Skagafjörður

Tveir nemendur í 6. bekk Varmahlíðarskóla, þeir Indriði Ægir Þórarinsson og Óskar Aron Stefánsson, hlutu um síðustu helgi þriðju verðlaun í Nýsköpunarkeppni grunnskólanna 2016. Verðlaunin hlutu þeir fyrir hugmynd sína að Markaappi en þeir komust einnig áfram í keppninni með aðra hugmynd, svokallaðan Tappahníf.

Bílaklúbbur Skagafjarðar hefur sótt um leyfi til að halda rallýkeppni í Skagafirði helgina 22. - 23. júlí nk. „Eknar verða sérleiðirnar: 744 Þverárfjallsvegur, (gamli vegurinn að mestu), 742 Mýrarvegur frá Mánaskál að fjárrétt við Kirkjuskarð, F 752 Skagafjarðarvegur frá Litluhlíð að Þorljótsstöðum, F 756 Mælifellsvegur um Mælifellsdal, Sauðárkrókshöfn og Nafir,“ segir í fundargerð byggðarráðs frá því í morgun.

Próflokaball verður haldið í Félagsheimilinu Blönduósi laugardaginn 4. júní og mun DJ Heiðar Austmann sjá um að þeyta skífum. Á ballinu verður Rave þema; UV blacklight, rosalegt ljósashow, glow sticks og Neon litir. Mælst er til þess að allir mæti í hvítum fötum.

Um síðustu helgi léku báðir m.fl. Tindastóls leiki. Karlalið Tindastóls er komið á fulla ferð í 3. deildinni í knattspyrnu en á laugardaginn léku strákarnir við Reyni Sandgerði í 3. deildinni og sigraði Tindastóll 1-2. Þetta var leikur sem átti að vera heimaleikur Tindastóls en honum var snúið þar sem vallaraðstæður voru ekki þannig að Tindastóll gæti spilað á Króknum.

Nýlega hafa þrjár vísindagreinar tengdar rannsóknum í Verinu á Sauðárkróki birst í fræðitímaritum. Ein þeirra er eftir Amy Fingerle en Nicolas Larranaga, doktorsnemi við fiskeldis og fiskalíffræðideild, er meðhöfundur að tveimur greinum.

Ársreikningur Sveitarfélagsins Skagafjarðar var samþykktur á sveitarstjórnarfundi í gær. Í kynningu sveitarstjóra kom m.a. fram að rekstrarhagnaður A og B hluta fyrir afskriftir og fjármagnsliði er 364 millj. króna. Rekstrarhalli A og B hluta á árinu 2015 er 97 millj. króna og rekstarniðurstaða A hluta er neikvæð um 176. millj. króna. Þá kom fram að skuldir sem hlutfall af tekjum eru umtalsvert undir því marki sem heimilt er samkvæmgt 64. gr. nýrra sveitarstjórnarlaga.

Byggðarráð Sveitarfélagsins Skagafjarðar hefur samþykkt ályktun þar sem skorað er á stjórnvöld að hefja aftur endurgreiðslu virðisaukaskatts á fráveituframkvæmdir sveitarfélaga. „Í ljósi umræðu að undanförnu um fráveitumál sveitarfélaga og nauðsyn þess að vernda lífríki og ráðast í úrbætur þar sem þess er þörf, vill byggðarráð Sveitarfélagsins Skagafjarðar skora á stjórnvöld að hefja aftur endurgreiðslu virðisaukaskatts á fráveituframkvæmdir sveitarfélaga eins og gert var á árunum 1995-2008,“ segir í ályktun byggðarráðs.

Í morgun fór fram opinn fundur um húsnæðismál. Þar voru húsnæðisfrumvörp félags – og húsnæðismálaráðherra til umræðu. Á fundinum fór undirrituð yfir þær breytingar sem nefndarmenn velferðarnefndar hefur gert á frumvörpunum og almennt yfir stöðu málanna í nefndinni.

Norðurlandamót U16 og U18 ára landsliða fer fram í Finnlandi dagana 26.-30. júní næstkomandi. Mótið sem í tæpa tvo áratugi hefur farið fram í Svíþjóð verður nú haldið í Finnlandi. Tilkynnt hefur verið um íslensku U16 og U18 ára hópana fyrir verkefnið og í U18 hóp stúlkna eru Skagfirðingarnir Linda Þórdís B. Róbertsdóttir og Bríet Lilja Sigurðardóttir.

Bú­ist er við hvassviðri eða stormi (15–23 m/​s) norðvest­an­lands seint í nótt og fram að há­degi á morg­un að sögn Veður­stofu Íslands sem hef­ur sent frá sér viðvör­un. „Skæðustu vind­streng­irn­ir verða þar sem suðvestan­átt­in stend­ur af fjöll­um og gætu þá trampólín átt erfitt með að halda kyrru fyr­ir,“ segir á vef Veðurstofunnar.