Skagafjörður

Á mánudaginn færði Kvenfélag Sauðárkróks Endurhæfingu HSN veglega gjöf. Um er að ræða svokallaðar trissur sem eru góð viðbót við tækjasal Endurhæfingarinnar. Herdís Klausen hjúkrunarforstjóri og Fanney Ísfold Karlsdóttir, forstöðumaður sjúkraþjálfunar, veittu gjöfinni viðtöku. Gat Herdís þess að allur tækjabúnaður í salnum væri gefinn af hinum ýmsu fyrirtækjum og félagasamtöku sem eru velviljuð stofnuninni.

Húsnæði Byggðasafns Húnvetninga og Strandamanna fær andlitslyftingu utandyra þessa dagana. Það eru nemendur í 5. og 6. bekk Grunnskóla Húnaþings vestra sem skreyta veggina með myndum og málningu. norðanátt.is greinir frá.

Hið árlega göngustíganámskeið ferðamálanema á fyrsta ári ári við Háskólann á Hólum var haldið nýlega. Námskeiðið er liður í stærra námskeiði sem nefnist Gönguferðir og leiðsögn og jafnframt mikilvægur hluti af námi diplómnema til að fá landavarðaréttindi sem Umhverfisstofnun.

Lokahóf Nýsköpunarkeppni grunnskólanna var haldið í Háskólanum í Reykjavík síðastliðinn sunnudaginn, 22. maí. Það voru 39 hugmyndaríkir krakkar úr 5. – 7. bekk sem komust áfram í vinnustofur og í úrslit keppninnar með samtals 27 hugmyndir. Meðal þeirra voru fjórir nemendur Varmahlíðarskóla með þrjár hugmyndir.

Það var margt um menn og hross á Hólum í Hjaltadal um helgina þegar Opið WR Skagfirðings og UMSS í hestaíþróttum fór þar fram. Sigurvegari í 100m skeiði var Ísólfur Líndal Þórisson á Korða frá Kanastöðum. Mette Mannseth og Þórarinn Eymundsson voru jöfn í fimmganginum og deila því efsta sætinu með einkunnina 7,38 - Mette á Karli frá Torfunesi og Þórarinn á Narra frá Vestri-Leirárgörðum.

Opið WR Skagfirðings og UMSS í hestaíþróttum fer fram á Hólum um helgina. Á vef hestamannafélagsins Skagfirðings er vakin athygli á því að dagskrá dagsins hefur tekið breytingum. Þar eru einnig birt úrslit úr forkeppni.

Þátturinn „Ostsee report“, eða Eystrasalts tíðindi í lauslegri þýðingu, verður sýndur á Norðurþýsku ríkissjónvarpsstöðinni NDR í dag kl. 16:00, eða kl. 18:00 að þýskum tíma. Þátturinn er klukkutíma langur og hefur verið mánaðarlega á dagskrá NDR í rúm 30 ár. Í honum er fjallað er um fólk í Norður Evrópu; Íslandi, Svíþjóð, Finnlandi, Noregi og Rússlandi svo dæmi séu nefnd og er um að ræða einskonar „Landa“ þeirra Þjóðverja. Að þessu sinni er að hann að stórum hluta tekinn upp í Skagafirði.

Hitaveituframkvæmdir í Fljótum var til umræðu á fundi Veitunefndar Sveitarfélagsins Skagafjarðar síðastliðinn miðvikudag. Í fundargerð kemur fram að framkvæmdir hefjist um mánaðarmótin maí/júní.

Opið WR (world ranking) mót Skagfirðings og UMSS í hestaíþróttum verður haldið á Hólum um helgina. Mótið hefst í kvöld og má skoða dagskránna hér. Ráslisti mótsins er eftirfarandi:

Hildur Þóra Magnúsdóttir á Ríp í Hegranesi stofnaði í september sl. fyrirtækið Pure Natura sem hyggst framleiða náttúruleg bætiefni og heilsuvörur. Hráefnið eru ýmsar aukaafurðir sem falla til við sauðfjárslátrun og íslenskar jurtir. Hugmyndin kviknaði fyrir um það bil þremur árum þegar hún sótti námskeið þar sem fram kom að heilsuvörur framleiddar úr þurrkuðum skjaldkirtlum sláturdýra gæfust vel fyrir fólk sem glímir við vanvirkni í skjaldkirtli.