Fréttir

Söngkeppni framhaldsskólanna fer fram í kvöld og verður haldin með glæsibrag á Akranesi. Í ár eru 24 framhaldsskólar skráðir til leiks og er markmið allra sem koma að Söngkeppninni, að þessi verði sú allra glæsilegasta. Valdís Valbjörnsdóttir frá Sauðárkróki tekur þátt fyrir hönd Fjölbrautaskóla Norðurlands vestra.

Nú lét ég plata mig. Að skrifa hugleiðingar sínar á blað er ákveðin áskorun þegar maður veit ekkert hvað maður á að skrifa um. Nú myndi Zophonías vinur minn í Hnausum hnussa og segja „og þú sem ert alltaf kjaftandi“.

Leikfélag Sauðárkróks frumsýnir gamanleikinn Einn koss enn og ég segi ekki orð við Jónatan nk. sunnudag klukka 20. Leikritið fjallar um glaumgosann Jónatan sem býr með þremur flugfreyjum en þær eru á stanslausum þeytingi, hver í sinni þotunni hjá sitthverju flugfélaginu. Góð skipulagning Jónatans, og liðlegheit húshjálparinnar, gerir það að verkum að þær vita ekki hver af annarri.

Eftir tíu ára fjarveru og tvær háskólagráður flutti ég aftur á heimaslóðir í Skagafirði árið 2007. Ég var efins í fyrstu, hélt að hér væri lítið að gerast og ætlaði að stoppa stutt. Annað kom á daginn, hér er ég enn, horfi á börnin mín blómstra í námi, íþróttum og tómstundum og er sjálf í frábæru starfi á góðum og framsæknum vinnustað, Árskóla.

Sem kunnugt er tóku svokallaðar Pokastöðvar til starfa í þremur verslunum í Skagafirði fyrir réttu ári síðan með það að markmiði að draga úr notkun innkaupapoka úr plasti með því að sauma og bjóða taupoka til láns.

Sveitarstjórn Húnaþings vestra hefur auglýst tillögu að breytingu á aðalskipulagi Húnaþings vestra 2014-2026. Um er að ræða breytta veglínu við bæinn Tjörn á Vatnsnesi.

Framboðslisti L-listans á Blönduósi í komandi sveitarstjórnarkosningum hefur verið kynntur. Það er Guðmundur Haukur Jakobsson sem er oddviti listans, en hann skipaði annað sætið í síðustu sveitarstjórnarkosningum. Rannveig Lena Gísladóttir er í öðru sæti og Sigurgeir Þór Jónasson skipar það þriðja. Valgarður Hilmarsson sem áður leiddi listann er í 14. sæti eða heiðurssæti listans.

Sæluvika Skagfirðinga, hin árlega lista- og menningarhátíð, hefst um helgina. Í Sæluviku verður boðið upp á fjölbreytta menningardagskrá víðs vegar um fjörðinn. Sæluvika Skagfirðinga er ein elsta menningarhátíð landsins og nær saga hennar allt aftur til ársins 1874 þegar svonefndar sýslunefndarvikur hófu göngur sínar.

Dagur jarðar var víða haldinn hátíðlegur á sunnudaginn og af því tilefni skelltu margir sér út í náttúruna og tíndu upp rusl. Á Facebooksíðu Blönduskóla er sagt frá því að börnin í skólanum létu sitt ekki eftir liggja og á mánudaginn drifu nemendur nokkurra bekkja sig út í þeim tilgangi að leggja sitt af mörkum fyrir náttúruna og bæinn sinn.

Slökkviliðið á Sauðárkróki var kallað út um miðjan dag í gær til að slökkva sinueld sem logaði framan í Nöfunum, ofan við gömlu rafstöðina yst í bænum. Að sögn Svavars Birgissonar, slökkviliðsstjóra má rekja brunann til mannlegra athafna, eins og hann komst að orði.