Fréttir

Stólastúlkur tóku á móti liði Hamars/Þórs í lokaumferð Bónus deildar kvenna í Síkinu í kvöld. Lið Tindastóls hefur vaxið eftir því sem á tímabilið hefur liðið og það sýndi sig því stelpurnar okkar sigldu fram úr gestunum í upphafi síðari hálfleik og því gátu þær sunnlensku ekki svarað. Lokatölur voru 90-68 og með sigrinum lyftu Stólastúlkur sér upp fyrir lið Stjörnunnar og enduðu í sjöunda sæti deildarinnar.

Hljómsveitin Gildran fagnar nú um mundir 40 ára starfsafmæli með tónleikahaldi víða um land. Þeir hófu afmælishaldið með tónleikum í Háskólabíói á geysi velheppnuðum tónleikum og nú um liðna helgi tróðu þeir félagar upp í Hofi á Akureyri 21. mars nk. Feykir hafði veður af því að hljómsveitin hafi undirbúið þessa tónleika sína talsvert á Hofsósi og lék blaðamanni m.a. forvitni á að vita tilurð þess og ýmislegt annað um þessa landsþekktu og rótgrónu hljómsveit.

Listunnendur og íbúar eru boðnir velkomnir á „List á pappír“, nýja og líflega sýningu sem dregur fram verk eftir listamenn af svæðinu. Sýningin fer fram í Hillebrandtshúsi í gamla bænum á Blönduósi dagana 10.–19. apríl 2026 og verður opin daglega frá kl. 16:00 til 18:00.

FermingarFeykir er kominn út og er á leið til áskrifenda þó það ferðalag taki reyndar mislangan tíma. Þeir sem hafa aðgang að rafrænni útgáfu geta nú þegar kíkt á blaðið sem er 28 blaðsíður. Meginefni blaðsins er að sjálfsögðu helgað fermingum og má meðal annars sjá stutt viðtöl við fermingarbörn, ný og eldri, við kíkjum á fermingartískuna og svo má finna í blaðinu hinn ómissandi lista yfir fermingarbörn ársins á Norðurlandi vestra.

Síðastliðið sumar voru stutt myndbönd tekin upp í öllum sveitarfélögum á Norðurlandi vestra þar sem íbúar voru spurðir að því hvað þeim fyndist best við svæðið. Í frétt á síðu SSNV segir að hugmyndin hafi verið að beina athygli íbúa að jákvæðum þáttum þess að búa í landshlutanum og auka jákvæðni og bjartsýni en það er einmitt einn lykiláhersluþáttur Sóknaráætlunar Norðurlands vestra 2025-2029.

Sveitarstjórar eru framkvæmdastjórar sveitarfélaga. Sveitarstjóri getur verið einn af kjörnum fulltrúum í sveitarstjórn, en þarf ekki að vera það og þannig háttar einmitt til í öllum fjórum sveitarfélögunum á Norðurlandi vestra. Hlutverk sveitarstjóra er m.a. að hafa umsjón með daglegum rekstri sveitarfélagsins og framfylgja þeim ákvörðunum sem sveitarstjórn tekur. Feykir sendi nýverið spurningar á alla fjóra sveitarstjórana, Alexöndru á Skagaströnd, Pétur Bergþór í Húnabyggð, Sigfús Inga í Skagafirði og Unni Valborgu í Húnaþingi vestra. Vonandi verða heimtur góðar en Unnur Valborg varð fyrst til svara og hún byrjaði á að segja frá hver eru mikilvægustu verkefnin sem Húnaþing vestra hyggst vinna að á þessu ári.

Dregið hefur verið í 32 liða úrslitum Mjólkurbikarsins en bæði lið Tindastóls og Kormákur/Hvöt voru í pottinum góða. Bæði liðin fengu erfiða mótherja en þó heimaleiki en fyrst þurfa liðin þó að klára andstæðinga sína í 64 liða úrslitum og það gæti reynst þrautin þyngri.

Nú á dögunum stóð Eimur fyrir fræðsluferð til Írlands fyrir áhugasama aðila um tækifæri í sniglarækt. Í umfjöllun á síðu SSNV segir að fulltrúi samtakanna, Magnús Barðdal, hafi verið með í för til að kynna sér verkefnið og vera í stakk búinn til að styðja við áhugasama aðila með áætlunargerð og þróun verkefna ef vilji er til staðar að hefja slíka starfsemi á Norðurlandi.

Nýrri sjálfsafgreiðsluvél hefur nú verið komið fyrir á bókasafninu á Sauðárkróki. Um er að ræða nútímalega lausn sem auðveldar og flýtir fyrir afgreiðslu hjá safninu, frá þessu segir á vef Skagafjarðar. 

Sóley Björk Guðmundsdóttir vínfræðingur býr og starfar í Barselóna en gerir sér reglulega ferð til Íslands og alla leið heim á Sauðárkrók til að halda vínsmakkanir. Næsta smökkun fer fram á Sauðá á fimmtudaginn næstkomandi, 26. mars.