Skagafjörður

Þann 29. ágúst komu 50 ára Hólanemar í heimsókn ásamt mökum og samstarfsfólki frá námsárunum. Á vef Hólaskóla segir að eftir skemmtilegt spjall, hlátrasköll og myndatöku var rennt við í aðstöðu hestafræðideildar Háskólans á Hólum og skeggrætt um gamla tíma og nýja.

Fyrsta erindi vetrarins á vegum Guðbrandsstofnunar verður í Auðunarstofu fimmtudaginn 24. sept. kl. 17:00 en þá flytur Sigurður Óli Sigurðsson áhugavert erindi sem hann nefnir: „Vinnustaðasálfræði: Helstu kenningar um ánægju einstaklinga í starfi“.

Í síðustu viku tók Heyrnar- og talmeinastöð Íslands í notkun nýja sérútbúna bifreið, sem verður notuð til reglulegra ferða út á land svo færa megi þjónustu HTÍ nær notendum. Stöðin heimsækir Norðurland dagana 15.-18.september.

Stelpurnar í 3.flokki kvenna hjá Tindastól lauk í dag, sunnudag, nokkuð góðu keppnistímabili. Lokaleikur tímabilsins var bikarúrslitaleikur gegn KA á Akureyrarvelli sem KA stúlkur sigruðu eftir mikinn baráttuleik en eina mark leiksins var skorað úr víti í upphafi seinni hálfleiks.

Tindastóll vann gríðarlega mikilvægan leik gegn Dalvík/Reyni á Dalvíkurvelli í gær sem gefur þeim von um að halda sæti sínu í 2. deild. Um stórsigur var að ræða en úrslit urðu 5-0.

Velkominn á nýjan vef Feykis.is. Undanfarna mánuði hefur verið unnið að endurhönnun á vefmiðlinum til að vera takti við nútímann og hefur afraksturinn litið dagsins ljós. Helsta breytingin felst í liprari framsetningu efnis á vefnum en áður og er Feykir.is nú aðgengilegri í snjallsímum og spjaldtölvum.

Sveitarstjórnum og öðrum íbúum Skagafjarðar var á dögunum kynnt með auglýsingu í héraðsmiðlum að Læknavaktin ehf í Reykjavík myndi frá 1. september taka við allri síma- og vaktþjónustu utan dagtíma vegna heilbrigðisþjónustu í Skagafirði. Á sama tíma mátti lesa viðtöl í fjölmiðlum við forsvarsmenn þessarar einkareknu heilbrigðisþjónustu á höfuðborgarsvæðinu, þar sem greina mátti mikla ánægju með ný verkefni fyrirtækisins sem kölluðu á ráðningu fleiri hjúkrunarfræðinga til að sinna þeim.

Norðurlandsmótaröð barna og unglinga er lokið þetta sumarið. Lokamótið fór fram á Akureyri laugardaginn 29.ágúst sl. á Jaðarsvelli. Um 50 þátttakendur voru á mótinu af öllu Norðurlandi í öllum flokkum og átti Golfklúbbur Sauðárkróks 14 þeirra.

Opna Advania mótið fór fram laugardaginn 5.september í sunnan golu og ágætis hita. Spilaður var 18 holu betri bolti sem er liðakeppni þar sem tveir eru saman í liði og betra skorið á holunni er talið til punkta. Keppendur á mótinu voru 32 og var keppnin mjög jöfn.

Á vef Byggðasafns Skagfirðinga kemur fram að miklar annir hafa verið hjá starfsmönnum safnsins í allt sumar, bæði við fornleifarannsóknir og gestamóttökur. Þann 31. ágúst hafði verið tekið á móti samtals 39.218 gestum, 2.279 í Minjahúsinu og 36.939 í Glaumbæ.