A-Húnavatnssýsla

Árleg garðfuglahelgi Fuglaverndar stendur yfir dagana 24.-27. janúar. Hér er um að ræða fastan lið í starfsemi félagsins sem vanalega á sér stað síðustu helgina í janúar. Felst hann í því að þátttakendur fylgjast með garði sínum einhvern tiltekinn dag þessa helgi og skrá hjá sér fjölda fugla sem í garðinn koma.

Opinn íbúafundur var haldinn í Húnavatnshreppi þann 28. nóvember síðastliðinn. Fundurinn bar yfirskriftina „Vilt þú taka þátt í að skapa framtíð samfélagsins?“ Á fundinum var farið yfir áherslur í fjárhagsáætlun fyrir árið 2020 og að því loknu fór fram vinnustofa sem ráðgjafar KPMG stýrðu. Fundinn sóttu um 40 íbúar. Samantekt frá fundinum hefur nú verið birt á vef Húnavatnshrepps.

Miðasala á leik Tindastóls og Stjörnunnar í undanúrslitum bikarkeppni KKÍ 12. febrúar nk. er hafin hjá TIX.is. Stuðningsmönnum Tindastóls er bent á að kaupa miða í gegnum körfuknattleiksdeildina en þá rennur allur hagnaður af þeirri miðasölu beint til hennar.

Þessa dagana stendur yfir umsóknarferli fyrir hetjuupplifanir á Norðurstrandarleið. Hetjuupplifanir eru upplifanir sem sérstaklega eru valdar út og dregnar fram sem eitthvað sérstakt sem einkennir Norðurstrandarleið. Slíkar upplifanir eru nú í boði hjá Síldarminjasafninu á Siglufirði, Brimslóð á Blönduósi, Norðursiglingu, Arctic Trip, Ytra Lóni og Hvalaskoðun og Ektafiski á Hauganesi.

Á fundi sveitarstjórnar Húnavatnshrepps sem fram fór í gær, miðvikudaginn 22. janúar, var afgreiðslu frestað á kauptilboði og veitingu ábyrgðar vegna kaupa Brunavarna Austur-Húnavetninga á fasteign að Efstubraut 2 á Blönduósi. Sveitarstjórn Blönduóss samþykkti í síðustu viku, fyrir sitt leyti, kauptilboð og að veita ábyrgð vegna lántöku til kaupanna. Brunavarnir Austur-Húnvetninga eru í eigu Blönduósbæjar og Húnavatnshrepps.

Það fer nánast að verða fréttaefni ef ekki er gul viðvörun vegna veðurs á landinu bláa en nú er í gildi appelsínugul viðvörun vegna veðurs fyrir Vestfirði en fyrir höfuðborgarsvæðið, Suðurland, Faxaflóa, Breiðafjörð, Strandir og norðurland vestra, Norðurland eystra og Miðhálendi er gul viðvörun. Vegurinn um Þverárfjall er lokaður vegna veðurs sem og um Öxnadalsheiði.

Samtök sveitarfélaga á Norðurlandi vestra auglýsa á vef sínum eftir tilnefningum til framúrskarandi verkefna á Norðurlandi vestra á árinu 2019. Hér er um er ræða nýjung í starfinu en ætlunin er að viðurkenningin verði framvegis veitt á úthlutunarhátíð Uppbyggingarsjóðs Norðurlands vestra.

Þjóðskrá Íslands hefur gefið út tölur yfir hlutfall erlendra ríkisborgara eftir sveitarfélögum og landsvæðum. Þar kemur fram að hlutfallið er afar mismunandi eftir sveitarfélögum. Hæst er það í Mýrdalshreppi þar sem 44% íbúa hefur erlent ríkisfang eða 319 af 717 íbúum hreppsins þann 1. desember sl. Það sveitarfélag sem hefur lægst hlutfall erlendra ríkisborgara er Svalbarðshreppur en aðeins einn íbúi hreppsins hefur erlent ríkisfang sem ígildir einu prósenti íbúanna.

Út er komin skýrslan Kolefnisspor Norðurlands vestra sem er hluti af áhersluverkefni Sóknaráætlunar Norðurlands vestra árin 2018-2019. Skýrslan er unnin af Stefáni Gíslasyni hjá Umhverfisráðgjöf Íslands ehf. (Environice) fyrir Samtök sveitarfélaga á Norðurlandi vestra, SSNV.

Sveitarstjórnir fjögurra sveitarfélaga á Norðurlandi vestra; Húnavatnshrepps, Húnaþings vestra, Sveitarfélagsins Skagafjarðar og Akrahrepps, hafa samþykkt sameiginlega umsögn við frumvarp umhverfis- og auðlindaráðherra til laga um Hálendisþjóðgarð. Málið hefur verið til kynningar í samráðsgátt stjórnvalda en sveitarfélögin hafa fjallað um málið á fyrri stigum og leggjast gegn framgangi þess í núverandi mynd.