Íþróttir

Það var spennuþrunginn dagur í gær í Skagafirði og mikil eftirvænting fyrir lokaleik Tindastóls og Þórs Þorlákshöfn í átta liða úrslitum Dominosdeildar. Síkið þétt skipað stuðningsmönnum Stóla og Þórsarar áttu einnig sína menn. Liðin komu vel stemmd til leiks og Stólar greinilega tilbúnir að bæta því við sem vantað hafði upp á í leik þeirra tvo leiki þar á undan.

Tindastóll og Þór Þorlákshöfn mætast í Síkinu í kvöld kl. 18:30 í fimmtu og síðustu viðureign liðanna í átta liða úrslitum Dominos-deildarinnar. Eftir að hafa fengið fínt start og sigrað tvær fyrstu viðureignir liðanna þá hafa Stólarnir hikstað duglega og Þórsarar gengið á lagið og kláruðu leiki þrjú og fjögur nokkuð sannfærandi. Það er því allt undir í kvöld, sæti í fjögurra liða úrslitum í húfi og lið Tindastóls þarf nú að sýna úr hverju það er gert.

Stelpurnar í Tindastól lögðu Álftanes 3-2 á gervigrasvellinum á Sauðárkróki í gær og hafa þar með unnið báða sína leiki í C-deild Lengjubikarsins þetta árið. Hugrún Pálsdóttir og Kolbrún Ósk Hjaltadóttir skoruðu sitthvort markið á fyrstu 25 mínútum og staðan 2-0 í hálfleik.

Tindastóll hafði tækifæri til að sópa Þórsurum frá Þorlákshöfn út úr úrslitakeppni Dominos deildarinnar í gær er þriðji leikur liðanna fór fram í átta liða úrslitunum. Þórsarar voru á öðru máli og vann sannfærandi sigur 67-87.

Aðalfundur UMF Tindastóls var haldinn í gær í fundarsal sveitarfélagsins í Húsi frítímans. Dagskrá fundarins var samkvæmt lögum félagsins og var ágætlega mætt. Sitjandi stjórn gaf öll kost á sér til áframhaldandi starfa sem var samþykkt.

Það var nágrannaslagur um síðustu helgi í Lengjubikarnum en þá lék lið Tindastóls fjórða leik sinn í keppninni og mætti liði Fjallabyggðar sem er sameinað lið gömlu góðu KS á Sigló og Leifturs frá Ólafsfirði. Stólarnir voru 1-0 yfir í hálfleik en heldur hitnaði í kolunum þegar leið að lokum leiks sem endaði 3-3 og tveir leikmanna Tindastóls fengu að líta rauða spjaldið í uppbótartíma.

Gunnar Þór Gestsson og Sara Gísladóttir voru sæmd starfsmerki UMFÍ á ársþingi Ungmennasambands Skagafjarðar (UMSS) sem haldið var í síðustu viku. Gunnar Þór hefur gegnt ýmsum trúnaðarstörfum í gegnum tíðina, verið formaður U.M.F.Tindastóls og um þessar mundir situr hann bæði í stjórn UMSS og UMFÍ. Sara hefur verið í stjórn og síðustu ár formaður Ungmenna- og íþróttafélagsins Smára í Varmahlíð og einnig verið afar virk í félagsmálum fyrir Hestamannafélagið Skagfirðing.

Lið Tindastóls og Þórs mættust í Þorlákshöfn í kvöld í öðrum leik liðanna í átta liða úrslitum Dominos-deildarinnar. Reiknað var með hörkuleik en það voru mestmegnis leikmenn Tindastóls sem gáfu heimamönnum hörkuleik og unnu frábæran fjórtán stiga sigur og náðu því 2-0 forystu í einvígi liðanna. Lokatölur voru 73-87 og spennt Síkið bíður liðanna á fimmtudagskvöldið.

78. Héraðsþing USVH var haldið sl. miðvikudag, þann 20. mars, í Félagsheimilinu á Hvammstanga og sá Ungmennafélagið Kormákur um framkvæmd þingsins að þessu sinni. Á þingið mættu 27 aðilar frá öllum aðildarfélögum.

Það var sannkallaður spennuleikur sem fram fór í fyrstu umferð átta liða úrslita Íslandsmótsins í körfubolta í Síkinu í kvöld. Þar áttust við heimamenn í Tindastól og Þór Þorlákshöfn þar sem heimamenn höfðu betur með 112 stigum gegn 105. Gestirnir komu mun ákveðnari til leiks í kvöld og greinilegt að þeir ætluðu að selja sig dýrt enda mættu þeir í Fjörðinn í gær og því engin ferðaþreyta að hrjá þá. Náðu þeir strax forystu og komust í 8-0 áður en Stólar náðu að skora sín fyrstu stig þegar tæpar þrjár mínútur voru liðnar af leiknum. Þórsarar í banastuði hittu vel úr þriggja stiga skotum sínum og héldu Stólum tíu stigum frá sér allt til enda fyrsta leikhluta. Staðan 23-33 fyrir gestunum.