Skagafjörður

Á föstudaginn heimsóttu fyrstu bekkingar Árskóla á Sauðárkróki bæinn Keldudal í Hegranesi í Skagafirði í sauðburði. Um var að ræða 23 börn sem skoðuðu búskapinn, ásamt kennurum sínum. Að sögn Guðrúnar Lárusdóttur bónda þar hefur sú hefð verið í 35 ár að fyrsti bekkur heimsæki bæinn.

Mig langar að leggja inn formlega kvörtun yfir póstþjónustunni á landsbyggðinni. Við búum útí sveit rétt hjá Varmahlíð og Sauðárkrók og hér er ekki lengur keyrður út póstur alla virka daga heldur einungis 3 daga vikunnar aðra vikuna og 2 hina vikuna.

Varmahlíðarskóli í Skagafirði fagnar 40 ára afmæli um þessar mundir. Núverandi skólahúsnæði var tekið í notkun veturinn 1975-1976 og fyrsti árgangurinn því útskrifaður þaðan vorið 1976. Nemendur og starfsfólk skólans minnast tímamótanna í þessari viku, með þemadögum og opnu húsi þar sem gestum gefst tækifæri til að heimsækja skólann á morgun, fimmtudag, frá klukkan 15-18.

Með hækkandi sól fer fiðringur um kylfinga landsins og eftirvæntingin eftir því að komast út á golfvöllinn gerir vart við sig. Þeir Rafn Ingi Rafnsson og Kristján B. Halldórsson hjá Golfklúbbi Sauðárkróks eru þar engin undantekning en blaðamaður Feykis hitti þá félaga á Hlíðarendavelli á Sauðárkróki þegar Jón Þorsteinn Hjartarson golfkennari var að renna í hlað.

Skagfirðingabúð var oftast með lægsta verðið þegar verðlagseftirlit ASÍ kannaði verð á svæðinu miðvikudaginn 18. maí. Skagfirðingabúð var með lægsta verðið í 59 tilvikum og Hlíðarkaup í 52. Hæsta verðið var oftast að finna í Hlíðarkaupum eða í 47 tilvikum og Skagfirðingabúð í 41 tilviki.

Á mánudaginn færði Kvenfélag Sauðárkróks Endurhæfingu HSN veglega gjöf. Um er að ræða svokallaðar trissur sem eru góð viðbót við tækjasal Endurhæfingarinnar. Herdís Klausen hjúkrunarforstjóri og Fanney Ísfold Karlsdóttir, forstöðumaður sjúkraþjálfunar, veittu gjöfinni viðtöku. Gat Herdís þess að allur tækjabúnaður í salnum væri gefinn af hinum ýmsu fyrirtækjum og félagasamtöku sem eru velviljuð stofnuninni.

Húsnæði Byggðasafns Húnvetninga og Strandamanna fær andlitslyftingu utandyra þessa dagana. Það eru nemendur í 5. og 6. bekk Grunnskóla Húnaþings vestra sem skreyta veggina með myndum og málningu. norðanátt.is greinir frá.

Hið árlega göngustíganámskeið ferðamálanema á fyrsta ári ári við Háskólann á Hólum var haldið nýlega. Námskeiðið er liður í stærra námskeiði sem nefnist Gönguferðir og leiðsögn og jafnframt mikilvægur hluti af námi diplómnema til að fá landavarðaréttindi sem Umhverfisstofnun.

Lokahóf Nýsköpunarkeppni grunnskólanna var haldið í Háskólanum í Reykjavík síðastliðinn sunnudaginn, 22. maí. Það voru 39 hugmyndaríkir krakkar úr 5. – 7. bekk sem komust áfram í vinnustofur og í úrslit keppninnar með samtals 27 hugmyndir. Meðal þeirra voru fjórir nemendur Varmahlíðarskóla með þrjár hugmyndir.

Það var margt um menn og hross á Hólum í Hjaltadal um helgina þegar Opið WR Skagfirðings og UMSS í hestaíþróttum fór þar fram. Sigurvegari í 100m skeiði var Ísólfur Líndal Þórisson á Korða frá Kanastöðum. Mette Mannseth og Þórarinn Eymundsson voru jöfn í fimmganginum og deila því efsta sætinu með einkunnina 7,38 - Mette á Karli frá Torfunesi og Þórarinn á Narra frá Vestri-Leirárgörðum.