Skagafjörður

Ég er frekar nýtin manneskja, enda alin upp af bænda-og verkafólki og opinberum starfsmönnum sem vita að peningar vaxa ekki á trjám og sumir fæðast ekki með silfurskeið í munni. Í daglegu lífi nær þessi nýtni til dæmis yfir matarinnkaup og fatainnkaup og þá staðreynd að ég ek um á bíl sem að var framleiddur fyrir hrun. Engu síður nægja launin mín ekki alltaf fyrir mánaðarlegum útgjöldum.

Fimmta bindið af Skagfirskum skemmtisögum er komið út hjá Bókaútgáfunni Hólum. Sem fyrr er það Skagfirðingurinn og blaðamaðurinn Björn Jóhann Björnsson sem tekur sögurnar saman. Þær eru orðnar vel á annað þúsund í bindunum fimm og hafa að geyma óborganlegar sögur af Skagfirðingum til sjós og lands, allt frá ofanverðum miðöldum til dagsins í dag. Hafa bækurnar hlotið fádæma viðtökur um allt land, ekki bara í Skagafirði, og verið ofarlega á metsölulistum bókaverslana.

Náttúran á sér óteljandi andlit og hefur Árni Rúnar Hrólfsson á Sauðárkróki margoft sýnt okkur það með glæsilegum myndum. Nú hefur hann útbúið og sett á YouTube, stórbrotið myndband sem sýnir Skagafjörð í nýju ljósi. Það eina sem hægt er að segja um það er: sjón er sögu ríkari.

Lokaumferð Skákþings Skagafjarðar 2016 – Landsbankamótsins var háð sl. miðvikudag. Sigurganga Jóns Arnljótssonar virtist óstöðvandi, en fyrir lokaumferðina var hann búinn að leggja alla sína andstæðinga og í raun búinn að tryggja sér sigur á mótinu og hinn virðulega titil „Skákmeistari Skagafjarðar 2016“.

Í gærkvöldi stóð Soroptimistaklúbbur Skagafjarðar fyrir fyrirlestri um hamingju í lífi og starfi. „Kvöldið var afar vel heppnað og það mættu um 50 manns til að hlusta á fyrirlestur Önnu Lóu um hamingju í lífi og starfi,“ sagði Aðalheiður Reynisdóttir, meðlimur í klúbbnum, í samtali við Feyki. „Við í Soroptimistaklúbbnum erum afar ánægðar með þessi viðbrögð og vonumst til þess að geta gert þetta jafnvel að árlegum viðburði, þ.e að bjóða upp á fyrirlestur um málefni sem stuðlar að bættum samskiptum og aukinni vellíðan hjá okkur í þessu samfélagi.“

Snarpri kosningabaráttu er lokið. Við í Norðvesturkjördæmi getum verið stolt af góðum árangri Vinstri grænna. Hreyfingin fékk 18,1% atkvæða sem hefði að öllu eðlilegu átt að skila okkur tveimur þingmönnum. Flokkurinn jók fylgi sitt á landsvísu í 15,9% og er útkoma okkar í þeim samanburði glæsileg. Þetta er önnur bestu útkoma flokksins í kjördæminu frá stofnun hans en árið 2009 fékk hann 22,8% og þrjá menn kjörna.

Nei, þetta er ekki titillinn á nýjustu mynd Quentin Tarantinos heldur lýsing á leik Tindastólsmanna í Sláturhúsinu suður með sjó í gærkvöldi. Eftir draumaleik gegn Njarðvíkingum fyrir viku þá gekk hvorki né rak hjá Stólunum þegar þeir mættu grönnum Njarðvíkinga, Keflvíkingum, í Dominos-deildinni og niðurstaðan skellur. Keflvíkingar sigruðu 101-79.

Neyðarkall björgunarsveita er fjáröflun björgunarsveita landsins sem felst í sölu á lyklakippu með áföstum björgunarsveitarmanni. Salan fer fram fram fyrstu helgina í nóvember ár hvert um land allt og á heimasíðu Landsbjargar segir að almenningur hafi tekið sölufólki afskaplega vel. Félagar úr björgunarsveitinni Skagfirðingasveit á Sauðárkróki ætla að standa vaktina líkt og áður og hefja sölu í dag í Skagfirðigabúð frá klukkan 14.00.

Á morgun, laugardaginn 5. nóvember fara Metabolic-leikarnir fram á Sauðárkróki. Þar munu iðkendur og þjálfarar Metabolic víðsvegar að af landinu hittast, keppa og gera sér glaðan dag saman.

Á mánudaginn opnaði veitingastaðurinn Kaffi Krókur á Sauðárkróki eftir miklar endurbætur á eldhúsi staðarins. Segja má að með breytingunni hafi Kaffi Krókur og Ólafshús haft ákveðin hlutverkaskipti, þar sem matseðillinn frá Ólafshúsi fylgdi flutningnum yfir götuna og eftirleiðis verður opið á Kaffi Krók allt árið.