Fréttir

Tindastóll kynnir nýjan leikmann í Körfunni. Það er Ade Murkey, sem er áhorfendum Bónus deildarinnar vel kunnugur en hann spilaði með Álftanesi á síðasta tímabili. Murkey var með 23.3 stig, 7.7 fráköst og 2.9 stoðsendingar að meðaltali í 14 leikjum fyrir Álftanes.

Nýtt skólaár er spennandi tími fyrir börnin okkar en tilfinningarnar geta verið misjafnar. Sum mæta full tilhlökkunar, önnur með smá hnút í maganum og mörg einhvers staðar mitt á milli. Nemendur mæta til náms með ólíkar þarfir, styrkleika og reynslu og er það verkefni skólanna að skapa þeim öruggt og hvetjandi námsumhverfi með fjölbreyttum tækifærum til að vaxa og þroskast. Þó að skólinn gegni stóru hlutverki í lífi barna og ungmenna stendur hann ekki einn að þessu verkefni. Menntun og uppeldi barna er alltaf sameiginlegt verkefni heimilis og skóla.

Sunnudaginn 23. ágúst var sérstök hátíðarmessa í Mælifellskirkju þar sem minnst var 100 ára vígsluafmælis. Afmælið var reyndar í fyrra en vegna þess að miklar endurbætur stóðu yfir í og við kirkjugarðinn var hátíðarhöldum frestað þar til nú. Þessu endurbótum er nú að mestu lokið og er mikill sómi að.

Hjá lögreglunni á Norðurlandi vestra starfa 17 lögreglumenn í almennri deild á þremur starfsstöðvum. Tveir eru staðsettir á Hvammstanga, sjö á Blönduósi og átta á Sauðárkróki. Yfirlögregluþjónn er Pétur Björnsson og situr hann á Sauðárkróki. Nýlegar fréttir af því að lögreglan á Norðurlandi vestra stöðvaði erlendan aðila vegna hraðaksturs, hafa vakið athygli en í ljós kom að farþegar í bílnum gátu ekki eða vildu ekki framvísa skilríkjum. Einnig fundust í bílnum hlutir sem ætla mátti að væru þýfi. Þessu fylgdi handtaka og í framhaldi af því brottvísun af landinu. Blaðamaður Feykis settist niður með Pétri og spurði fyrst hvort við værum að horfa upp á nýjan veruleika í störfum lögreglunnar.

Húnaþing vestra minnir á á vefsíðu sinni: hunathing.is, sérstakan húsnæðisstuðning sem ætlaður er að auðvelda námsmönnum á framhaldsskólastigi og fjölskyldum þeirra að mæta húsnæðiskostnaði.

Verkalýðshreyfingin á að styðja aðildarviðræður Íslands við Evrópusambandið – ekki vegna þess að niðurstaðan sé fyrirfram ákveðin, heldur vegna þess að íslenskt launafólk á rétt á því að sjá hvaða möguleikar felast í aðild og semja um hagsmuni sína við borðið. Verkalýðshreyfingin hefur aldrei verið hrædd við breytingar. Hún hefur hins vegar alltaf spurt sömu grundvallarspurningarinnar: Hvað þýðir þetta fyrir kjör fólksins sem við erum að verja? Þess vegna eigum við að styðja að nýjar aðildarviðræður við Evrópusambandið hefjist. Við eigum að vera við borðið, Ísland er þegar hluti af innri markaði Evrópu í gegnum EES-samninginn.

Sigfús Ingi Sigfússon, fyrrverandi sveitarstjóri Skagafjarðar, hefur verið ráðinn rekstrarstjóri Háskóla Íslands á Hólum og hóf hann störf 17. ágúst sl. Í starfi rekstrarstjóra mun Sigfús Ingi bera ábyrgð á rekstri og stoðþjónustu Háskóla Íslands á Hólum og taka þátt í áframhaldandi uppbyggingu starfseminnar í samstarfi við starfsfólk skólans og Háskóla Íslands.

Ísland er eitt ríkasta land Evrópu. Samkvæmt Eurostat var landsframleiðsla á mann hér á landi árið 2025, leiðrétt fyrir verðlagi, 28% yfir meðaltali ESB. Alþingi fer með skattlagningar- og fjárveitingarvaldið en ríkisstjórnin leggur fram frumvarp til fjárlaga. Vilji Alþingi verja meiri fjármunum til atvinnuuppbyggingar, innviða og byggðaþróunar um land allt hefur það fulla heimild til þess. Til þess þarf hvorki ESB-aðild né leyfi frá Brussel.

Þeir sem hafa safnað flöskum og dósum i sumar, og vilja gjarnan losna við herlegheitin fyrr en síðar, geta nú tekið gleði sína því seinni partinn í dag munu ungir iðkendur frá knattspyrnudeild Tindastóls ganga hús úr húsi til að safna flöskum og dósum.

Nú á föstudaginn verður Vatnsdæluhátíð í Heimilisiðnaðarsafninu á Blönduósi og hefst dagskráin kl. 16:00. Að þessu sinni verða Bríet Bjarnhéðinsdóttir og aðrar merkiskonur úr Húnavatnssýslum heiðraðar. „Við höfum haldið Vatnsdæluhátíð undanfarin þrjú ár og að þessu sinni var ákveðið að heiðra sérstaklega minningu Bríetar Bjarnhéðinsdóttur sem fæddist á Haukagili í Vatnsdal. Stytta af henni, sem hefur verið frammi í Vatnsdal, var flutt niður á Blönduós og tekin í gegn og setja á hana upp við Heimilisiðnaðarsafnið í tilefni dagsins,“ sagði Pétur Bergþór Arason sveitarstjóri í Húnabyggð þegar Feykir hafði samband.