Fréttir

Framsókn og aðrir framfarasinnar Austur Húnavatnssýslu boða til opins viðburðar fimmtudaginn 19.mars kl. 21:00 að Norðurlandsvegi 4 á Blönduósi.

Fróðlegt hefur verið að fylgjast að undanförnu með umræðum erlendis, bæði í röðum fjölmiðla, stjórnmálamanna og samtaka, eftir að ríkisstjórnin tilkynnti að þjóðaratkvæði um það hvort sótzt verði eftir inngöngu í Evrópusambandið (eða eins og stjórnin kýs að kalla það, „áframhaldandi aðildarviðræður“) færi fram 29. ágúst næstkomandi. Víða hefur það verið sagður einn helzti kosturinn fyrir sambandið að Ísland væri ríki sem myndi greiða með sér til þess.

Veðurstofa Íslands hefur gefið út gular veðurviðvaranir fyrir stóran hluta landsins sem taka gildi í nótt og á morgun. Spáð er sunnan stormi með slyddu og rigningu, auk hlýnandi veðurs.

Senn líður að kosningum til sveitarstjórna í landinu þar sem íbúar velja sér fulltrúa til að hafa umsjón með sameiginlegum eignum þeirra, ásamt því að reka lögbundna þjónustu og stuðla að uppbyggingu, samfélaginu til hagsbóta. Hér í Skagafirði mun Miðflokkurinn bjóða fram lista í fyrsta sinn og svara með því ákalli íbúa um breytingar. Við munum leggja áherslu aðhald í fjármálum sveitarfélagsins, um leið og lögbundin grunnþjónusta verður sett í forgang. Eitt helsta verkefni kjörinna fulltrúa er að fara vel með fjármuni þá sem til ráðstöfunar eru, rétt eins og flestir reyna að gera í heimilisbókhaldi sínu.

Á morgun, miðvikudaginn 18. mars fara FNV-leikar fram í fyrsta sinn við Fjölbrautaskóla Norðurlands vestra. Leikarnir eru að fyrirmynd Fjölbrautaskóla Suðurnesja, þar sem sambærilegir leikar hafa verið haldnir í um 20 ár.  Markmiðið með leikunum er að skapa góða stemningu, samheldni og gleði meðal nemenda.

Sveitarstjórn Húnabyggðar leggur fram tillögu að nýju aðalskipulagi fyrir Húnabyggð sem kynnt verður á opnum kynningarfundi fimmtudaginn 19. mars kl. 17 í Félagsheimilinu á Blönduósi.

Vakin er athygli á því á vef Skagafjarðar að vegna tíðarfars undanfarnar vikur hafa myndast holur á götum sveitarfélagsins. Ökumenn eru því beðnir um að sýna varkárni á næstu dögum.

Sjálfstæðisflokkurinn í Skagafirði kynnti í kvöld framboðslista sinn til sveitarstjórnarkosninga á fjölmennum fundi á Sauðá á Sauðárkróki. Setið var í öllum stólum og staðið víða þegar Gísli Sigurðsson, fráfarandi oddviti, kynnti til leiks Magnús Barðdal sem nýjan oddvita flokksins í sveitarfélaginu.

Veðrið í dag á Norðurlandi vestra var með ágætum en þegar nálgaðist kvöld fór að hvessa og Veðurstofan skellti á okkur gulri veðurviðvörun sem varir til kl. 10 í fyrramálið í það minnsta. Nú undir miðnætti var óveður á þjóðvegi 1 milli afleggjarans að Hvammstanga og Víðigerði og sömuleiðis var óveður í Langadalnum og á Skagastrandarvegi. Það er norðaustan átt og víðast hvar í Húnavatnssýslum er vindur um og yfir 20 m/sek.

Íbúar og velunnarar Hóla í Hjaltadal og Háskólans á Hólum komu saman til fundar þann 11. mars síðastliðinn. Í yfirlýsingu lýsa fundarmenn yfir miklum áhyggjum af áformum stjórnvalda sem meðal annars koma fram í minnisblaði framkvæmdahóps um Hóla í Hjaltadal dagsett 15. október 2025. Minnisblaðið hefur verið rætt í ríkisstjórn. Í yfirlýsingunni kemur fram að þær tillögur sem nú liggja fyrir hafa verið unnar án nokkurs samráðs við íbúa, almenna starfsmenn háskólans og aðra velunnara.