Skagafjörður

Þingmenn Sjálfstæðisflokksins eru nú á faraldsfæti og funda vítt og breitt um landið. Í dag verða þeir m.a. í Eyvindarstofu á Blönduósi klukkan 17:30 og í Ljósheimum Skagafirði í kvöld kl. 20:00. Guðlaugur Þór Þórðarson utanríkisráðherra og þingmennirnir Birgir Ármannsson, Haraldur Benediktsson og Bryndís Haraldsdóttir ræða stjórnmálaviðhorfið og svara fyrirspurnum fundarmanna.

Í kvöld mætast lið Fjölnis og Tindastóls í Inkasso deild kvenna á Extra-vellinum klukkan 18:00. Tindastóll er í fjórða sæti í deildinni með 19. stig á meðan Fjölni er í næstneðsta sæti með 12. Stig.

Næstkomandi föstudag hefst í fyrsta skiptið matarhátíð sem kallast Réttir - Food Festival og fer fram á ýmsum stöðum á Norðurlandi vestra. Gestum verður boðið upp á skemmtilega upplifun og fræðslu um mat og menningu á svæðinu. Fjölmargar uppákomur verða þá tíu daga sem hátíðin stendur, allt frá Laugarbakka í Miðfirði, út í Fljót í Skagafirði. Veitingahúsaeigendur og framleiðendur á svæðinu standa að hátíðinni en Þórhildur María Jónsdóttir, umsjónarmaður Vörusmiðju BioPol á Skagaströnd, er í forsvari. Feykir leitaði til hennar með nokkrar spurningar varðandi hátíðina.

Í skoðanakönnun sem Gallup vann fyrir Samgöngufélagið, dagana 5. júlí til 8. ágúst sl. um vegamál á Norðurlandi, kemur fram að af sex tilgreindum valkostum voru flestir hlynntir gerð 10 km vegganga undir Öxnadalsheiði, 66% voru hlynnt gerð vegar um Húnavallaleið en 11,5% andvíg.

Evrópubikarkeppni landsliða í frjálsíþróttum fór fram um helgina þar sem keppt var í fjórum deildum: Ofurdeildinni, 1., 2. og 3. deild. Íslendingar kepptu í 3. deild ásamt tólf öðrum liðum, og fór sú keppni fram í Skopje í Norður-Makedóniu 10.-11. ágúst. Keppt var í tuttugu greinum í karlaflokki og tuttugu greinum í kvennaflokki og voru tveir Skagfirðingar meðal keppenda.

Skagfirðingarnir í íslenska landsliðinu í hestaíþróttum, Ásdís Ósk Elvarsdóttir og Jóhann R. Skúlason, voru í eldlínunni á lokadegi Heimsmeistaramóts íslenska hestsins, sem fram fór í Berlín í liðinni viku. Unnu þau bæði til verðlauna í samanlögðum fjórgangsgreinum hvorn í sínum flokknum.

Körfuknattleiksdeild Tindastóls hefur samið við Slóvenann Sinisa Bilic til að spila með liðinu á komandi tímabili. Bilic er fæddur árið 1989 og er öflugur framherji og mun vonandi hjálpa liðinu í vetur. Hér fyrir neðan má sjá fréttatilkynningu frá körfuknattleiksdeild Tindastóls.

Það voru þau Halldór Sigfússon og Lena Marie Pettersson á Hvammstanga sem gáfu lesendum Feykis sýnishorn af uppáhaldsuppskriftunum í 30. tbl. Feykis árið 2017. Halldór er þjónustustjóri í Landsbankanum á Hvammstanga en Lena var að skipta um starfsvettvang eftir 12 ára starf í Leikskólanum Ásgarði og var að hefja störf í Þvottahúsinu Perlunni. „Við reynum að hafa verkaskiptingu heimilisins skýra þannig að hver geri það sem hann er góður í og því sér Lena að mestu um eldamennskuna meðan Halldór tekur hraustlega til matarins,“ sögðu þau Halldór og Lena. „Kjúklingarétturinn er einfaldur og fljótlegur og afskaplega vinsæll á heimilinu. Hvort við notum hot eða medium salsasósuna fer eftir hvort miðju unglingurinn er í mat eða ekki, hans bragðlaukar eru ekki hannaðir fyrir hot sósur. Kolbrún, samstarfskona Halldórs, kom okkur á bragðið með ístertuna en hún er algjör bomba og reynir á kransæðarnar.“

Þorgeirsboli kemur fyrir í textum nokkurra jarða í Fellshreppi. Trú á tilvist Bola var almenn á 19. öld og langt fram á þá 20. Má heita einstakt hve margir gátu borið vitni um hann, enda Þorgeirsboli vafalítið frægasti draugur á Íslandi og sagnir af honum skipta tugum ef ekki hundruðum. Því er rétt er að gera nokkra grein fyrir Bola.

Í gærkvöldi fór fram leikur Dalvík/Reynis og Tindastóls í 2. deild karla á Dalvíkurvelli. Þetta var mjög mikilvægur leikur til þess að vinna en svekkjandi 3-2 tap.