Skagafjörður

Foreldrum barna á yngra stigi leikskólans Ársala á Sauðárkróki, Glaðheimum, hefur verið tilkynnt um það að ráðast þurfi í frekari rannsóknir og sýnatökur eftir að sýni úr norðurvegg á deildinni Lóni kom úr rannsókn. Það er gert svo hægt sé að ákveða til hvaða frekari aðgerða verður gripið.

Fræðslunefnd Svf. Skagafjarðar tók fyrir, á síðasta fundi sínum, erindi frá foreldrum barna í leikskólanum Barnaborg á Hofsósi, þar sem lýst er áhyggjum af stöðu leikskólamála þar. Telur nefndin að búið sé að finna viðeigandi lausn til bráðabirgða á leikskólamálum á Hofsósi.

Sunnudagsljóðið er eftir Sverri Stormsker og heitir Ef miðað er við mannfjölda.

Aðalfundur Kaupfélags Skagfirðinga fór fram í gær í Selinu, matsal Kjötafurðastöðvarinnar á Sauðárkróki. Fundurinn var vel sóttur og fór vel fram. Í inngangsorðum Þórólfs Gíslasonar, kaupfélagsstjóra, kom fram að rekstur félagsins á árinu 2016 hafi verið í grunninn sambærilegur og árið á undan. Hagnaður af rekstri samstæðunnar á árinu 2016 nam 1.367 milljónum króna.

Árgangur ´64, sem sá um Króksblótið í ár á Sauðárkróki, hefur ákveðið að láta 100.000 króna ágóða þess renna til söfnunar Völu Mistar Valsdóttur og fjölskyldu sem enn dvelja í Svíþjóð vegna veikinda stúlkunnar.

Áskorendapistill Söru Bjarkar Sigurgísladóttur

Vísnakeppni Safnahúss Skagfirðinga verður á sínum stað sem endranær í Sæluviku enda hefur hún notið mikilla vinsælda allt frá árinu 1976 er hún var haldin í fyrsta sinn. Reglurnar eru einfaldar; annars vegar botna vísnavinir fyrirfram gefna fyrriparta og eða semja vísu um ákveðið málefni. Ekki er nauðsynlegt að botna allt og einnig er í lagi að senda bara inn vísu.

Nú styttist í sumarið og grilltíminn nálgast óðum. „Við elskum að grilla og grillum nánast allan mat," sögðu Ingibjörg Skarphéðinsdóttir og Sveinn Brynjar Friðriksson í Varmahlíð sem voru matgæðingar vikunnar í 14. tölublaði Feykis árið 2015. Þau gáfu lesendum uppskrift af grillaðri lúðu, grillbrauði og tómatsalati, sem þau sögðu vera mjög góða uppskrift að góðu grillkvöldi.

Fyrir nokkrum vikum síðan setti ég inn myndir af forstofuskápi sem hún Sylvía Dögg Gunnarsdóttir, íbúi á Sauðárkróki, tók í gegn og gaf nýtt útlit sem tókst auðvitað með eindæmum vel hjá henni enda vandvirk. Nú langar mig að sýna ykkur innihurðir sem hún málaði á sama hátt og skápinn. Hún byrjaði á því að grunna með JOTUN Kvist-og sperregrunning, lakkaði svo yfir með LADY Supreme Finish, halvblank, Tre og panel. Hún notaði lakkrúllu í verkið. Eins og sést á fyrir og eftir myndunum þá er rosalega mikil breyting og er þetta frábær lausn ef fólk vill hafa bjartara heima hjá sér, tala nú ekki um þegar íbúðin er með dökkar hurðir í þröngum gluggalausum gangi. Liturinn sem hún notaði á veggina kallast dökkroði og fæst í Versluninni Eyrin á Króknum.

Síðasti liður í fjáröflun 10. bekkjar í Varmahlíðarskóla fyrir Danmerkurferðina í vor er sólahrings íþróttamaraþon. Það hófst stundvíslega klukkan 12.10 í gær og hefur nú, þegar þetta er skrifað, staðið í um 23 tíma.