Skagafjörður

Sunnan 3-8 og bjartviðri er á Ströndum og Norðurlandi vestra en 5-10 og þykknar upp á morgun. Hiti 4 til 10 stig að deginum, en nálægt frostmarki í innsveitum í nótt. Þá eru vegir greiðfærir um mestallt land.

KS-Deildin heldur áfram í kvöld en þá er reiknað með mjög spennandi tölt-keppni í Reiðhöllinni Svaðastöðum. Skemmtunin hefst kl. 19:00 og eru allir áhugasamir hvattir til að mæta og fylgjast með spennandi keppni.

Nýr Landspítali ohf. og Fjölnet hafa gert með sér samning vegna reksturs tölvukerfa. Á myndinni sjást, Sigurður Pálsson rekstrarstjóri Fjölnets og Gunnar Svavarsson NLSH handsala samninginn.

Undankeppni Stóru upplestrarkeppninnar fór fram í Varmahlíðarskóla sl. fimmtudag. Sextán efnilegir upplesarar sem allir eru í 7. bekk skólans tóku þátt og bar lestur þeirra vott um innlifun og vandvirkni, en þau höfðu æft sig í nokkrar vikur undir stjórn umsjónarkennara bekkjarins, Sigrúnar Benediktsdóttur.

Lestrarátak Ævars vísindamann stóð frá 1. janúar til 1. mars en samkvæmt talningu á innsendum lestrarmiðum voru lesnar 54 þúsund bækur í átakinu. Þetta kom fram þegar dregið var úr lestrarátakspottinum á mánudagsmorgun. Nemendur úr Árskóla Sauðárkróki, Grunnskólanum í Sandgerði, Laugarnesskóla, Hörðuvallaskóla og Hríseyjarskóla voru dregin úr pottinum og þau verða gerð að persónum í bók eftir Ævar sem kemur út í apríl. rúv.is greinir frá.

Kennsla í slátraraiðn hófst í Fjölbrautaskóla Norðurlands vestra um helgina. Slátrarabrautin er nýjung hjá skólanum en ekki hafa slátrarar verið útskrifast úr skóla hérlendis síðan upp úr 1990 hjá Iðnskólanum í Reykjavík. Að sögn Páls Friðrikssonar, slátrara, kjötiðnaðarmeistara og kennara við brautina, eru nemendurnir átta talsins sem sækja kennslustundir í byrjunaráföngum, þar af eru fimm í staðarnámi og þrír í fjarnámi. Alls eru 18 nemendur skráðir til náms.

Töltkeppni KS Deildarinnar fer fram á miðvikudagskvöldið kemur, 16. mars, og hefst keppni kl 19:00. „Frábærir hestar eru skráðir og verður gaman að fylgjast með,“ segir í tilkynningu frá deildinni.

Eins og Feykir fjallaði um fyrir helgi eru sveitarfélög á Norðurlandi vestra nú að skoða hvernig bregðast skuli við skaðsömu efnainnihaldi dekkjakurls sem notað er sem uppfyllingarefni á gervigrasvöllum.

Talsverðar skemmdir urðu á Sauðárkróki í storminum sem gekk yfir í gær og í nótt. Stór hluti af þakplötum fauk af Steypustöð Skagafjarðar. Ýmsar aðrar skemmdir urðu, einkum í nyrsta hluta bæjarins, að sögn Baldurs Inga Baldurssonar, formanns Skagfirðingasveitar.

Í dag klukkan 17 verður aukasýning á leikritinu Mjallhvít og dvergarnir sjö, í flutningi 10. bekkjar Árskóla, í Félagsheimilinu Bifröst. Uppsetningin er í leikstjórn Guðbrands Ægis Ásbjörnssonar.