A-Húnavatnssýsla

Samtök sveitarfélaga á Norðurlandi vestra og Rannsóknasetur Háskóla Íslands á Ströndum hafa gert með sér samning um gerð fýsileikakönnunar um aukið samstarf og mögulega sameiningu safna á Norðurlandi vestra að því er fram kemur á vef SSNV.

Sameiningarviðræður sveitarfélaga í Austur-Húnavatnssýslu eru nú að fara af stað aftur eftir nokkurt hlé, að því er fram kom í frétt á vef Ríkisútvarpsins í gær, en þær hafa legið niðri frá síðasta vori.

Nú er gul veðurviðvörun í gildi um land allt en sunnanstormur gengur nú yfir landið með hlýindum og fór hiti í 17 stig á Seyðisfirði í nótt. Veðurstofa Íslands gerir ráð fyrir að vind lægi síðdegis og þá fari einnig að kólna í veðri.

Gengið hefur verið frá samkomulagi milli Heilbrigðisstofnunar Norðurlands og Björgunarsveitinnar Strandar á Skagaströnd um uppsetningu vettvangsliðs á Skagaströnd. Gengur það út á samstarf um þjálfun og tækjabúnað vettvangsliðs á vegum Björgunarsveitarinnar.

Lið Kormáks/Hvatar tekur nú þátt í B-deild Kjarnafæðismótsins í knattspyrnu en sex lið taka þátt í henni. Lið Húnvetninga hefur nú þegar leikið þrjá leiki og náði í sinn fyrsta sigur í síðustu viku. Þá öttu þeir kappi við lið Samherja og höfðu sigur, 4-2.

Á fundi sveitarstjórnar Húnavatnshrepps sem haldinn var þriðjudaginn 28. janúar, samþykkti sveitarstjórn, fyrir sitt leyti, kaup Brunavarna Austur-Húnvetninga á fasteign að Efstubraut 2 á Blönduósi. Ennfremur samþykkti sveitarstjórnin að veita einfalda ábyrgð vegna lántöku Brunavarna Austur-Húnvetninga hjá Lánasjóði sveitarfélaga, að fjárhæð 70.000.000 kr. vegna kaupanna.

Lífshlaupið, heilsu- og hvatningarverkefni Íþrótta- og Ólympíusambands Íslands, var ræst í 13. sinn í morgun, í Skarðshlíðarskóla í Hafnarfirði. Lífshlaupið höfðar til allra landsmanna og er markmið þess að hvetja alla til að gera hreyfingu að föstum lið í lífi sínu, hvort sem er í frítímanum, í vinnunni, í skólanum eða við val á ferðamáta.

Á heimasíðu Byggðastofnunar má sjá að leitað er að tveimur sjálfstæðum og skipulögðum einstaklingum með góða samskiptahæfileika sem tilbúnir eru til þess að takast á við krefjandi og áhugaverð verkefni á þróunarsviði stofnunarinnar. Staðsetning starfanna er á Sauðárkróki.

Alþjóðadagur gegn krabbameinum er haldinn um heim allan í dag 4. febrúar. Að því tilefni ætla Kraftur og Krabbameinsfélagið að hrinda af stað vitundarvakningu um mikilvægi jafningjastuðnings undir slagorðinu Ég skil þig. Félögin starfrækja Stuðningsnetið þar sem einstaklingar með reynslu veita öðrum faglegan jafningjastuðning og er fyrir þá sem greinst hafa með krabbamein og aðstandendur þeirra.

Kakalaskáli í Skagafirði er eitt þriggja verkefna sem hafa verið formlega tilnefnd til verðlauna Eyrarrósarinnar í ár en hún er nú veitt í sextánda sinn. Alls bárust 25 umsóknir um Eyrarrósina 2020 hvaðanæva af landinu en hún er viðurkenning fyrir framúrskarandi menningarverkefni utan höfuðborgarsvæðisins.