir

Það er stórleikur í Síkinu í kvöld þegar grannaliðin Tindastóll og Þór mætast á hefðbundnum körfuboltatíma. Bæði lið hafa komið skemmtilega á óvart í vetur en lið Þórs er í öðru sæti Bónus deildarinnar á meðan lið Tindastóls er í fimmta sæti en þó nunar aðeins tveimur stigum á liðunum.

Það er alltaf líf og fjör í kringum Pílukastfélag Skagafjarðar og þar er mikill metnaður fyrir því að kynna galdur pílunnar fyrir áhugasömum, ungum sem eldri. Á Facebook-síðu PKS er sagt frá því að í gær hélt félagið mót fyrir krakka í 1.-5. bekk og var um að ræða fyrsta mótið sem félagið heldur eingöngu fyrir börn. Ágætis mæting var en ellefu krakkar úr 3.-5. bekk mættu til leiks.

Karl Lúðvíksson byrjaði að kenna júdó í Varmahlíð 1985 og árið 1994 stofnaði hann Júdódeild innan Tindastóls og fagnaði því deildin 30 ára afmæli sínu í fyrra. Í byrjun fékk deildin mikla hjálp frá Akureyringum og þá helst frá Jóni Óðinn Óðinssyni. Fyrsta húsnæðið sem var leigt undir starfið var hin svokallaða „Hreyfing“ frá Eddu íþróttakennara.

Laugardaginn 4. janúar s.l. fór fram Hraðskákmót Skagastrandar og eru nú liðnir nokkrir áratugir síðan slíkt mót fór fram en fyrirhugað er að það verði árlegur viðburður. Mótið var hið skemmtilegasta en hraðskákmeistari Skagastrandar árið 2025 er Halldór Ólafsson. Í öðru sæti var Jens Jakob Sigurðarson og Lárus Ægir Guðmundson í þriðja sæti, segir á heimasíðu Skagastrandar. 

Á heimasíðu Eiðfaxa segir að þann 11. janúar var undirritaður samningur milli Eiðfaxa TV og Áhugamannadeildar Norðurlands um að Eiðfaxi TV sýni beint frá deildinni í vetur. En deildin hefst þann 22. febrúar á keppni í fjórgangi en alls verða mótin þrjú talsins. 

Íþróttanefnd á vegum Rannís hefur ákveðið að úthluta rúmri 21 milljón til 71 verkefna fyrir árið 2025. Á Norðurlandi vestra fengu tvö félög úthlutað úr þessum sjóð og fengu bæði félög 200.000 króna styrk. Ungmennasamband Skagafjarðar sótti um fyrir inngildingu íþrótta- og æskulýðsstarfs í Skagafirði og  Skotfélagið Markviss  til kaupa á raddstýrðu stjórntæki fyrir Trapp völl.

Í kvöld fimmtudaginn 9. janúar á slaginu klukkan 19:15 heimsækir lið ÍR Síkið.

Í Ártúninu á Króknum býr Emma Katrín Helgadóttir en hún er fædd árið 2008 og hefur verið áberandi bæði í badminton og körfubolta hér á Sauðárkróki. Emma ólst upp í Reykjavík og æfði alls konar íþróttir þar eins og t.d. fimleika og fótbolta en eftir að hún flutti á Krókinn hefur hún einbeitt sér að körfuboltanum og badmintoninu. Það má því segja að hún sé að uppskera vel því hún hefur unnið marga titla í badminton og æft og keppt upp fyrir sig með meistaraflokki kvenna í körfunni. Hér er því á ferðinni stórefnilegur íþróttagarpur sem Feyki langaði til að kynnast aðeins betur.

Stólastúlkur spiluðu við Val á Meistaravöllum í gær sem því miður endaði með tapi en fyrir þennan leik voru þær búnar að vera á góðri sigurbraut sem enginn vildi sjá enda.

Það var nóg um að vera þessa fyrstu helgi ársins í körfuboltanum hjá Tindastól en það var Meistaraflokkur karla sem byrjaði gleðina og átti leik á Meistaravöllum föstudaginn 3. janúar á móti Tóta Túrbó og liðsfélunum hans í KR. Leikurinn byrjaði ekki sannfærandi hjá Stólunum og var hugurinn kominn á þá leið að KR-ingar væru að fara að hirða þessi tvö stig af okkur eins og í 1. umferðinni.