Fréttir

Kiwanisklúbburinn Freyja á Sauðárkróki ætlar að bjóða upp á hýasintur til sölu nú í vikunni í samstarfi við Blóma og gjafabúðina. Blómin kostar 750 kr. stykkið og verður þeim keyrt heim að dyrum í póstnúmeri 550. Síðasti pöntunardagur er föstudagurinn 11. desember.

Talið er að heildarbætur til bænda á þeim fimm bæjum í Skagafirði sem hafa þurft að skera fé sitt vegna riðuveiki í haust, gætu numið um 200 milljónum króna. Fjárheimild til bóta fæst að hluta með sérstakri heimild í fjárlögum og að hluta í fjáraukalögum, hefur Fréttablaðið eftir Haraldi Benediktssyni, varaformanni fjárlaganefndar.

Nafn: Guðmundur Haukur Jakobsson. Fjölskylduhagir: Giftur Kristínu Ósk Bjarnadóttir og eigum fjórar frábærar dætur og sýnishorn af hundi, Chihuahua. Starf / nám: Ég er lærður matreiðslumaður, er pípulagnameistari, á og rek N1 píparann á Blönduósi ásamt mági mínum. Er oddviti og formaður bæjarráðs á Blönduósi og hef séð um rekstur Félagsheimilisins á Blönduósi með frúnni í nokkur ár. Hvert var uppáhalds leikfangið þitt þegar þú varst krakki? Veiðistöngin og bryggjan var nú vinsælt combo, a.m.k. yfir sumartímann.

Lagið Dansaðu vindur kom út á plötu Frostrósa, Heyr himnasmiður, árið 2008, sungið af hinni færeysku Eivøru Pálsdóttur, við texta Kristjáns Hreinssonar. Lagið er sænskt að uppruna, samið af Peter Grönvall en sænska textann samdi kona hans Nanne Grönvall.

Svandís Svavarsdóttir heilbrigðisráðherra tilkynnti fyrir stundu um breytingar á sóttvarnaráðstöfunum sem taka gildi næstkomandi fimmtudag og munu gilda í rúmar fjórar vikur eða til 12. janúar. Áfram verða tíu manna fjöldatakmörk víðast hvar, þó með nokkrum undantekningum.

Sauðfjárbúskapur verður líklega seint talinn til gróðavænlegustu atvinnustarfsemi sem völ er á. Engu að síður má víða um land finna unga og bjartsýna bændur sem byggja ótrauðir upp jarðir sínar, þrátt fyrir lágt afurðaverð til bænda. Í nýjasta tölublaði Bændablaðsins er rætt við stórhuga bændur á tveimur bæjum í Miðfirðinum sem þessa dagana standa í stórræðum við útihúsabyggingar á bæjum sínum.

Út er komin bókin Strandir 1918: Ferðalag til fortíðar en það eru Sauðfjársetur á Ströndum og Rannsóknasetur Háskóla Íslands á Ströndum - Þjóðfræðistofa sem gefa hana út. Ritstjóri er Dagrún Ósk Jónsdóttir, þjóðfræðingur, en hún er einnig höfundur greinar í bókinni.

Ekkert virðist sorglegra en hírast einmana á jólanótt líkt og Diddú syngur um í jólalagi dagsins. „Hvers vegna fórstu frá mér? Lítið jólatré, einmana og yfirgefið eins og ég. Öllum sama er, halda sína leið og eftir er ég hér, einmana á jólanótt.“

Nýtt litakóðunarkerfi vegna Covid-19 var kynnt á fundi almannavarna og Embættis landlæknis í morgun. Nýja kerfið tók gildi í morgun og er það byggt á litum líkt og veðurviðvörunarkerfi Veðurstofunnar. Kerfið gerir ekki ráð fyrir að sam­komutak­mörk verði rýmkuð meira en í 100 manns meðan á far­aldr­in­um stend­ur og einnig er tveggja metra reglan í gildi inn­an allra litakóða. Um er að ræða fjóra flokka: gráan, gulan, appelsínugulan og rauðan, og er rautt ástand í gildi á landinu þessa dagana.

Frjálsíþróttasamband Íslands hefur tilkynnt hvaða íþróttamenn hljóti viðurkenningar fyrir árið sem er að líða sem hefur að sjálfsögðu á margan hátt verið einstakt sökum Covid. Einn íþróttagarpur frá UMSS kemst á þennan lista FRÍ en það er Ísak Óli Traustason en hann og María Rún Gunnlaugsdóttir, FH, eru fjölþrautarfólk ársins.