Það var lagið

VALDÍS með enn eina rós í hnappagatið

Eftir eina viku er öskudagur og þá er líklegt að Gamli Nói muni meðal annars poppa popp. Það gerir líka skagfirska söngdívan VALDÍS en hún gaf á dögunum út sitt fimmta lag, sérdeilis áheyrilegt eitís-skotið dansvænt nútímapopp, sem kallast Piece Of You.
Meira

Ég man, nýtt lag Sverris Bergmanns - Myndband

Sverrir Bergmann Magnússon samdi og gaf út á dögunum nýtt lag, Ég man, sem fengið hefur góða dóma áheyrenda og fjallar um fallegasta stað á jarðríki, Skagafjörð. Nú er komið myndband við lagið sem Helgi Sæmundur Guðmundsson gerði einkar vel en þar leikur Jóhann Daði Gíslason hinn angurværa mann sem lætur hugann reika til æskustöðvanna.
Meira

Fíll og köttur Gillons

Út er komin 2. smáskífa Gillons af væntanlegri plötu. Lagið nefnist Fíll og köttur og var það upprunalega samið fyrir 16 árum er höfundur dvaldi syðra við nám. Upptökustjórn er sem fyrr í höndum Sigfúsar Arnars Benediktssonar, félaga Gísla úr Contalgen Funeral og er tekið upp í Stúdíó Benmen. Þar vinna þeir Fúsi og Gísli í 5. sólóplötu þess síðarnefnda og mun hún bera heitið Bláturnablús. Útgáfa er áætluð seinna á þessu ári.
Meira

Feykir poppar popp ársins 2020

Árið 2020 var undarlegt með allar sínar hömlur, boð og bönn sem flestir hefðu nú sennilega hlegið að fyrir ári að við létum yfir okkur ganga að mestu möglunarlaust. Tónlistarfólk létti okkur þó lífið með flutningi yfir net og sjónvarp. Á árinu kom út fullt af fínni músík og diskóið gekk aftur, fullt af glimmer og gleði í drungalegum heimi.
Meira

Kosning um Mann ársins 2020 á Norðurlandi vestra er hafin

Feykir stendur fyrir kjöri á manni ársins á Norðurlandi vestra líkt og gert hefur verið undanfarin ár. Íbúum á svæðinu og öðrum lesendum Feykis gefst kostur á að velja úr hópi þeirra sem tilnefndir voru af lesendum. Í þetta skiptið bárust tilnefningar um sjö einstaklinga. Hægt verður að greiða atkvæði á vefnum Feyki.is eða senda atkvæði í pósti á Feykir, Borgarflöt 1, 550 Sauðárkrókur. Kosningin er hafin og lýkur á miðnætti á nýársdag, 1. janúar.
Meira

Jólalag dagsins - Nei, nei, ekki um jólin

Um haustið 1984 gaf hinn goðsagnakenndi HLH flokkur út jólaplötuna Jól í góðu lagi og var önnur plata flokksins það árið því um vorið hafði sveitin sent frá sér hina geysivinsælu plötu Í rokkbuxum og strigaskóm. Mörg lög eru enn leikin af þessum tveimur plötum og má segja að Nei, nei, ekki um jólin sé enn meðal vinsælustu jólalaga landsins.
Meira

Jólalag dagsins - Stúfur

Þvörusleikir kom í nótt til byggða en ekki tókst Feyki að finna neitt lag sem tileinkað er honum einum en í gær kom Stúfur og hann þekkja allir. Baggalútur samdi stórgott lag um þann ágæta jólasvein og var jólalag Baggalúts 2017. Lagið fjallar um hinn ofurflippaða jólasvein Stúf Grýlu– og Leppalúðason og á Bragi Valdimar Skúlason bæði lag og texta. Myndbandið var í höndum Hugleiks Dagssonar og fjöldi tónlistarmanna kom að undirleik og flutnigi lagsins.
Meira

Jólalag dagsins – Á Þorláksmessukvöldi

Þó að enn séu nokkrir dagar í Þorláksmessu er samt tilvalið að setja nýjasta jólalag landsins í loftið, þó það fjalli um þann daginn. „Í dag er ég þakklátur, stoltur og glaður!“ sagði höfundurinn við tíðindamann Feykis í gær þegar hann var spurður út í tilurð lagsins. Höfundurinn er Skagfirðingurinn Haukur Freyr Reynisson, oft kenndur við Bæ á Höfðaströnd, en í dag býr hann og fjölskyldan í Noregi.
Meira

Jólalag dagsins - Ó, Jesúbarn

Í dag er annar sunnudagur í aðventu og þá er kveikt á öðru aðventukertinu, sem nefnist Betlehemskerti. Þá er athyglinni beint að þorpinu sem Jesús fæddist í, og þar sem ekkert rúm var fyrir hann. Í tilefni þess hlustum við á jólalag tileinkað Jesúbarninu eftir Skagfirðinginn Eyþór Stefánsson við ljóð Jakobs Jóhannessonar Smára, skálds, málfræðings og kennara, er fæddist á Sauðafelli í Miðdölum 9.10. 1889.
Meira

Jólalag dagsins - Aleinn um jólin

Á stórtónleikunum Jólagestum Björgvins árið 2017 sungu þeir meistarar Björgvin Halldórsson og Stefán Karl Stefánsson saman lagið “Aleinn um jólin” í Hörpu og vakti atriðið mikla lukku. Lagið var samið fyrir plötuna Jól í Latabæ en eins of flestum er kunnugt fór Stefán með hlutverk Glanna glæps.
Meira