Skagafjörður

Þann 14. júlí síðastliðinn eignuðust þau Hjálmar Björn Guðmundsson og Ingibjörg Signý Aadnegard á Blönduósi yndislegar tvíburastelpur. Fljótlega kom í ljós að önnur þeirra er með hjartagalla og þurfti hún að fara nokkurra daga gömul með pabba sínum og föðurömmu til Lundar í Svíþjóð. Hún fór í aðgerð 2. ágúst og gekk hún vel en sama dag flugu mamma hennar, tvíburasystir, Guðjón stóri bróðir þeirra og móðuramma til Svíþjóðar.

Búminjasafnið í Lindabæ í Skagafirði var til umfjöllunar á N4 í gær.

Nú er EM ævintýrið í algleymingi og hversdagsleiki sumarsins tekinn við. Garðurinn sleginn, útveggirnir málaðir, sumarhúsaferðir og sólbað, svona þegar sú gula nennir að fara fram úr. Fótboltadrengirnir okkar eru jafnvel komnir niður á jörðina eftir að hafa svifið um á töfraskýji í Frakklandi. Einn þeirra er frá Sauðárkróki en það er auðvitað hann Rúnar Már Sigurjónsson. Blaðamaður Feykis spurði hann um ævintýrið í Frakklandi og nýjan samning sem hann gerði við svissneska knattspyrnuliðið Grasshopper.

Hestamannafélagið Skagfirðingur ætlar að viðhalda siðum fyrirrennara sinna og býður félagsmönnum sínum og gestum uppá þriggja daga ferð, aðra helgina í ágúst. Farið verður um Vatnsnes og Vesturhóp í Húnaþingi Vestra. Lagt verður af stað föstudaginn 12. ágúst kl.13:00 frá Tjörn á Vatnsnesi, riðið inn Katadal yfir Heiðargötur og endað á náttstað á Syðri-Þverá.

Viljirðu setja fram tillögu í byggðaáætlun 2017-2023 sem nú er í mótun er það hægt hér á heimasíðu Byggðastofnunar, undir BYGGÐAÁÆTLUN. Tillögur sem gerðar verða í tillöguformið verða lagðar fyrir verkefnisstjórn byggðaáætlunar og hún tekur afstöðu til þeirra. Á þessu svæði heimasíðunnar er líka að finna upplýsingar um áætlunarvinnuna, fyrri byggðaáætlanir og sóknaráætlanir landshluta. Eftir því sem efni verður til, tengt byggðaáætlun, mun það verða lagt þarna inn.

Gripirnir sem fundust á dögunum í fornum kirkjugarði í Keflavík, Hegranesi eru ekki það eina í uppgreftrinum sem þykir fréttnæmt. Þar hefur einnig komið í ljós að steinar hafi verið lagðir við bæði höfuð- og fótenda grafa á yfirborði. Þá voru steinar aukreitis lagðir í grafirnar, ofan á kisturnar og þá sem í þeim voru.

Í skýrslu Byggðastofnunar um dreifingu sauðfjár á Íslandi segir að af 470.678 kindum á landinu í nóvember 2015, voru 37.716 í Vestur-Húnavatnssýslu og 38.266 í Austur-Húnavatnssýslu. Þá kemur einnig fram að af 2.498 sauðfjárbúum á Íslandi, voru 108 í Vestur-Húnavatnssýslu og 120 í Austur-Húnavatnssýslu. Norðurland vestra státar af flestum sauðfjárbúum með fleiri en 600 kindum en þau eru 35 talsins. Sauðfjárbú með 400-599 kindur voru einni flest á Norðurlandi vestra, 75 talsins.

Eldur kviknaði íbúðarhúsi á sveitabænum Ármúla í Skagafirði í dag. Samkvæmt fréttatilkynningu frá Brunavörnum Skagafjarðar barst tilkynning um brunann kl. 14:18 og var allt tiltækt lið frá Sauðárkróki og Varmahlíð kallað út. Við komu viðbragðsaðila á staðinn var töluverður eldur og mikill reykur en ekki var talið að neinn væri inni í húsinu.

Infinity Blue er fyrirtæki sem stendur fyrir sérstökum flottímum, eða miðnæturböðum í Sundlauginni á Hofsósi. Verður opið í lauginni fyrir þessa tíma frá klukkan 22:00 til 01:00 alla daga vikunnar.

Viktoría Eik Elvarsdóttir frá Syðra Skörðugili í Skagafirði, tók þátt í FEIF Youth Cup hestaíþróttamótinu í Hollandi á dögunum en þar er íslenski hesturinn í hávegum hafður. Viktoría Eik sótti um hjá Æskulýðsnefnd LH og var valin úr hópi umsækjenda til að keppa á mótinu.